Ашық сабақ тақырыбы:«Адамдық борыш – асыл қасиет»

Элемент №

Сабақтың элементтері, оқу мәселелеріоқыту әдістері мен формалары

І

-Ұйымдастыру кезеңі
-Амандасу (1 мин)
-Білім алушыларды түгендеу (1мин)

- Үй тапсырмасын сұрау (10 мин)

- Сабақтың барысымен таныстыру (3 мин)

1. Нұрға бөлену (5 мин)
2.Дәйексөз (5 мин)

2. Жаңа ақпарат ( Бейнематериал) (15 мин)

3. Мәтінмен жұмыс (10 мин)
4.Сабақты бекіту(Geogle форма бағдарламасымен жұмыс жасау) (20 мин)
5. Пікір алысу клубы(Мәтінмен жұмыс,сұрақ-жауап) (7 мин)

6.Жүректен жүрекке (3 мин)
7.Қорытынды (3 мин)
8.Үй тапсырмасы (2 мин)

9.Бағалау (2 мин)

10.Рефлекция (3 мин)

1. Ұйымдастыру кезеңі.

5 Т – ережесі:

1. Тәртіп.

2. Талап.

3. Тыныштық.

4. Тазалық.

5. Татулық.

Ендеше ережені есімізге түсіріп, топтың тәртібін сақтап,оқып – білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік.Ең бастысы барлығымыз сабаққа белсене жауапкершілікпен қатысайық!

ІІ

Үй тапсырмасын сұрау

- Адам өмірінің қуанышты, мәнді, мағыналы болу жолдары мен себебін тауып, дәптерге жазыңыздар.

Білім алушыларды мұқият тыңдап,үй тапсырмасын қорытындылау.

Мұғалім: Дұрыс айтасыңдар балалар, жан дүниеңмізді мейрімімен толтырып,  теріс айналған жақындарыңыздың  ешбірі  бере алмаған жылулықты, мың еселеп тек сізге төгетін, ешкімге тең келмейтін , 3 əріптің  қасиетті туындысы - АНА,ƏКЕ. Олар барда , сіз

" жалғыздық" деген ұғымды ұмытыңыз, сіздің ауыз толтырып  айтып жүрген қиыншылықтарыңыз, олардың жоқ екендігін мойындаудың жанында  тырнаққа татымайтын  болмыс .  Ендеше, бақыттыңызды барында бағалап,жақындарымызға махаббатқа толы жылулығымызды білдіріп,шынайы ізгі ниетімізбен жақындарымызды,ата-анамызды,өзімізді бағалап,бір-бірімізді қуантып,әр күнімізді жақсылыққа толтырайық!

Нұрға бөлену

Мұғалім сөзі:
Өздеріңіз білетіндей сабағымызды ерекше көңіл-күймен бастау үшін,
«Жылы лебіз» ойын жаттығуы арқылы сабағымызды бастайық.Ендеше, тізбектеліп тұрған әдемі шарларымызды бір-бірден алып,жарамыз.Ойын-жаттығудыңерекшелігі,шардың жарып болған соң,ішінен әдемі тілектер жазылған жылы сөздерді оқып,бір-бірімізге жағымды көңіл-күй сыйлайық.

Топ студенттері шарды жарып,ішіндегі тілектерді оқып шығады.Жаттығу осылайша тізбектеліп жалғасады.
Мұғалым сөзі:
- Өздеріңіз қалай ойлайсыздар,ойын-жаттығудың ерекшелігі неде,мағынасын қалай түсінуге болады?
Топ студенттері жауап береді.
Мұғалім сөзі:

Ия,дұрыс айтасыздар,ойынның басты ерекшелігі,бір-бірімізді әр сәтте бағалап,бір-бірімізге үнемі мейірімді болайық.

ІІІ

Сабақтың дәйексөзі

Шәкәрім Құдайбердіұлы. (1858-1931) – ақын, жазушы, философ,

тарихшы, композитор.

... Адамдық борышың –

Халқыңа еңбек қыл.

Ақ жолдан айнымай,

Ар сақта, оны біл.

Шәкәрім

• Дәйексөздің мағынасын қалай түсінесіздер?

Балалардың жауаптарын,мұғалім тыңдағанннан кейін,қорытындылайды.

Мұғалім сөзі

Ия,дұрыс айтасыздар, «Адамдық борыш» - өзіне ғана емес, өзгелерге көрсете алатын адамның бойындағы рухани қызметі. Халқыңа қызмет етсең, сенің білімің, кісілігің мол дегенді білдіреді. Ал, адам өзінің жеке басынан аса алмай, күйбең тіршіліктен шыға алмаса, ол өз бойындағы қуатын халқына бере алмаса, ол адам күйзеліске ұшырайды. Халыққа қызмет ету азаматтың кемелденуіне, өрісінің кеңеюіне үлкен әсер етеді. Ал, Шәкәрім қажы адамдық борыш турасында: «Ақжолдан айнымай, Ар сақта, оны біл», - дейді. Сонда таза ісімен, адал еңбегімен және харекетімен көрінетін адамдар болады, олар өзінің ең басты өмір сүру кеңістігі өз халқына еңбек қылу деп есептейді. Ендеше балалар,үнемі бойымыздағы адамгершілік қасиетімізді шынайы ниетпен өзімізге де,өзгелерге де білдіре жүрейік.

