Ашық сабақ:Ай мен күн

Пәні: Қазақ тілі мен әдебиеті

Мектеп:

Күні:

Мұғалімнің аты-жөні:

Сынып: 5 Т2

Қатысқан оқушылар саны:

Қатыспағандар:

Бөлім

Аспан әлемінің құпиялары

Сабақтың тақырыбы

Ай мен күн

Оқу бағдарламасына сілтеме

О4. Мәтіндерге салыстырмалы талдау жасау

ТБ2. Сөйлем

А3. Орфоэпиялық нормаларды сақтау

Оқу мақсаттары

О4. Мәтіндердің тақырыбын, мазмұндық құрылымын салыстыру.

ТБ2. Жазба жұмыстарында хабарлы, сұраулы, лепті сөйлемдердің жасалу жолдарын білу, құрастыру.

А3. Ауызша мәтіндер құрауда қазақ тіліндегі төл дыбыстардың дыбысталуын, үндестік заңын ескеріп айту.

Сабақтың мақсаттары

Мәтін мазмұнын түсіне отырып, хабарлы, лепті, сұраулы сөйлемдерді қолданып, үндестік заңын сақтау.

Ойлау дағдыларының деңгейі

Білу, түсіну, қолдану

Бағалау критерийлері

Мәтіндердің тақырыбын, мазмұндық құрылымын салыстырады.

Жазба жұмыстарында хабарлы, сұраулы, лепті сөйлемдердің жасалу жолдарын білу, құрастырады.

Ауызша мәтіндер құрауда қазақ тіліндегі төл дыбыстардың дыбысталуын, үндестік заңын ескеріп айтады.

Дескрипторлар

• Ертегі мазмұнын түсінеді.

• Ертегіге ат қояды.

• Басты кейіпкерлерді анықтайды.

• Кейіпкерлерді шынайы өмірмен байланыстырады.

• Монологта кем дегенде 3 хабарлы сөйлем қолданады.

• Монологта кем дегенде 3 сұраулы сөйлем қолданады.

• Монологта кем дегенде 3 лепті сөйлем қолданады.

• Орфоэпиялық нормаларды біледі;

• Өлеңдерді үндестік заңына сәйкес дұрыс оқиды.

Құндылықтарды дарыту

Құрметтеу: оқушылардың топтық және өз бетімен жұмыс жасау дағдыларын жетілдіре отырып, бір-біріне құрметпен қарауға шақыру;

Тәрбие: қоршаған ортаны қорғау.

Пәнаралық байланыс

Қазақ әдебиеті, астрономия

АКТ-ны қолдану

Интербелсенді тақта

Осыған дейін меңгерілген білім

Менің тәуелсіз Қазақстаным

Жоспар

Жоспарланатын уақыт

Жоспар бойынша орындалуы тиіс

іс-әрекеттер

Дереккөздер

Сабақтың басы

5 минут

Сәлемдесу

Қызығушылықты ояту/Топқа бөлу

Оқушылар суреттерге қарап, сабақ тақырыбын болжайды..

Оқушылардың ішінен мұғалім 3 оқушыны таңдап алады. Сол оқушылар сыныптағы оқушылардың санына байланысты 3 топ жасақтайды.

Мұғалім оқу мақсаттарымен, дискрипторлармен таныстырады.

Үлестірме қағаздар

Сабақтың ортасы

10 минут

10 минут

10 минут

7 минут

1-тапсырма. Оқылым

Берілген мәтінді оқып, төмендегі кестені толтырыңыз.

1-топ.

Өткен заманда біреудің Айсұлу және Күнсұлу деген екі қызы болыпты. Екеуі де теңдесі жоқ сұлу екен. Бірінен-бірі асқан сұлумын деп бірімен-бірі үнемі ұрысысып, жиі-жиі жанжалдасып қалады екен. Бір күні Күнсұлу іс тігіп отырған Айсұлуға тиісіп:

- Сенен мен сұлумын! - дейді. Ал Айсұлу болса:

- Жоқ, сен сұлу емессің, мен сұлумын! - деп таласады.

Ақыр аяғында бұл талас үлкен шатаққа айналады. Ыза қысып, әбден ашуланған Күнсұлу өзіне қарсы келіп отырған Айсұлудың бетін тырнап алады. Күнсұлу тырнағының ізі Айсұлудың бетінде өшпестей болып қалады. Міне, содан бері Айсұлу жұрттан ұялып, тек түнде ғана тысқа шығады екен. Ал бейбастақтығынан қатты ұятқа батқан Күнсұлу түн қараңғылығында бұғып жатады екен. Содан бері Айсұлу мен Күнсұлу біріне-бірі көрінбейді.

2-топ.

