Материалдар / Ашық тәрбие сағаты. Наурызым - мерекем, наурызым - бақ берекем. 7 сынып.

Ашық тәрбие сағаты. Наурызым - мерекем, наурызым - бақ берекем. 7 сынып.

Материал туралы қысқаша түсінік

ұстаздарға, әсіресе сынып жетекшілерге

Сыдах Аякоз

Автор материалды ақылы түрде жариялады. Сатылымнан түскен қаражат авторға автоматты түрде аударылады. Толығырақ

10 Қазан 2018

1254

0 рет жүктелген

Сынып жетекші Ойындар, Сценарийлер 7 сынып

770 ₸

Бүгін алсаңыз
+39 бонус беріледі
Бұл не?

Бүгін алсаңыз +39 бонус беріледі Бұл не?

Тегін турнир Мұғалімдер мен Тәрбиешілерге
Дипломдар мен сертификаттарды алып үлгеріңіз!

Бұл бетте материалдың қысқаша нұсқасы ұсынылған. Материалдың толық нұсқасын жүктеп алып, көруге болады

Материалдың толық нұсқасын
жүктеп алып көруге болады

Хор: Наурыз айы туғанда. Әже: Наурыз құтты болсын! Ақ мол болсын! Шашу шашады.Жүргізушілер шығады.Жүргізушілер – Заңғар, Нурай

Тақпақ Заңғар, Сабина, Санжар

Қыдыр ата – Танвеер Фуркан

Көрініс – Сырға салу.

Сырға салатын қыз – Камилла Қасындағы бірінші қыз – Амина Екінші қыз – Жұлдыз Анасы – Мөлдір Әжесі - Жамила

Тақпақ – Димаш, Балкен Нұрдаулет, Жұлдыз

Көрініс – Ұйқыашар, селтеткізер. барлығы қатысады.

Тақпақтар – Әлішер, Ж.Нұрдаулет

Ойын – Күш сынасу,

Көрініс – Сүйінші! Сүйінші! – Қонақ кәде.

Нұрай ән

Арқан тартыс

1-жүргізуші: Күттіріп келген жыл басы,Бізбен бірге жырлашы.Елімнің дастарханынаБереке, ырыс сыйлашы.Ата-бабам тойлағанНаурызымыз армысың!Қайырлы күн құрметті қонақтар!Ұлыстың Ұлы күні аталған Наурызда еңбектеріңіз өнімді боп, тілектеріңіз қабыл боп, аман-есен тойдан тойға жетіп, ескі ауыртпалықтарыңыз ескі жылда кетсін. 2- жүргізуші: Армысыздар, құрметті ұстаздар, аяулы ата-аналар және оқушылар! Наурыз «жаңа күн» деген сөз. Яғни, бұл күн біздің ата-бабаларымыз, арғы тегіміз, мыңдаған жылдардан бері мерекелеп келе жатқан жыл басы мерекесі. Барлық жақсы ниет-тілектеріңіз қабыл болсын - дей келе ортаға наурыз туралы мәнерлеп өлең оқитын оқушылар: Заңғар, Сабина, Санжарды қошеметпен ортаға шақырамыз.1-оқушы: ЗаңғарМалдар төлдеп, қой қоздап,Сүт бұлағын ағызған.Жаңа жылдың сипатыМолшылыққа аңыз бопБасталыпты Наурыздан.Ақ қар кетіп, қыс өтіп,Шырайлы шуақ жаз жетіп,Шаруаның ұлы кенелген,Күн мейрамы ежелденҚұтты болсын, бұл Наурыз!2-оқушы: СабинаНаурыз тойын әдеміӘжем еске түсірді.Біздерге арнап әдейіНаурызкөже пісірді.Ашылды да кебежеДәм әзірлеу басталды.Әжем наурызкөжегеЖеті түрлі ас салды.Бидай, күріш, тары бар,Бар сүт ет пен шұжығы.Ащы құрты тағы бар,Көже – елдің ырзығы... 3-оқушы: СанжарЖаңарғаны сананың,Ұмытады мұны кім?Ата салтын бабамныңАлып келді Ұлыс күн.Бір анадан туғандай,Бір ұядан ұшқандай,Бір аспанның астында,Бір дастархан басындаОрындалды ойларын,Құтты болсын тойларың!

