Ашық сабақ "Қазақстан жер бедерінің негізгі ерекшеліктері" 8-сынып

Сабақ тақырыбы: Қазақстан жер бедерінің негізгі ерекшеліктері (жазықты аумақтар және тау жүйелері, биіктік айырмашылықтары)

Сабақ мақсаты:

Не біледі? Қазақстан жер бедерінің басты ерекшеліктерін біледі.

Не істей алады? Жер бедерінің түрлі формаларын көрсете алады және басты ерекшеліктерін картамен дәлелдей алады.

Күтілетін нәтиже: Қазақстан жер бедерінің басты ерекшеліктерін біліп шығады.

Сабақ ресурстары: Мәтін, сурет, Қазақстанның физикалық картасы, атлас

Сабақ түрі: Аралас

Сабақ әдісі: Жұптық-ізденіс сабақ

Сабақ барысы: Ұйымдастыру кезеңі, амандасу, түгендеу, сәттілік жолдау.

Үй тапсырмасын тексеру: Картадан көрсетіп тұрып баяндау. 

- Биік және аласа таулы аймақтарды, қыраттар мен үстірттерді және жазықтар мен ойпаттарды көрсет, бұлар қалай пайда болды?

- Жер бедеріне ішкі және сыртқы күштерге нелерді жатқызасыңдар және олар қалай әсер етеді?

- Тектоникалық қозғалыстар дегеніміз не?, жаңа тектоникалык қозғалыстар қай аймақта байқалады?

- Жер сілкіну күші немен есептелінеді, неше балдан бастап қауіпті деп ойлайсың?, неліктен?

- Картадан жер сілкіну күші бойынша таралу аймақтарын көрсет, яғни 6 балдан төмен және 6 балдан жоғары жер сілкіну аймақтарын

Жаңа сабақты ашу: ҚР физикалық картасы мен суреттерді көрсету арқылы жаңа сабақ тақырыбын ашу. 

Жаңа білім игеру: Жұптық ізденіс тапсырмалар: 

- Атластағы ҚР физикалық картасымен жұмыс, жұптасып 2000м жоғары, 600м-ден -1000м-ге дейін тауларды, үстірттерді, жазықтарды табу

- Оқулықтың 43-бетіндегі аталған ойпатты жазықтарды, көтеріңкі жазықтарды, биік тауларды картадан табу.

- Қазақстанның ең төмен нүктесі мен ең биік нүктесін картадан табу және нүктелердің айырмасын есептеу

-Қазақстан жер бедерінің басты 4 ерекшелігімен оқып танысу

Дәптермен жұмыс: . ҚР жер бедерінің 4 ерекшелігі, ең биік және ең төмен жері, биіктік айырмасы, биік таулардың алып жатқан аумағы.

Жаңа сабақты бекіту:

- Қазақстан жер бедерінің басты ерекшеліктерін карта бойынша бекіту:

1. атлас картасы бойынша

2. тақтадағы картаға кезектесіп жұптардың шығып көрсетуі

Бағалау: Жұптарды оқушылармен бірлесіп мұғалім бағалайды 

Үйге тапсырма: §10 оқу, 8,9 беттегі кескін картамен жұмыс 

Кері байланыс: Не білдік? Не істей алдық?