Ертеде күн мен ай бір-бірін қатты сүйіпті.Екеуінен туған жұлдыздар олардың балалары болыпты.Олардың бақытын көре алмаған жын-перілер олардың сыртынан өсек айтып, екеуін айырылстырып жіберіпті.Сол күннен бастап ай шұбырған балаларын ертіп күннің сонынан жүреді екен.Бірақ күн оған қарамай кетіп қалады.Сөйтіп үміт оты сөнген ай батып кетеді де, қайттан үміті оянып толады екен.Осы күнге дейін ай шықса күн батып, күн шықса ай батып кетеді екен.

3-топ.

Бірде ай өзіне көйлек тіктіріп алмақ болыпты. Тігінші айдың бой тұрқын өлшеп алады да көйлекті пішіп, тігуге кіріседі. Уәделескен шағында Ай көйлегін алуға келсе, көйлегі әрі тар, әрі қысқа болып шығыпты.

- Иә, мен қателескен екем, - дейді тігінші. Сөйтіп, көйлекті қайта пішіп, қайта тіге бастайды. Уәделескен мерзім жақындап, Ай көйлегін алуға тігіншіге тағы келеді.

Бұл жолы да көйлегі шақ келмей, қысқа болып қалыпты.

Иә, тағы да дұрыс өлшемеген екем ғой, - дейді. Айдың толыса беретініне түсінбеген тігінші. Сонымен қайта өлшеп, қайта пішіп, қайтадан тігуге кіріседі.

Ай тағы да көйлегін алуға келе жатады. Тігінші киіз үйдің түтігінен асқанда келе жатқан топ-толық өзі тіккен көйлектен екі есе үлкен Айды көреді. Не істерін білмей, сасқалақтап тігінші басы ауған жаққа қаша жөнеледі. Ай ары іздеп, бері іздеп тігіншіні таба алмай қалады. Сол себепті, Ай көйлексіз жалаңаш қалыпты.

1. Ертегіге ат қойыңыз.

2. Ертегінің басты кейіпкерлерін атаңыз.

3. Ертегі кейіпкерлерінің шынайы өмірмен байланысын көрсетіңіз.

Дескрипторлар:

• Ертегі мазмұнын түсінеді.

• Ертегіге ат қояды.

• Басты кейіпкерлерді анықтайды.

• Кейіпкерлерді шынайы өмірмен байланыстырады.

Сергіту сәті. Оқушылар мульфильмді тамашалайды. Сынып ішінде талқылайды.

2-тапсырма. Қалыптастырушы бағалау тапсырмасы

Оқушылар хабарлы, лепті, сұраулы сөйлемдерді қолдана отырып, ғарышқа алғаш ұшқан жануарлар атынан (айға ұшып бара жатқан ит (1-топ), маймыл (2-топ), мысық (3-топ) атынан монолог жазады. Монолог эмоционалды болуы шарт.

Дескрипторлар:

• Монологта кем дегенде 3 хабарлы сөйлем қолданады.

• Монологта кем дегенде 3 сұраулы сөйлем қолданады.

• Монологта кем дегенде 3 лепті сөйлем қолданады.

3-тапсырма. Айтылым

Оқушылар орфоэпиялық нормаларды ескере отырып, өлең шумақтарын үндестік заңына сәйкес оқиды.

1-топ.

Күнге өзімді теңесем шуақ тастар,
Айға сені балар ем нұрын шашар.
Бірақ мәңгі бірге бола алмайды,
Бірі шықса, енді бірі тұра қашар.

Көрмесе де олар мәңгі бір-бірін,
Айтпаса да бір-біріне жан сырын.
Серік қылып бірі түнді, бірі таңды,
Ғашықтықпен өткізеді бар күнін.

Күн аңсайды көрсем деп Ай дидарын,
Ай аңсайды көрсем деп Күн сұлуды.
Бірін-бірі қуалап жолыға алмай,
Алла оларға жазбапты бір тұруды.

Жылдар өтті,ғасырлар дәл осылай,
Ай мен Күн жүр әлі де бір қосылмай.
Адамдар бар Айға ұқсаған Күнменен,
Бірге жүріп қосыла алмас нақ осылай.

2-топ.

Түн. Бұлыңғыр бір мұңға боялды көк,

Мен отырмын, ой – сергек, ояу – жүрек.

Алабұртып аспаннан іздегенім –

Үнсіз ғана сырласар аяулым ед...

Әппақ, әппақ арманым Айға асығып,

Қайтып жерге түседі қайғы асынып.

Жұбатады жанымды, кірпігіне

Жұлдыз біткен жылт еткен ой жасырып.

Меңіреу түн. Айнала – керең құлақ.

