Ашық сабақ "Туған өлкенің визит карточкасы" 7 сынып

Пән:география

Ұзақ мерзімді жоспар бөлімі:

Күні:_

Сынып: 7

Мектеп: Байысов атындағы ОМ

Мұғалімнің аты-жөні: Миралиева Г.И

Қатысқандар саны:

Қатыспағандар саны:

Сабақ тақырыбы

Туған өлкемнің визит карточкасы: өлкетанудың деректер базасын әзірлеу

Осы сабақта қол жеткізілетін оқу мақсаттары

7.3.5.2 туған өлкенің табиғи- аумақтық кешендерін жоспар бойынша сипаттайды және өлкетану деректер базасын әртүрлі формада ұсынады

Сабақ мақсаттары

Жетістік критерийлері

Анықтамалық ресурстармен жұмыс істейді;

Түрлі деректер базасын түрлі формада ұсынады;

Туған өлкенің визит карточкасын әзірлейді

«Мәңгілік ел» жалпыұлттық
идеясының құндылықтарына баулу

Патриотизм,толеранттық,үздіксіз білім алу, тарихи- мәдени мұраларды дәріптеуге баулу.

Пәнаралық байланыстар

Музыка, тарих

АКТ қолдану дағдылары

Интерактивті тақта, ғаламтор желісі

Бастапқы білім

Тарих, география сабақтарынан біледі

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

5 мин

Сәлемдесу. Ынтымақтастық көңіл- күй орнату.

-Бүгінгі сабақ ерекше болмақ. Өйткені, сабақ Елбасымыздың «Ұлы даланың жеті қыры» мақаласының бағыттарымен байланысты өтеді.

Сабақ тақырыбы мен мақсатын ашу:

Мына бейджикте жазылғандай менің аты-жөнім Миралиева Г.И. Ескелді ауданы Алдабергенов ауылы Байысов атындағы орта мектебінің география пәні мұғалімімін. Бұл мен туралы ақпарат беретін мәліметтерді қамтитын байланыс тасушы. Яғни, менің визит карточкам.

Визит картасы түрлі форматта жасалады: қағаз, қатырма қаға з СД диск т.б. Визит картасы өлкенің басқа өлкеден айырмашылығын айқындайтын ақпараттық материалдарды қамтиды. Демек, бүгінгі сабағымыздың тақырыбы:

Туған өлкемнің визит карточкасы: өлкетанудың деректер базасын әзірлеу.

Оқу мақсаты: 7.3.5.2 туған өлкенің табиғи- аумақтық кешендерін жоспар бойынша сипаттайды және өлкетану деректер базасын әртүрлі формада ұсынады.

«Ұлы даланың жеті қырының» бірі көне музықалық аспаптар Сондықтан, бүгінгі сабақты көненің көзі Қазақстанның 7 кереметінің бірі қасиетті домбырамен Т.Алшабековтың «Жетісу» күйін орындаумен бастайын. Күйді тыңдай отырып, «Жетісу» туралы бейнебаян көрсетіледі.

(Алдыңғы сабақта Алматы облысы туралы мәлімет жинақтау тапсырылған) «Домбыра ұсыну» әдісі арқылы сұрақ қойылады (оқушылар дөңгелене тұрады):

-Алматы облысының таңбасында не бейнеленген?

-Күн бейнесі , қанатты барс, самұрық құс

-Алматы облысында қанша аудан, қала бар?

-17 аудан, 10 қала бар.

-Әкімшілік орталығы?

-Талдықорған

-Егіншіліктің қандай түрі дамыған?

-Қант қызылшасы, астық дақылдары, бау-бақша.

-Алматы облысының табиғи, тарихи –мәдени орындары?

-Алтынемел мемлекеттік ұлттық саябағы, Түрген шатқалы, Алакөл қорығы, Есік обасы, Көлсай көлдері, Шарын шатқалы, Әнші құм, Бесшатыр обасы т,б.

-Алматы облысынан шыққан атақты адамдар?

Д. Қонаев, Тұңғыш президентіміз Н.Назарбаев, ғарышкер- А.Айымбетов, ақын- М.Мақатаев, композитор М.Төлебаев, Н,Тлендиев,Д. Рақышев Н.Нүсіпжанов т.б. Н. Алдабергенов т.б.

