Ашық сабақ Сауат ашу

Бөлімі, пәні

Қатынас, сауат ашу

Педагогтің аты-жөні

Назарова Айнур Жаскеленовна

Күні:

25.11.2021жыл

Сынып:

Қатысушылар саны:

Қатыспағандар саны:

Сабақтың тақырыбы

Р дыбысы мен әрпі

Оқу бағдарламасына сәйкес оқыту мақсаттары

«Р» дыбысымен таныстыру. Дыбыстық құрылымы әртүрлі үш, төрт дыбысты сөздерге дыбыстық талдау жасауға, сөйлем құрауға үйрету, сөйлем туралы түсінік беру. Дыбыстардың айтылу және дыбысталу ерекшеліктерін талдауға үйрету. Балаларды тазалыққа, ұқыптылыққа тәрбиелеу.

Сабақтың мақсаты

Барлық оқушылар: суретке қарап сөйлем құрауды, сөздерге дыбыстық талдау жасайды;

Көптеген оқушылар: дыбысты еститінін, қырманда астықтар болатынын;

Кейбір оқушылар: қима суреттермен ойын ойнайды.

Сабақтың барысы

Сабақтың кезең

уақыт

Педагогтің әрекеті

Оқушының әрекеті

Бағалау

Ресурстар

Сабақтың басы

-Амандасу, бір-бірімізге қайырлы таң тілеу.

Шаттық шеңбері

Адал жақсы ниетпен,

Бар адамға бақ тілеп.

Жарып шыққан жүректен,

Сөздің бәрі ақ тілек.

– Кәне, балалар, бүгін бәріміз бірге қырманға көмекке барамыз. Сендер ол жерден көптеген дәнді дақылдар түрлерін көресіңдер. Қырманда астық тау болып үйіліп жатады. Ол біздің диқан ағаларымыздың ерен еңбектері екенін білуіміз керек.

Бір-біріне қайырлы таң тілейді.

Сабақтың ортасы

– Міне, қырман. Қырман – астық бастыратын, тазалайтын ашық алаң.

– Балалар, сендер не көріп тұрсыңдар?

– Иә, бұл – егіс алқабынан жиналып алынған дақылдар. Сендер осы дақылдардың атауларын білесіңдер ме?

– Бұл дақылдар бізге оңай келе салмайды. Көп еңбекті қажет етеді. Егін бітік шықса, нан түрлері көп болады. Бүгін біз «арпа», «күріш», «жүгері» сөздерінде кездесіп тұрған «Р» дыбысымен танысамыз.

– Біз дыбысты естиміз. Кәне, қолайнаға қарап, бірге «Р-р-р-р-р», – деп айтып көрейік.

Мысалы: Ит «Р-р-р-р», – деп ырылдайды.

– Сендер не естідіңдер?

– Міне, дауысты сендер естіп тұрсыңдар, көріп тұрған жоқсыңдар.

«Р» дыбысының дұрыс артикуляциясы мынадай: Ерін сәл ашылып, тілдің екі жағы жалпақтана жоғары көтеріліп, дем қарқынды түрде тіл ұшынан шыққанда «Р» дыбысы жасалады. «Р» – дауыссыз дыбыс.

– Дауыссыз дыбыстарды қандай түспен белгілейміз? «Р» дыбысы бар сөздерді айтқызу.

Р дыбысының жазылуы тасбаша жане жазбаша. Р дыбысын жазғызу.

1 тапсырма.

2 тапсырма.

– Ара, гүл, балдың суреттерін іліп, осы суреттерді қатыстырып, бір сөйлем құрайық

– Міне, сендер көргендеріңнің бәрін қысқаша сөйлем етіп жеткіздіңдер.

– Сөйлем қысқа сөйлем және ұзақ сөйлем болып екіге бөлінеді. Сендер көргендеріңді сөзбен жеткізе аласыңдар. Жеткізген сөздерің құрала келіп, сөйлем болады.

Балаларға ара, арпа сөздерін буынга бөлгізеді.

– «Ара», «арпа» сөздерінде «Р» дыбысы қай жерде кездесіп тұр?

– Осы сөздерге дыбыстық талдау жасайық.

– «Ара» сөзінде неше дыбыс бар?

– Неше буыннан тұрады?

– Дыбыстардың дауыссыз не дауысты дыбыс екенін ажыратайық.

– «Арпа» сөзінде неше дыбыс бар?

– Неше буыннан тұрады?

– Дыбыстарға талдау жасайық.

Сергіту сәті:

«Азия» тобының орындауындағы «Қырманға кел, қалқатай» әнінің әуенімен жасатуға болады.

– Мен тақпақ оқимын, «Р» дыбысы бар сөздерді есте сақтап қалыңдар.

Ботақаным,

Қара көзің мөлдіреп,

Қызықтырмай қоймайды.

Жібек жүнің үлбіреп,

Қарасаң көзің тоймайды.

(І.Жансүгіров)

– Қай сөздерде «Р» дыбысы кездеседі?

«Дыбыстарды танып ал» дидактикалық ойынын ойнату.

Ойын шарты: жануарлар мен дақылдардың қима суретін араластырып қояды. Таңдап алған суретте «Р» дыбысы бар не жоқ екенін айтып береді.

Жұмыс дәптермен жұмыс: дәптердегі №11 тапсырма орындалады.

– Мынау – арпа, тары, жүгері, күріш, бидай.

Барлығы бірге қайталайды.

Көк түспен белгілейміз.

Ара гүлден бал алады.

Түсінік алады.

А-ра, ар-па.

Ортасында.

-Дыбыстық талдау жасайды.

-Ара сөзінде 3 дыбыс бар.

-2 буыннан тұрады.

-Ажыратады.

-4 дыбыс бар.

-2 буыннан тұрады.

-Дыбыстарға талдау жасайды.

-Сергіту сәтін қайталап, жасайды.

Есте сақтайды.

Қара, қызықтырмай, үлбіреп, қарасаң сөздері.

Барлығы қолдарын шапалақтайды.

Қырманның суреті.

Р дыбысы бейнеленген суреттер.

Айна.

Егіс даласы, арпаның суреті.

Музыка қосу.

Дидактикалық ойынға арналған қималар.

Жұмыс дәптері.

Сабақтың соңы

–Бүгінгі сабақта қандай тапсырма қызықты болды?

Бүгін қандай дыбыспен таныстық?

Р дыбысы дауысты ма, дауыссыз дыбыс па?

Қызықты болған тапсырмалары атайды.

Р дыбысымен таныстық.

Дауыссыз дыбыс.

От шашу.