Айсыз аспан. Бір жұлдыз төмен құлап,

Кеңістікке жұтылып кетті тағы,

Жеткізе алмай бір хабар сенен бірақ.

Тұңғиықтан тұйық сыр қашап алып,

Құлазиды көңілім қоса налып.

Менің таудай мұңымды көтере алмай,

Қара түннің кетеді шашы ағарып.

Айым, сенсіз мына түн тым үрейлі,

Тұншықтырып тастайтын тұнық ойды.

Мейірленіп мен үнсіз қарасам да,

Қара аспанның қабағы жібімейді.

3-топ.

Желсіз түнде жарық ай,
Сәулесі суда дірілдеп,
Ауылдың жаны терең сай,
Тасыған өзен күрілдеп.

Қалың ағаш жапырағы
Сыбырласып өзді-өзі,
Көрінбей жердің, топырағы,
Құлпырған жасыл жер жүзі.

Тау жаңғырып, ән қосып
Үрген ит пен айтаққа.
Келмеп пе едің жол тосып
Жолығуға аулаққа?

Таймаңдамай тамылжып,
Бір суынып, бір ысып,
Дем ала алмай дамыл қып,
Елең қағып, бос шошып.

Сөз айта алмай бөгеліп,
Дүрсіл қағып жүрегі,
Тұрмап па еді сүйеніп,
Тамаққа кіріп иегі?

Дескрипторлар:

• Орфоэпиялық нормаларды біледі;

• Өлеңдерді үндестік заңына сәйкес дұрыс оқиды.

https://www.youtube.com/watch?v=zGRs4cME8gM

Сабақтың соңы

Рефлексия

3 минут

Не білдім?

Не үйрендім?

Нені білгім келеді? деген сұрақтарға жауап беру арқылы кері байланыс береді.

Бағалау

Бағалау критерийлері бойынша бағалау

Қосымша ақпарат

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Бағалау – Оқушылардың ақпаратты қаншалықты меңгергенін қалай тексересіз?

Пәнаралық байланыс

Қауіпсіздік ережелері

АКТ-мен байланыс
Құндылықтармен байланыс (тәрбиелік элемент)

Ойлану

Сабақ мақсаттары/оқу мақсаттары жүзеге асырымды болды ма?

Бүгін оқушылар нені үйренді? Сыныптағы оқу атмосферасы қандай болды? Дифференциацияны жүзеге асыру қолымнан келді ме? Мен жоспарланғануақытымды ұстандым ба? Мен жоспарыма қандай өзгерістер енгіздім және неліктен?

Төменде берілген бөлімді осы сабақ туралы ойларыңызды жазу үшін пайдаланыңыз. Сол жақ бағанда берілген сабағыңызға қатысты ең маңызды сұрақтарға жауап беріңіз.

Жалпы баға

Сәтті өткен екі нәрсені атап көрсетіңіз (сабақ беру және оқытуға қатысты)?

1.

2.

Қандай екі нәрсе сабақтың одан да жақсы өтуіне ықпалын тигізер еді (сабақ беру және оқытуға қатысты)?

1:

Осы сабақ барысында сынып немесе жеке оқушылар туралы мен 770 ₸ - Сатып алу

Материал ұнаса әріптестеріңізбен бөлісіңіз

Ватсапта бөлісу Телеграммда бөлісу Фейсбукта бөлісу Сілтемені көшіру

Ашық сабақ, ҚМЖ, көрнекілік, презентация жариялап табыс табыңыз!

Материалдарыңызды сатып, ақша табыңыз. (kaspi Gold, Halyk bank)

Соңғы бір жылда:

45 000 000 ₸

Авторлар тапқан ақша

Толығырақ

Ресми байқаулар тізімі

Республикалық байқауларға қатысып жарамды дипломдар алып санатыңызды көтеріңіз!

Тізімді көру

Материал іздеу

Сіз үшін 400 000 ұстаздардың еңбегі мен тәжірибесін біріктіріп, ең үлкен материалдар базасын жасадық. Төменде пәніңізді белгілеп, керек материалды алып сабағыңызға қолдана аласыз

Барлығы 663 959 материал жиналған

Пән

• Жүктелуде...

Бағыт

• Жүктелуде...

Сынып

• Жүктелуде...

Іздеу

Осы аптаның ең үздік материалдары

Педагогтардың біліктілігін арттыру курстары

Аттестацияда (ПББ) 100% келетін
тақырыптармен дайындаймыз

Аттестацияда (ПББ) келетін тақырыптар бойынша жасалған тесттермен дайындалып, бізбен бірге тестілеуден оңай өтесіз

Өткен жылы бізбен дайындалған ұстаздар 50/50 жинап рекорд жасады

Толығырақ