Міне біз Алматы облысының визит картасын ауызша формада ұсындық.

Қалыптастырушы бағалау : «Шапалақ соғу» әдісі

Слайд 1

Слайд 2

«Жетісу » бейнебаян

Домбыра

Слайд 3

Сабақтың ортасы

«Ұлы даланың жеті қырының» бірі сиверс алмасы, ендеше мына себеттегі алманы таңдап алыңдар, сабақтарына жапсырылған жапырақтарда

жазылған атаулар арқылы 3 топқа топтасып отырыңдар.

Т.

1-топ Талдықорған қаласы

2-топ Ескелді ауданы

3- топ 21 Батыр Отаны- Алдабергенов ауылы.

Дескриптор:

Талдықорған қаласының визит картасын әзірлейді

Алдабергенов ауылының визит картасын әзірлейді

Ескелді ауданының визит картасын әзірлейді

Талдықорған қаласы.

Бұл шаһар жайлы айтқанда, «жер жәннаты- Жетісу» деген тіркес ойыңа оралады. Жан-жағы талмен қоршалған, жасыл желекті қала, қазір Алматы облысының орталығы –Талдықорған жайлы «Шаһарларға саяхат» айдарында кеңінен таныстырмақпыз.

1. Қала тарихынан мәліметтер. Айналасы талмен көмкерілген, Алматыдан 271 километр қашықтықта орналасқан. Бұл жерде 1869 жылы Гавриловка селосы бой көтерген. 1920 жылы қала атауы Талды-Қорған болып өзгертіліп, қала мәртебесін 1944 жылы ғана алған.

2. Қаланың даму кезеңдері. Бірінші дүниежүзілік соғыстың алдында Гавриловка селосында 586 үй, 4600 тұрғын болған және  1 шіркеу, 1 мұсылмандар намаз оқитын үй, ауылдық басқарма, 6 ұстахана болыпты.1944ж. наурыз айында  Талды-Қорған  облысы құрылып, Талды-Қорған  қаласы оның орталығы болды. Жаңа облыс орталығында 2 бастауыш, 2 жеті жылдық, 1 орта мектеп, 1 мәдениет үйі, 1 кинотеатр, 4 шағын сауда дүкені, 1 асхана, 1 аурухана, 50 орындық балабақша болған.

3. Жас ұрпақ жадында сақтайтын тұлғалар. Балпық би Дербісәліұлы, Ескелді би Жылгелдіұлы, Қарасай Алтынайұлы, Наурызбай Құтпанбетұлы, Сара Тастанбекқызы, Қадырғали Қосымұлы Жалайыри, Тезек төре және Бөлтірік шешен, қазақтың көрнекті жазушысы, қазақ әдебиетін қалыптастырушылардың бірі Ілияс Жансүгіров, актер Ыдырыс Ноғайбаев, елге танымал композиторлар Нұрғиса Тілендиев, Құдыс Қожамияров, т.б. танымал тұлғалар дүниеге келген.

4. Шаһардағы білім мен мәдениет орындары.  Қалада 4 жоғарғы оқу орны, 12 орта кәсіби білім мекемелері, 28 жалпы білім беру мекемелері жұмыс жасайды. Сондай-ақ, қалада драма театры, филармония, мұражайлар, мәдениет және демалыс парктері, кітапханалар мен кинотеатрлар, стадиондар, спорт кешені, аквапарк және ипподром бар.

5. Қала сәулеті мен ескерткіштері. Қалаға кіре берістегі арка, Жетісу стелласы, «Үш ата» ескерткіші, Қ. Жалайыри ескерткіші, Қабанбай батыр ескерткіші т.б. скульпту­ра­лық композициясымен ерекшеленеді. Сара ескерткіштері де келген меймандардың арнайы барып гүл шоқтарын қойып,өткенге тағзым жасайтын сүйікті орындары.