1-жүргізуші: Ұлыстың ұлы күні даланы Қыдыр баба аралайды екен. Қыдыр баба адамдарға дәулет беріп, бақ қондырады екен.Жүзінен шуақ тараған, жанары жылы, ақ сақалды қария кейпінде көрінеді.2-жүргізуші: Қыдыр бабаға жолыққан жанның бақ жұлдызы биікте жанбақ. Уа, халайық, қараңдар, Қыдыр ата келе жатыр. Ұлыс күнгі ұлы тілек, Қыдыр атаның ақ батасын алатын болдық. (Қыдыр ата келеді)Қыдыр ата: ФУРКАНАрмысың, жамағат!Ұлыс оң болсын,Ақ мол болсын!Ұлыс бақты болсын,Төрт түлік ақты болсын!Аман сақтап төл басын,Еккен егін солмасын,Орта толып ырысқа,Бейбіт өмір орнасын.Бостандықтың ордасынПеріштелер қорғасын.Бесіктегі бөпеңніңБақайшығы тоңбасын.Ұлыс күні ұл мен қызТайпалдырсын жорғасын.Көл жиналып тамшыданТеңіз толсын қансыған.Атамекен тазарыпАсыға түссін алшыдан.Бақыт ашып қақпасын,Мәңгі-бақи жаппасын.Пәле-жала қазақтыІздесе де таппасын!Әумин!

Әже: Шашу шашады. 1-жүргізуші: Наурыз – ел мен елді, ұлыс пен ұлысты біріктіріп қана қоймайды.Ұлыстың ұлы күні күн мен түн теңеледі.Наурызда күн жылынады, табиғат жаңарады, ағаштар бүршік ата бастайды.2-жүргізуші: Құстар жылы жақтан ұшып келеді. Осы кезден бастап мал төлдейді. Ұзақ суық қыстан кейін жаңа тіршілік басталады.Салт дәстүрім жараса,Қайта құрып жаңаша.Жарыса өнер көрсетіп,Той тойлайық тамаша – дей келе сырға салу салт-дәстүрі туралы көрініске назар аударайық.СЫРҒА САЛУСахнада үстел қойылған. Шетінде көрпе бар. Үстел басына әжесі мен анасы келіп отырады. Сол кезде қазақша көйлек киген үш қыз шығады. Ортасындағы Айсұлу деген қызды әжесі мен анасы шақырып алады. Әжесі Жамила : Камилла, қызым, келе ғой.Анасы Мөлдір: Камилла, кел, отыр.Жамила: Бүгін біз сенің құлағыңды тесіп, сырға тағайық деп отырмыз. Құлақ тесуде де тәрбие жатыр. Қазақта қыз баланың өміріндегі айтулы күн - құлағын тесу. Жеті жасқа келген қыз баланың құлағын тесіп, сырға салады. Жеті - қазақ үшін қасиетті санның бірі. Қыздың құлағын көп жағдайда тек жеті жасынан бастап тескен.Мөлдір: құлағы тесілгеннен кейін оның мінез-құлқы бірден өзгереді. Осыдан бастап «сен енді сырғалы қыз боласың». Бұдан былай қолыңа кесте алып, ою оюды үйренесің.Жамила: Қыз баланың құлағын тек сәндік үшін, әдемілікке бола теспейді. Бұл да - тәрбиенің бір түрі.Мөлдір: Бұл - қыз баланы ісмерлікке, шеберлікке үйретудің басы. Ұл баланы сүндетке отырғызған сияқты, қыздың құлағын тесу де - бірдей, ата-анаға парыз болып саналады.Амина: Камилла, таққан сырғаң құтты болсын!Жұлдыз: Камилла, сырғаң өзіңе сондай әдемі жарасып тұр.

