Ашық сабақ. С-З дыбыстарын ажырату

Сабақ тақырыбы: С-З дыбыстарын ажырату.

Сабақ мақсаттары:

Коррекциялық – білімділік: Дыбыстардың артикуляциялық қалпын нақтылау және салыстыру. Сұрақ және жауап кезінде логикалық екпіннің өзгеруіне байланысты дауыс күшін өзгерту қабілетін жетілдіру.

Коррекциялық – дамытушылық: ойлау, есте сақтау, зейін қою қабілеттерін дамыта отырып, сабаққа деген қызығушылығын арттыру. Артикуляциялық жаттығулар арқылы бет, ерін, тіл бұлшықеттерінің белсенділігін жетілдіру.

Коррекциялық – тәрбиелік: әңгімелесу барысында өз ойын ашық айту қабілетін жетілдіру. Бір-бірінің жауабын мұқият тыңдап, кезектілікпен сөйлеуге, қойылған сұрақтарға толық жауап беруге үйрету.

Сабақ барысы:

І Ұйымдастыру

ІІ Артикуляциялық жаттығулар

«ине», «сағат тілі», «жалпақ тіл», «тәтті шырын»

ІІІ Тыныс алу жаттығулары

ІV Өткен сабақты қайталау

«Кім жылдам» ойынын ойнайық.

V Жаңа сабақ

Саматтың қолында таяғы бар, секіріп ойнап суға шомылуға келе жатса, дәл алдынан жорғалап келе жатқан жыланды көріп, қатты қорқып, тоқтай қалды. Сол сәтте таяғының бар екені есіне түсіп, өзін батыл сезінді. Жылан да біраз «с-с-с» деп өз жөніне кетті.

• Балалар, жылан қалай ысылдайды?

• С-С-С! С-С-С! С-С-С!

С дыбысының артикуляциялық кескінімен таныстыру.

1 тапсырма

Буындарды, сөздерді оқы.

Са-са-са – Сара

Со-со-со – соқа

Ас-ас-ас – тас

Сө-сө-сө – сөре

Ыс-ыс-ыс – тыс

2 тапсырма

Буындарды, сөз тіркестерін оқы.

Са-са-са- ызыңдайды маса,

Ыс-ыс-ыс – келіп қалды қыс.

3 тапсырма

Сөздерді буынға бөл

Са-ғат су

са-уыс-қан са-рым-сақ

V Сергіту сәті

Қанат жаям жалма-жан,

Талпынғандай ұшуға.

Иіліп келіп қол созам,

Аяғымның ұшына.

4 тапсырма

Жаңылтпашты бір тыныста оқыңдар, с дыбын анық айт.

Сара келіп сабақтан,

Сан шаруа тындырды.

Самаурынға салатын,

Сексеуілді сындырды.

Сазан балық қуырды,

Соң-соң сауды сиырды.

VІ Сабақты қорытындылау

Балалар біз бүгінгі сабақта қандай дыбысты анық, дұрыс айтуға үйрендік. Олай болса қане «сөз ойла, тез ойла» ойынын ойнап жіберейік.

VІІ Бағалау

Сабақ тақырыбы: З дыбысын машықтандыру

Сабақ мақсаттары:

Коррекциялық – білімділік: З дыбысын буында, сөзде, сөйлемде дұрыс айтуға машықтандыру. З дыбысы бар сөздерге дыбыстық талдау жасай білуге үйрету.

Коррекциялық – дамытушылық: Сөйлеу мүшелерінің икемділігін арттыру. Дұрыс тыныс алуларын дамыту. Сөздік қорларын молайту. Таным қабілеттерін дамыту.

Коррекциялық – тәрбиелік: Ұйымшылдыққа, ұқыптылыққа тәрбиелеу.

Сабақ барысы:

І Ұйымдастыру

ІІ Артикуляциялық жаттығулар

«ине», «сағат тілі», «жалпақ тіл», «тәтті шырын»

ІІІ Тыныс алу жаттығулары

ІV Өткен сабақты қайталау

V Жаңа сабақ

Алтынбек сурет салып отырды. Желдеткіштен маса ұшып келді. Маса бөлме ішінде ызыңдап, ұшып жүрді. Асылбектің қолына қонып, шағып алды. Асылбек шапалақпан қолын сарт еткізіп еді, бірақ маса ұшып кетті.

Шағып алса адамды,

Ауыртады тызылдап,

Үйдің іші қараңғы,

Масалар жүр ызыңдап.

• Асылбек не істепотыр еді?

• Сурет салып отыр.

• Желдеткіштен не ұшып келді?

• Маса

• Масалар қандай дыбыс шығарады?

• З-з-з-з

З дыбысының артикуляциялық кескінімен таныстыру.

1 тапсырма

Зу-зу-зу-жазу

Зы-зы-зы-қозы

Зе-зе-зерек

Зі-зі-зі-жүзім

Ұз-ұз-ұз-тұз

Үз-үз-үз-күз

2 тапсырма

За-за-за – ауа қандай таза

Аз-аз-аз – келді міне жаз.

Ыз-ыз-ыз – Айгүл жақсы қыз.

V Сергіту сәті

Ал балалар тұрайық,

Алақанды ұрайық.

Бір отырып, бір тұрып

Біз тынығып алайық.

3 тапсырма

Жұмбақтар шешейік

1. Әкесі – су, шешесі – суық (Мұз)

2. Қос қолы жоқ, көзі жоқ,

Сурет салар өзі көп. (аяз)

3. Құрғақ жерге сақтайсың

Менсіз тамақ таппайсың (тұз)

VІ Сабақты қорытындылау

Балалар біз бүгінгі сабақта қандай дыбысты анық, дұрыс айтуға үйрендік.

VІІ Бағалау