Ашық сабақ, Родничок кіші тобы

Ашық сабақ
«Айым» балабақшасы

«Родничок» кіші тобы

Ұйымдастырылған оқу іс - әрекетінің технологиялық картасы.
Тақырыбы: Саяхатқа! Түрлі-түсті қалаларға!
Білім беру саласы: «Таным»
Бөлімі: Сенсорика.
Мақсаты:

Білімділік: балаларды түстермен таныстыру және түстерді ажырата білуге үйрету.

Түзете-дамытушылық: ой-өрісін, ойлау қабілетін, тілін дамыту. Ойынға деген қызығушылығын, есте сақтау қабілетін, ұсақ моторикасын дамыту.

Тәрбиелік: балаларды тазалыққа, үлкендерді сыйлай білуге тәрбиелеу.

ҰОҚ-ға дайындық жұмыстары:: «Түстерді қайталау»
Сөздік жұмыс: Қызыл, жасыл, көк, сары
Сабақтың көрнекі-құралдары: Гүлдер, шарлар,түрлі-түсті қағаздар, геометриялық пішіндер

Әдіс-тәсілдері: түсіндіру, үйрету, ойындар ойнату, сұрақ-жауап
Блингвистикалық компоненті: Қызыл – (рус.) красный, (eng.) red. Көк - (рус.) синий, (eng.) blue. Сары - (рус.) желтый, (eng.) yellow. Жасыл - (рус.) зеленый, (eng.) green
ҰОҚ барысы:
1.Ұйымдастыру кезеңі:

Мотивациялық қозғаушы

Түрлі - түстерге тоқталу. Тақтаға түрлі - түсті дөңгелектер, гүлдер, шарлар ілінеді,
Балалардың ойынға деген қызығушылықтары артады.

Қане түзу тұрайық
Амандасып алайық,
Сәлеметсіңдер ме, балалар!
Сәлеметсіз бе апай!

2.Негізгі кезең:

Ұйымдастырушылық –

ізденістік
Балалар, біз бүгін түрлі – түсті қалаларға саяхат жасаймыз.
1 - қала: «Гүлдер» қаласы
Балалар қаламызға жету үшін, біз ұшақпен ұшып барамыз.
Алақай! Балалар бірінші қаламызға келдік! Біз қандай қалаға келіп жеттік?
Қимылды ойын: «Гүлдерді себетке жина»

Ойын шарты: Себеттерге жердегі түрлі – түсті гүлдерді түстеріне қарай топтастырып себетке салу және оның аттарын атау.

Ойын мақсаты: баланың ойлауын дамыту, түстерді ажыратуға үйрету.
Ал балалар енді, келесі қаламызға ұшайық.
2 - қала: «Пішіндер» қаласы
Дидақтикалық ойын: «Үй саламыз»

Ойын шарты: Геометриялық пішіндер арқылы, үйдің бөлшектерін анықтап, үй салу.

Ойын мақсаты: балаларға геометриялық пішіндерді үйрету
Балалар жарайсыңдар!
Сергіту кезеңі:

Қане қанат жазайық,
Қарлығашқа ұқсайық.
Ұшып-ұшып алайық,
Орнымызға қонайық..

Балалар біздің енді топқа кететін уақытымыз болды. Ұшақпен топқа келеміз.
Қызыл, сары, көк түсті.
Міне шарлар көп тіпті.
Қане қайсысын таңдайсың, түсін біліп алғайсың.

Ақ қанатты көбелек,
Көп қанатты көбелек,
Қызыл қанат көбелек
Біздің үйге келек кет.

Балалар ұшақтан түсіп, саяхат жасаған қалалардың атауын атайды.
Бірінші қала «Гүлдер» қаласы
Балалар қуана – қуана қызығушылық танытып гүлдерді жинайды.
Балалар апаймен бірге геометриялық пішіндер арқылы үй салады.

Топ – топ басамыз
Шапалақты қосамыз
Жаса, жаса алтын күз
Жаса, жаса жарқын күз

3 - кезең
Рефлексиялық түзетушіліқ

Қане, балалар шеңберге тұрайықшы.
Балалар бүгін біз сары, жасыл, көк, қызыл түстерімен таныстық, енді сендер осы түстерді өз ілгіштеріне апарып іліңдер
Балалар бүгін қандай жұмыс жасадық?
Қандай түстер үйрендік?
Жарайсыңдар балалар!
Мадақтау. Жылы сөздер айту
Балалар әр түсті өз ілгіштеріне апарып іледі.
Көк, сары, қызыл, жасыл түстерді үйренді
Күтілетін нәтиже:
Біледі: Түстерді, пішіндерді

Түсінеді: Гүлдер арқылы түстерді, ойын арқылы топтастыруды.
Қолданады: 4 түстерді топтастыруға үйренеді

Тәрбиеші: Қарсыбек Аршын Нұрланқызы