жүргізуші: Наурыз келді, жайраң қақты таң күліп,

Жап-жасыл боп кетті дүние жаңғырып. Жақсылыққа жаршы болған Наурызым, Сен өмірдің көктемісің мәңгілік. Ортаға Димаш, Фуркан, Алдиярды қошеметпен шақырамыз.3-оқушы: ДимашНаурыз – көктем тойымыз,Той дәмі мол, тойыңыз.Күн ұзарар жылынып,Өсер біздің бойымыз.Төлдеді де малымыз,Тамыр жайды талымыз.Наурыз өнер жарысынБастады жас, кәрі үшін. 4-оқушы: Балкен НұрдаулетЖақсылыққа қашандаЖан баласы тоймаған.Жаңа жылдың басы депЖылда бізбен тойлаған.Тойын жасап ед енді,Қуанышқа бөленді.Жарқыраған жас нұрлыЖаса, Наурыз, дәстүрлі! 5-оқушы: ЖҰЛДЫЗҰлыс күні кәрі–жасҚұшақтасып көріскен.Жаңа ағытқан қозыдайЖамырасып өріскен.Арман тойы ананың,Қуанышы ғаламның,Қош келіпсіз, Наурыз,Құтты болсын қадамың!

жүргізуші: Мөлдір, сен ұйқыашар мен селт еткізер салт-дәстүрі туралы естуің бар ма?

Жүргізуші: Жоқ Заңғар.білмейді екенмін. Мына бір көрініске назар аударсақ , бәрін білетін сияқтымыз.

Көрініс. Ұлдар өз ара күш сынастырып отырады. Сол кезде қыздар келеді.Амина: Жарайсыңдар жігіттер, бәрекелді! Білекті бірді жығады – деп бекер айтпаған –ау, қыздар қалай ойлайсыңдар?Жамила: Дұрыс айтасың, Амина. Камилла: Сендер шаршап қалған боларсыңдар.Біз сендерге өз қолымызбен дайындап, ұйқыашар әзірледік. Фуркан: Ұйқыашар?Санжар: Ол не нәрсе?Сабина: 22 наурыз күні, күн мен түн теңескен уақытта, жұрт ұйықтап қалмауы үшін жас қыздар "ұйқыашар" деп аталатын дәм тағайындап, ер жігіттерге апарып береді.Димаш: Ааа, иә иә мен білемін бұл салтты, рахмет қыздар, өте дәмді болыпты. Біздің де сендерге ұсынар селтеткізер сыйлығымызды қабыл алғайсыңдар?Жұлдыз: Селтеткізер ? Оны қалай түсінеміз?Балкен: Нұрдаулет:Ұйқыашардың қарымтасына жiгiттер селт еткендіктен "селтеткiзер" рәсiмiн жасайды. Яғни сыйлықтар береді. Мына кішігірім сыйлықтарымызды қабыл алғайсыңдар.Камилла: ОООО, әдемі екен, көп-көп рахмет

2-жүргізуші:Наурыз тойы – береке,Наурыз тойы – жыр аңыз.Қызық дулы мереке,Қызық думан құрамы. Тұңғышбай Әлішер мен Жаңаберген Нұрдаулетті қошеметпен ортаға шақырамыз.6-оқушы: ӘлішерЖаса, Наурыз, ойлымыз,Жаса, көктем, тойымыз!Ел дәстүрлі – арымыз,Той бастығы – кәріміз.Әнім де саған, биім де,Құт қонақ өзін үйімде.Қуаныш сыйлап еліме,Күлімде, Наурыз, күлімде!

Жаңаберген Нұрдаулет:Наурыз келді - жыл келді Тірілтуге гүлдерді. Сәнденеді аналар Сәбилермен бірге енді. Наурыз келді, нұр келді, Түгел аймақ түрленді. Бақшадағы апайлар Тойға әзір боп үлгерді.

