Ашық сабақ "Сылдырмақ" кіші топ балалары үшін

                           Іс-әрекет кезеңдері

Тәрбиеші іс-әрекеті

Балалардың іс-әрекеті

 Мотивациялық-қозғаушылық

 Ұйымдастырушылық-ізденістік

 Ұйымдастырушылық-ізденістік

Рефлексиялық-түзетушілік

-Балалар,көңіл-күйлерің қалай?

-Ендеше сондай жақсы көңіл-күйде бізге келіп отырған апайларға амандасып алайық.

-Сәлеметсіздер ме,апайлар.

-Қош келдіңіздер.

«Триз»технологиясын қолдану.

«Сөзді жалғастыру»-Балалар,мен сендерге бір сөз айтам,сендер әрі қарай жалғастырасыңдар,жарай ма.

-Біз.....

-Бөпелерімізді.......

-Бізде көп .........

-Біз ойыншықтарымызды .....

-Жарайсыңдар,балалар,

ендеше ,үйдегі бөпелеріңді қандай ойыншықпен алаңдатып ойнатасыңдар?

-Дыбыс шығаратын ойыншықты білесіңдер ме?

-Ендеше,мен сендерге сылдырмақ туралы өлең жолдарын оқып берейін,мұқият тыңдаңдар.

Сылдырмақ

Сылдырмақ сылдырлап,

Бесікте тұрады.

Бөпешім былдырлап,

Сылдырмақ ұрады.

Бас салып,қолға алып,

Ауызға салады.

Сол кезде сылдырмақ,

Сөйлемей қалады.

(Сылдырмақты сылдырлатып көрсету)

-Балалар бұл сылдырмақтың орысшасы погремушка,кәне,бәріміз қайталайық (2-3 рет қайталату)

-Мінекей,балалар,мына ойыншық сылдырмақ деп аталады.Ол мынадай дөңгелек және сопақша бөліктен тұрады,ал мына дөңгелектің ішінде уақ немесе ірі моншақтар болады,егер ол моншақтар болмаса сылдырмақ сылдырламайды.

(балаларға сылдырмақтың ішіндегі моншақты көрсету)

-Сылдырмақ не үшін керек?

-Кімнің үйінде сылдырмақ бар?

-Кімнің үйінде кішкентай іні-қарындастары бар?

-Ал ендеше,үйдегі кішкентай бөпелерімізге сылдырмақ жасап берсек қайтеді,қалай қарайсыңдар.

-Ең бірінші жұмысқа кіріспес бұрын саусақ жаттығуларын жасап алайық.

Саусақ жаттығуы

Қуыр-қуыр,қуырмаш,

Тауықтарға бидай шаш.

Бас бармақ,

Балаң үйрек.

Ортан терек,

Шылдыр шүмек,

Кішкене бөбек.

Жарайсыңдар,балалар,саусағымызды жаттықтырып алдық,енді мен сендерге сылдырмақтың жасалу жолдарын түсіндірейін.

(Тәрбиеші екі қолының сырт жағын көрсетеді.)

-Балалар,мынау не?

(енді алақанын көрсетеді)

-Ал,мынау не?

-Ендеше,алдымыздағы ермексазды аламыз,екіге бөлеміз,бір бөлігін тақтайшаға қоямыз,ал екінші бөлігін алақанымызға саламыз да екінші алақанымызбен жауып,дөңгелете қимыл жасаймыз.

-Оны дөңгелетіп алып тақтайшаға қоямыз да,екінші бөлікті алып,алақан арасына салып,ерсілі-қарсылы қимыл жасау арқылы ширатып,мынадай сопақ пішін жасаймыз.

-Енді екі бөлікті біріктіріп,қосамыз.

(Балалардың өз бетінше жұмысы,тәрбиеші қадағалап,қиналып отырған балаларға көмек береді)

Сергіту сәті

Қолымызда сылдырмақ,

Сылдыр-сылдыр етеді.

Аяғымыз тыпылдап,

Өзі билеп кетеді.

Тып,тып,тып,тып,

Тыпылдатып биге шық.

-Балалар,өздерің қолмен еңбектеніп жасаған сылдырмақтарың ұнады ма?

-Кімге арнап жасадың?

-Балалар,жарайсыңдар,өте жақсы,әдемі жасадыңдар,бұл жасаған сылдырмақтарымызды кешке ата-аналарымызға көрсетеміз,жарай ма.

-Жақсы.

Балалар жақсы көңіл күйде апайлармен амандасады.

-Сәлеметсіздер ме,апайлар.

-Жақсы баламыз.

-Ойнатамыз.

-Ойыншықтар бар.

-Таза ұстаймыз.

-Әртүрлі ойыншықтармен ойнатамыз.

-Ия,білеміз.

-Сылдырмақ.

Балалар қызыға тыңдайды.

Балалар сылдырмақтың дыбысын қызыға тыңдайды.

Балалар қайталайды.

Балалар тәрбиешінің айтқанын мұқият тыңдайды.

-Бөпелерді ойнату,жұбату үшін.

Балалардың жауабы

Балалар қуана келіседі.

Балалар тәрбиешімен бірге қайталайды.

-Қолымыз.

-Алақанымыз.

Балалар тәрбиешінің түсіндіргенін мұқият тыңдайды.

Балалар жұмысқа кіріседі.

Сергіту сәтін көңілді орындайды.

-Ия,ұнады.

-Ініме,бөпеме.

Балалар тәрбиешінің мақтағанына қуанады.