Алдабергенов ауылы. Қойнауы жұмбақ атауларға толы,тарихы тереңде жатқан жер жаннаты Жетісу жерінде орналасқан Шұбар жері, бүгінгі Алдабергенов ауылы. 21 Батыр Отаны атан ған қасиетті жер. Ол Алматы облысының орталығы Талдықорған қаласынан 20 шақырым,Ескелді ауданының орталығы Қарабұлақ кентінен18 шақырым жерде орналасқан.Елді мекеннің іргесі 1855 жылы қаланған. Балқаш- Алакөл ойысының оңтүстігінде, Жетісу Алатауының жотасы Ешкіөлместің етегінде орналасқан. Ескелді би бабамыз атын қойып,Бақтыбай ақын, Темірғали ақын, Батыр Матай Байысов, Еңбек Ері Алдабергенов аталарымыз бен бабаларымыз топырағын басып, суын ішіп, тәу еткен, ұрпаққа мұра етіп қалдырған киелі Шұбар жері бұл. 1950 жылы Шұбар аты өзгеріп, « Жаңа Талап» деп қойылды. 1952 жыл « Сталин» атындағы колхоз болып өзгертіледі. Ал 1962 жылы шаруашылықты ХХIІ парт съезд атындағы колхоз деп атау жөнінде шешім қабылданды. 1977 жылы ауылдың өркендеуіне зор үлес қосқан ауылдың тұңғыш председателі Н.Алдабергенов есімі ауылға берілді. Қазір игі іс қалауын тауып, жер аты Шұбар, ал агрофирма аты Нұрмолда Алдабергенов атымен аталады.

Заманның қиындығына қармастан, бәріне төтеп беріп, осы жерұйықтың еңбеккерлері ауылдың әлеуметтік, экономикалық өркендеуіне зор өз үлестерін қосты. Колхозшылар қызылша өсірудің агротехникасын да шебер игерді. 1940-шы жылдары әр гектардан орта есеппен 450центнерге дейін түсім алынды. Ауыл адамдарының әлеуметтік-мәдени жағдайын көтеруге, рухани көңіл-күйін өсіруге аса көңіл бөлді. Ең алдымен оларға керегі баспана еді. Үйлер салынды. Одан әрі су құбырын тарту, монша, аурухана мектеп электр жарығын жеткізу істері өріс алды. Қусақ өзенінің суын пайдаланып, Жетісу жеріндедегі ауылдағы тұңғыш су элекрт станциясы салынды. Көшелер көгалдандырып, саябақ, мәдениет сарайы, мектеп салынды. Көшелерге асфальт төселді. Телефон станциясы жұмыс істей бастады. Халық театры құрылды. Колхоздың эканомикасымен бірге мәдениеті де өсті.

Алдабергенов ауылында екі мәрте Социалистік Еңбек Ері Нұрмолда Алдабергенов атындағы тарихи мұражайы ашылды, жиырма «Социалистік Еңбек Ері» мен «Кеңес Одағының Батыры» Матай Байысовтың құрметіне орталық саябақта «Батырлар аллеясы» тұрғызылды. Н.Алдабергенов атындағы мемориалдық мұражай, Мәдениет үйі, балаларға арналған алаң, стадион ауылдың көрікті жерлер.

Қазір ауылдағы халық саны 3670.

Ескелді ауданы.

Жер аумағы 4,3 мың км². Тұрғыны 50,5 мың адам, орташа тығыздығы 1 км²-ге 11,7 адамнан келеді (2006). Аудандағы 38 елді мекен 1 кенттік, 10 ауылдық әкімшілік округке біріктірілген. Аудан орталығы – Қарабұлақ кенті.

Ескелді ауданының жері негізінен Жетісу (Жоңғар) Алатауын екіге бөліп тұрған Көксу депрессиясы мен тау аралық ойыста орналасқан. Ауданның шығыс бөлігі – басын мәңгі қар мен мұз басқан биік тау сілемдерінен тұрады, мұнда ауданның ең биік жері (4016 м) орналасқан. Батысы – Көксу, Қаратал өзендері аңғарын қамтыған тегіс жазық. Мұнда аласа таулар (Дауылбай тауы, 922 м) мен қыраттар (Қызылжар, 932 м) кездеседі. Аудан аумағынан ағып өтетін Қаратал өзенінің Қараой, Шежі, Шымбұлақ және Көксу өзендерінің Құсақ, Жаңғыз салалары биік таулардан бастау алады. Ауданда аумағы кіші Үшкөл және Жасылкөл көлдері бар. Жер қойнауынан алтын, күміс (Бурақой), қорғасын, мырыш (Текелі, Батыс Текелі) кентастары өндіріледі. Мәрмәр, әктас кендері барланған.

