Ашық сабақ Тақырыбы: «Бауырсақ» орыс халық ертегісі. Кіші «Құлыншақ» тобы.

Алматы облысы, Іле ауданы, Жетіген ауылы

«Балдырған» бөбекажай балабақшасының тәрбиешісі:

Жылысбаева Лайла Кошкинбаевна

Кіші «Құлыншақ» тобы

Күні: 24.11.2017ж

Тобы: Кіші «Құлыншақ» тобы.

Өтпелі тақырып: «Менің отбасым».

Білім беру саласы: «Коммуникация», «Шығармашылық».

Бөлімі: Көркем әдебиет, мүсіндеу.

Тақырыбы: «Бауырсақ» орыс халық ертегісі.

Мақсаты: 1.Балалардың ертегіге деген қызығушылықтарын арттыру, сөйлеу тілін дамытуға үйрету.

2.Ермексазды үзіп алу және жағу әдістерін пайдалануды қалыптастыру.

3.Ұқыптылық пен тазалыққа тәрбиелеу.

Биллилингвальды компонент: Бауырсақ-колобок, ата-дедушка, әже-бабушка.

Сөздік жұмыс: Бауырсақ, домалақ.

Сәлемдесу.

-Сәлеметсіздерме? Здравствуйте.

-Амандасады

Шаттық шеңбері

Достығымыз берік боп,

Бекітейік қолменен.

Қуанышты шеңберге,

Тұрған жақсы доспенен.

-Балалар шаттық шеңберін іс-қимылмен орындайды.

Кіріспе әңгіме

-Балалар, бүгін бізге қай ертегінің бас кейіпкерлері қонаққа келді, төмен қараңдаршы. (үстел үстіне бауырсақты домалату)

-Бұл ертегіні бәрімізде білеміз, есімізге түсіріп көрейікші.

-Қане балалар онда менің артымнан қайталап көрейікші.

-Бауырсақ ертегісі

Билилингвальды компонент:

-Бауырсақ-колобок. Ата-дедушка, әже-бабушка.

Балалар тәрбиешімен қайталайды.

Сөздік жұмыс:

-Бауырсақ, домалақ.

-Балалар қайталайды.

Тәрбиеші:

-Енді балалар ертегіні есімізге түсіріп көрейікші. Ертеде бір шал мен кемпір болыпты. Шалы кемпіріне бауырсақ пісіруін сұрайды. Кемпір бауырсақ пісіріп, суысын деп терезенің алдына қояды. Жата-жата жалыққан бауырсақ терезеден секіріп домалай жөнеледі. Жолда қоянға, қасқырға, аюға кездеседі, түлкі бауырсақты жеп қояды. Міне балалар бауырсақ сәтсіздікке ұшырайды.

-Түлкі қандай? -Жаман, қу.

-Бауырсақты жеп қойғаны аянышты ма? -Ия.

-Ал енді бүгін «Бауырсақ» ертегісінің жаңа нұсқасында бауырсақ сәтсіздікке ұшырамайды, керісінше жақсылыққа кенеледі. Олай болса «Бауырсақ» ертегісін тамашалайық.

Тәрбиеші:

-Ертеде бір шал мен кемпір болыпты. -Балалар мұхият тыңдайды.

Шал: Кемпір –ау, маған бауырсақ пісіріп берсеңші.

Кемпір: Неден пісірейін, ұн жоққой?

Шал: Әй кемпір қойманың түбін қырнап көрсең бауырсаққа ұн табылып қалар.

Тәрбиеші: Кемпір солай істейді, қойма түбін қырнап-қырнап екі уыс ұн табады, оған қаймақ қосып қамыр илеп бауырсақты майға пісіріп, терезе алдына суытып қояды. Жата-жата жалыққан бауырсақ терезе алдынан домалап түседі де, одан әрі жолмен зырлай жөнеледі. Бауырсақ жолда зымырап бара жатса алдынан қоян шығады:

Қоян:

-Бауырсақ, бауырсақ мен сені жеп қоямын!