Жаңа тақырыпты түсіндіру

Адамның ниеті, ойы, іс-әрекеті шындыққа негізделгенде адам өзіне де, өзгеге де адал болады. Адал болу кез-келген адамның өз қолында. Ол біздің ішкі жан-дүниемізден бастау алады. Адамның көңілі таза, пейілі кең, адал, шыншыл болғанда әділдікке қол жеткізеді.

Адалдық өмірінде керек нәрсе,

Ол да гүлдеп, нұрланар көңіл бөлсе.

Халыққа өз пайдасын тигізе алмай-демекші,яғни адам боп, өзін-өзі меңгермесе әр адам дүние есігін ашып шыр етіп өмірге келген күннен бастап жүрек қалауымен , ата-анасының берген тәрбиесімен, жақсылық жамандықты көре жүріп өмір сүре бастайды. «Дүниеде әділдік пен адалдықты ту еткен адамнан артық ешкім жоқ» дегендей бүгінгі «Адалдық жүрген жерде-адамдық жүреді» атты пікірталасу сағатына қош келдіңіздер. Келген қонақтар, оқушылар бүгінгі кеште адалдық, адамдық жайында ойымызды ішімізге бүкпей ортаға сала отырайық. Бүгінгі пікірталасу сағатымыз үш бөлімнен тұрады.

Енді назарымызды,бейнематериалға назар салайық.

«Адамдық борыш-асыл қасиет» - бейнематериал

Мәтінмен жұмыс
Топ студенттеріне мәтін оқылады және тапсырма соңында төмендегі сұрақтарға студенттер жауап береді.
Жастарға хат

Ілияс Омаров

Біздің заманымыз адамның ардақты атын зәулім биікке көтереді.

Мұндай жағдайда адамның қоғам өміріндегі орны өз басының

тіршілігіне, еңбегіне байланысты. Былайша айтқанда, бақыт кілті – әр

адамның өз қолында.Өмір жолы оңай жол емес. Әркімнің өз сүрлеуі бар. Бірақ та сол сүрлеу жалпы адамдардың салған сара жолына ұласуы керек. Халық мүддесінен аулақ, жеке жол іздеу, қоғам қорынан үзіпжұлып күн көру – адамгершілік жол емес.Адамның қоғамдық еңбегі алдымен оныңадамшылық қасиеттеріне байланысты. Ол үшін адам өзіне қатаң талап қоя білуі керек.

Сосын уақытты бағалауы басты шарт. Шығыстың ұлы ақыны Сади

«Адам әрбір секундта бір дем алады...» деген екен. Ал сол дем алудың

өмірде санаулы екенін ұмытпау керек.

«Мен әлі бұғанам қатпаған жаспын ғой», – деу балаларға келіспейді.

«Болар бала он екісінде жастығын сылтау етпес, жүз жасында кәрімін

деп қапа шекпес», – дейді халық.

Жас кездегі басты міндет – білім алу. Ілімге төте жол жоқ. Оған тек

ұзақ еңбек жолы ғана апарады. Сондықтан да білімде шек жоқ дейді.

Қанша білімді болсаң да, оған қанағат етпей, білген үстіне біле берген жөн.

Өмірдегі ең жаман әдеттердің бірі – табысқа масаттану, менменсу.

Халық әр уақытта қарапайымдылықты, сыпайылықты, әдептілікті

жақсы көреді. Кішіпейілділіктен адам кем болмайды, қайта тұлғалана

Халық әр уақытта қарапайымдылықты,сыпайылықты,әдептілікті жақсы

көреді.түседі. Кішіпейілділік – адамның көркі.Бейпілауыз жаман сөздерге әуестену, темекі тарту, арақ ішу сияқтыжарамсыз қылықтар адамды тұрпайылыққа, тәртіпсіздікке, қылмысқаапарады.

Адам сыншыл, көңілі ашық, жігерлі болуы керек. Әрине, бұл қасиеттер жасанды бояулы болмай, табиғатына біткенде ғана сәнді. Дүниеде жағымпаз болудан жаман жоқ. Кішіпейілділік пен жағымпаздықтың арасы жер мен көктей.

Адамның қасиеттерін нәрлендіре түсетін нәрсе – өзін эстетикалық

тәрбиеге бейімдеу. Музыкаға әуестену, музыканы сүйіп тыңдау, жақсы

суреттердің мәнін түсіне білу, өлеңге, әдебиетке құлықтану, өткен

тарихты білу – адам мәдениетін өсіре түседі. Мұндай адамдармен

сөйлесудің өзі бір ғанибет әрі қызықты. Өмір жолы жеңіл жол емес. Бұл жолда кедір-бұдыр аз болмайды. Табысқа мақтанбай, қайғыға бағынбай, қиыншылыққа мойымай, өзіңдіөзің ілгеріге тарту – адамшылық парызың.