Ауданның климаты континенттік. Қысы суық, жазы ыстық әрі қуаң (батысында). Жазық өңірдегі қаңтардың орташа температурасы –8 – 11°С. Шілденің орташа температурасы жазық жерінде 23°С-тан, таулы өңірде 18°С-қа дейін өзгереді^[3]. Жауын-шашынның жылдық орташа мөлшері жазықта 250 – 350 мм, тауда 800 – 1000 мм. Шөлейтті дала белдеміне тән жазық бөлігінің топырағы сортаң, құмдақ сұр және қоңыр келеді, таулы өңірінің топырағы қоңыр, қызыл қоңыр, шалғынды қара. Өсімдіктерден жусан, сұлыбас, сүттіген, бетеге, қызыл мия, тал, шырғанақ, ырғай, долана, алма ағашы, қайың, шырша, қарағай өседі. Қасқыр, түлкі, қоян, аю, барыс, борсық, таутеке, арқар, марал, қырғауыл, кекілік, сарышұнақ, аламан, т.б. мекендейді.

Таулы өңірінде «Жетісу аяқты балығы» мемлекеттік қорықшасы (4,8 мың га) орналасқан. Ауданда өнеркәсіп бағытында 6 кәсіпорын жұмыс істейді. Ірісі – «Алматы қанты» жабық акционерлік қоғамы. Ескелді би ауданының ауыл шаруашылығына жарамды жері 580,4 мың га (2006). Оның 51,4 мың га жері жыртылған, шабындық 16,4 мың га, жайылымдар 506,7 мың га жерді құрайды. Аудан жерімен Түрксіб темір жолы және Алматы – Өскемен автомобиль жолдары өтеді.

Қалыптастырушы бағалау:

Саралау

«Суреттер сыр шертеді» :

«Алтын адам»

« 21Батыр аллеясы»

«Бұрханбұлақ»

Әр топтан бір-бір оқушы шығып, номерленген кубиктердің біреуін таңдап, сол бойынша сәйкес келген сурет жайлы деректер базасын ұсынады.

Дескриптор:

«Алтын адам» туралы деректер базасын ұсынады.

«21 Батыр аллеясы» туралы деректер базасын ұсынады

«Бұрханбұлақ» сарқырамасы жайлы деректер базасын ұсынады.

Қ.б

Себеттегі алма

Слайд 5

Слайд6

Ноутбуктер

Маркерлер

Постер

< 770 ₸ - Сатып алу

Материал ұнаса әріптестеріңізбен бөлісіңіз

Ватсапта бөлісу Телеграммда бөлісу Фейсбукта бөлісу Сілтемені көшіру

Ресми байқаулар тізімі

Республикалық байқауларға қатысып жарамды дипломдар алып санатыңызды көтеріңіз!

Тізімді көру

Материал іздеу

Сіз үшін 400 000 ұстаздардың еңбегі мен тәжірибесін біріктіріп, ең үлкен материалдар базасын жасадық. Төменде пәніңізді белгілеп, керек материалды алып сабағыңызға қолдана аласыз

Барлығы 663 959 материал жиналған

Пән

• Жүктелуде...

Бағыт

• Жүктелуде...

Сынып

• Жүктелуде...

Іздеу

Осы аптаның ең үздік материалдары

Педагогтардың біліктілігін арттыру курстары

Аттестацияда (ПББ) 100% келетін
тақырыптармен дайындаймыз

Аттестацияда (ПББ) келетін тақырыптар бойынша жасалған тесттермен дайындалып, бізбен бірге тестілеуден оңай өтесіз

Өткен жылы бізбен дайындалған ұстаздар 50/50 жинап рекорд жасады

Толығырақ