Бауырсақ:

-Жоқ, сен мені жемеші мен саған өлең айтып беремін.

-Мен бауырсақ, бауырсақ,

Атамнанда қаштым.

Әжемненде қаштым,

Ал сене қашу ,

Қиын емес маған.

Тәрбиеші:

-Осылай бауырсақ домалай жөнеледі. Бауырсақ домалап келе жатса алдынан қасқыр шығады.

Қасқыр:

- Бауырсақ, бауырсақ мен сені жеп қоямын!

Бауырсақ:

-Жоқ, сен мені жемеші мен саған өлең айтып беремін.

-Мен бауырсақ, бауырсақ,

Атамнанда қаштым.

Әжемненде қаштым,

Қояннан да қаштым,

Қасқыр сенен де оңай құтыламын- деп домалай жөнеледі.

Тәрбиеші: Бауырсақ домалап келе жатса алдынан аю шығады.

Аю:Әй бауырсақ! Мен сені жеп қоямын.

Бауырсақ:

-Жоқ, сен мені жемеші мен саған өлең айтып беремін.

-Мен бауырсақ, бауырсақ,

Мен атамнан да қаштым.

Мен әжемнен де қаштым,

Қояннан да қаштым,

Қасқырдан да қаштым,

Аю сенен де қашамын-деп домалай жөнеледі.

Тәрбиеші:

-Бауырсақ домалап келе жатып түлкіге жолығады.

Түлкі:

-Амансыңба, бауырсақ?

Көргендерге ұнайды, жүзің қызыл шырайлы.

Тәрбиеші:

-Бауырсақ мақтағанға мәз болып, өлеңін айта бастайды. Түлкі болса қыбырын білдірмей жақындай береді.

Түлкі:

-Оңай құтыла алмайсың, менің тапсырмаларымды орында, жұмбақтарымды шешіп көріңдер сол кезде сені жемеймін.

1.Тапсырма.

Қимылды ойын: «Аңдардың қимылын жаса».

Мақсаты: Ертегі кейіпкерлерін ажыратып тануға үйрету. Табиғатты аялауға тәрбиелеу.

Түлкі: Жарайды бауырсақ мен сені жемеймін, сенің достарың көп екен сау болыңдар балалар! -Сау бол!

Тәрбиеші:

-Балалар түлкінің тапсырмасын орындадық. Енді балалар біздің бауырсағымыз орманда адасып қалыпты оны ата мен әжеге қайтарайық. Ол үшін біз оларға бауырсақ жасап берейікші.

-Ал қане балалар бауырсағымызды жасап болсақ саусақтарымызды сергітіп алайық.

Сергіту жаттығуы

Бас бармағым – атам,

Балан үйрек – әжем.

Ортан терек – әкем,

Шылдыр шүмек – анам,

Кәшкентай бөбек – мен!

-Балалар әр сөзді қайталап, оны қимыл-қозғалыспен көрсетеді.

-Балалар сендердің алдарыңда қағазға салынған жол бар, сол жолда бауырсақ бейнеленген. Сол бауырсақты ермексазды қолдана отырып, ермексазды үзіп алу және қағазға жағу арқылы бауырсақты бейнелейміз. Ал енді балалар жеңімізді түрейік.

-Ермексазды ауызға салуға болама? -Жоқ болмайды.

-Ал енді балалар ата мен әжеге жасаған бауырсағымызды көрсетіп сыйлайық. Ата мен әже балаларға риза болып рахмет айтып сыйлығын береді.

-Балаларға рахмет айтып ата мен әже қоштасады.

Күтілетін нәтиже:

Біледі: Жағымды, жағымсыз қасиеттерді айыра біледі.

Игереді: Аңдарды ажыратуды үйренеді.

Қолданады: ермексазды жағу әдісі арқылы қолдана алады.