жүргізуші: Қазақ халқының ежелден келе жатқан ұлттық ойындарына көшсек. Ұлт ойындары - ата – бабамыздан бізге жеткен өткен мен бүгінгіні байланыстыратын баға жетпес байлығымыз, асыл қазынамыз.

Жүргізуші: Соның бір түрі күш сынасудан тұрады. Қазақтың ұлттық ойындары ерлікті, өжеттікті, тапқырлықты, батылдықты, шапшандықты қажет етеді. Ондай болса, ортаға батылдарды шақырамыз.

Ойын тізімі «итеріспек», «арқан тарту», «орамал тастау», «сақина», «асық ойыны», «күш сынасу»(балалар түгелі қатысты)

Мөлдір: Заңғар, сен Сүйінші салты туралы не білесің?Заңғар: Әрине Мөлдір білемін. Сүйінші – қуанышты хабар әкелушіге берілетін сыйлық. Дүниеге жас нәресте келуін, келін түскенді, алыстағы сағынған адамның келгендігін, жоғары атақ, үлкен сыйлық берілуін, т.б. қуанышты сәттерді алғаш хабарлаушы сүйінші сұрайды. Сүйіншіге бағалы зат немесе ақша береді. Қуанышты хабар жеткізуші адам «сүйінші-сүйінші» деп келеді. Мұндайда қуанышты үй иесі «қалағаныңды ал» дейді. Көрініс. Дастархан басында сынып оқушылары ата, әже, немере рөлінде ұлттық киімде әңгімелесіп, көже ішіп отырады отырады. Камилла: Сүйінші ата! Сүйінші! – деп жүгіріп келеді. Фуркан: Сүйіншіңді ала қой айналайын, деп ақша ұсынады. Ал енді айта ғой, қандай жақсы хабар әкелдің. Камилла: Ата, алыстан ат арылтып өнер адамдары келе жатыр. Ел елді аралап, қыдырып жүр екен. Әне біздің үйге де келді.Қонақтар: Нурай, Санжар, Алишер, ДимашСанжар: Ассалаумағалейкум ақсақал! Ұлыс оң болсын, Наурыз құтты болсын!Фуркан: Уағалейкумассалм, әмин айтқаның келсін. Төрлетіңдер, жоғары шығыңдар. Отанасы қазан көтер, көже әкел.Нурай: Жаңа жылымыз құтты болып, тек бақыт әкелсін.Мөлдір: астан алып отырыңыздар.Димаш: Біз ел елді аралап, мерекемен құттықтап, жақсы көңіл күй сыйлап жүрген жандармыз.Фуркан: ӘӘӘ Бәрекелді! Онда қонақ кәделерің мен де келген боларсыңдар. Жаңаберген Нұрдаулет: Ата , қонақ кәде деген не?Фуркан:0 Қонақ кәде – қонақтың өнерін ортаға салуын сұрайтын салт.Нурай: Әрине ата, әу демейтін қазақ жоқ дейді, ән шашуымызды қабыл алыңыздар. Ән Нурай:1-жүргізуші:Ұл –қызымыз жайнап тұр,Өнерлерін сайлап тұр.Біздің қара шаңырақтың құты ғой,Қасиетті қара қазан қайнап тұр.Сыйлаған жандар атасын,Көжеден дәм де татарсың.Тілейік қабыл болсын депҚыдыр атаның батасы. 2-жүргізуші:Кеңпейіл, дархан халқымыз,Кеңейді дәстүр-салтымыз.Дәстүрін елдің сыйландар,Дәстүрлі салтты тойландар.Орындалсын ойларың,Тойға ұлассын тойларың

2-жүргізуші: Халқымыз ежелден тұрақтылық пен бейбітшілікті, ел арасындағы татулық пен бірлікті ерекше бағалаған.

жүргізуші:Келесі жылы да басымыз аман, жұртымыз тыныш, жайлы болсын, халайық!

Бірге:Қош сау болыңыздар.

Ресми байқаулар тізімі

Республикалық байқауларға қатысып жарамды дипломдар алып санатыңызды көтеріңіз!