Болмасаң да ұқсап бақ,

Бір ғалымды көрсеңіз.

Ондай болу қайда деп,

Айтпа ғылым сүйсеңіз, – деген Абай сөзін естен шығармаңдар!

• Мәтіндегі «Халық мүддесінен аулақ, жеке жол іздеу, қоғам

қорынан үзіп-жұлып күн көру – адамгершілік жол емес» деген

ойды қалай түсіндіңіздер?

• Мәтіндегі «Халық әр уақытта қарапайымдылықты,

сыпайылықты, әдептілікті жақсы көреді. Кішіпейілділіктен

адам кем болмайды, қайта тұлғалана түседі. Кішіпейілділік –

адамның көркі» деген ойды түсіндіріп беріңіздер.

• Автордың адам бойындағы жақсы қасиеттердің жасанды

болмауы керек деуінен нені түсіндіңіздер?

• Мәтінде айтылған жастық кезеңнің міндеттері өз

ұстанымдарыңызға сай келе ме? Неліктен?

• Өздеріңіз күнделікті өмірде талап қоя білесіздер ме? Ол не үшін

қажет? Қойылған талап пен уақыттың қандай байланысы бар?

• «Өзіңе сыни көзбен қарау» дегенді қалай түсінесіз?

• Жас кезеңнің міндеті ретінде тағы нені қосуға болады?

ІV

Сабақты бекіту

Оқытушы мен білім алушылар «Geogle форма» бағдарламасымен жұмыс жасайды.

«Geogle форма»бағдарламасына ұялы телефондарыңызға жіберілген сілтеме арқылы кіре аласыздар.Әр тапсырманы мұқият,зейін қойып орындаңыздар.

1-тапсырма. «Geogle форма» бағдарламасына қосылу арқылы
«Білімді бекітуге арналған тестілеу» тапсырмаларын орындаңыздар.

2-тапсырма. Жағдаяттарды талдаңыз

Мұғалім.Адамгершілікке байланысты проблемалық жағдаяттарды шешу үшін саяхатқа шығу ойынын ойнайық. Елімізде үлкен қалалар бар:

Астана, Алматы, Ақтау, Жезқазған, Көкшетау, Ақтөбе, Семей, т.б.

Ал, балалар, өздеріңе қай қалалар ұнайды? Ұнаған қала аты жазылған қима қағазда сұрақ бар. Соған жауап беру керек.

Жағдаяттар:

1-Жағдаят Оқу орнынан үйге қарай жүгіріп келе жатқанда, алдыңнан бір үлкен кісі шықты. Сен не істер едің?

2-Жағдаят Сен өзіңнің көптен күткен досыңды 1 жылдан кейін сағынышпен көрдің.Досың сенің үйіңе ата-анасымен қонаққа келді.Сенің анаңмен досыңның ата-анасы барлықтарың дастарханда әңгімелесіп шәй ішіп отыр.Сен досыңды сағынғаның соншалықты бірінші әңгімелесіп,бірге әдемілеп шай ішкің келеді.Үлкен кісілердің сөзің бөлесіңбе?Досыңа деген сағынышыңды қалай білдіресің? Сенің іс-әрекетің?!

3-Жағдаят Сен сабаққа кешігіп келе жатырсың.Асығыспен жолда келе жатқанда кенетттен алдыңнан ағай көшеде жөн немесе жол сұрап,айтқан мекен-жайына апарып тастауыңды өтінді. Сенің іс-әрекетің?

770 ₸ - Сатып алу Материал ұнаса әріптестеріңізбен бөлісіңіз Ватсапта бөлісу Телеграммда бөлісу Фейсбукта бөлісу Сілтемені көшіру Ашық сабақ, ҚМЖ, көрнекілік, презентация жариялап табыс табыңыз! Материалдарыңызды сатып, ақша табыңыз. (kaspi Gold, Halyk bank) Соңғы бір жылда: 45 000 000 ₸ Авторлар тапқан ақша Толығырақ Ресми байқаулар тізімі Республикалық байқауларға қатысып жарамды дипломдар алып санатыңызды көтеріңіз! Тізімді көру Материал іздеу Сіз үшін 400 000 ұстаздардың еңбегі мен тәжірибесін біріктіріп, ең үлкен материалдар базасын жасадық. Төменде пәніңізді белгілеп, керек материалды алып сабағыңызға қолдана аласыз Барлығы 663 959 материал жиналған Пән Жүктелуде... Бағыт Жүктелуде... Сынып Жүктелуде... Іздеу Осы аптаның ең үздік материалдары Педагогтардың біліктілігін арттыру курстары Аттестацияда (ПББ) 100% келетін тақырыптармен дайындаймыз Аттестацияда (ПББ) келетін тақырыптар бойынша жасалған тесттермен дайындалып, бізбен бірге тестілеуден оңай өтесіз Өткен жылы бізбен дайындалған ұстаздар 50/50 жинап рекорд жасады Толығырақ