«Атажұрт» интеллектуалды ойыны

Мектеп: Ғ.Мүсірепов атындағы №86 мектеп-гимназиясы

Мұғалімнің аты-жөні: Өтеулиева Айнұр Жұмағалиқызы

Сынып: 8 «А,В»

4 ойыншы

4 жанкүйер

Тақырыбы:

«Атажұрт» интеллектуалды ойыны

Мақсаты

Оқушылардың шығармашылығын арттырып өз бетімен іздене білуге сабақта алған білімдерін өмірде қолдана білу, тарихи шежірелер мәдениетінің ұлттық рухани танымдық, қасиеті киелі асыл мұралардың қазынасын жас ұрпақтың сана - сезіміне сіңіру.

Құндылықтарды дарыту

• патриотизм

• өз елі үшін мақтаныш

• мұғалім мен оқушының ынтымақтастығы

• жалпы азаматтық құндықтар мен рухани жаңғыру

• азаматтық жауапкершілік

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

Ұйымдастыру сәті.

І. Бөлім «Өзін өзі таныстыру» екі команда ортаға шығып өздерін таныстырады.

II. Бөлім

І бөлім. «Өткел» Топ басшылары 5 сұраққа жауап береді.

1 сұрақ - 4000 ұпай.

Бұл бөлімді ұлт көсемі – Әлихан Бөкейханға арналады. Биыл көсеміміз туғанына – 155 жыл.

Жазушы Тұрсын Жұртпайдың естелігінен.

Әлихан Бөкейханның 5 ұстанымы болған.

1. Алаш ұлттық-демократиялық мемлекет болуы керек. Ол үшін жер, жер және жер» болуы керек. Жерсіз Отан жоқ.

2. Алаш жерінің астындағы, үстіндегі, көгіндегі барлық байлық қазақтың өзіне қызмет жасауы тиіс. Қазақтың әрбір тасы қазақты киіміне түйме болып қадалуы тиіс.

3. Мемлекет толықтай экономикалық тәуелсіздікке қол жеткізіуі тиіс. Қазақтың жерінде өндірілген бір уыс жүн сол мемлекеттің азаматтарының үстінде тоқыма болып киілуі тиіс.

4. Қазақ мемлекетінде мемлекет құрушы ұлттың тілі, діні, менталитеті басқа ұлтқа қарағанда үстем болуы керек.

5. Негізігі ұстанымы, ғылымға, оның ішінде тәуелсіз ғылымға, ұлттық дәстүрге негіздерлген, заңға сүйене отырып, Жапония үлгісіндегі ұлттық демократиялық мемлекет құрылуы керек.

І топ.

1. Әлихан Бөкейханның өмір сүрген жылдары (1866-1937)

2. 1909-1917 жылдары Әлихан Бөкейхан айдауда болған қала (Самара)

3. Әлихан Бөкейханның алғашқы ірі монографиялық ғылымиғылыми еңбегі («Ресей. Біздің отанымыздың толық географиясы»

4. «Ол даладдағы қазақтардың діни-саяси қозғалысының жетекшісі... үкіметке қарсы барлық митингілер мен үндеулер, петициялардың белсенді ұйымдастырушысы» деп Әлихан Бөкейхан туралы ақпарат берген (Омбы жандармдық басқармасы)

5. 1906 жылы І Мемлекеттік Думасына депутат болып сайланған аймақ (Семей) Алихан Бөкейханның ұстанымы («Өмірімнің соңына дейін қазақ халқына қызмет етемін»)

ІІ топ.

1. Ә. Бөкейханның 150 жылдығы аталып өтілген жыл (2016)

2. 1906 жылы І Мемлекеттік Думасына депутат болып сайланған аймақ (Семей)

3. Бірқатар еңбектерін қазақ халқына арнаған Ә.Бөкейханның досы (Сороккин)

4. Әлихан Бөкейхан қазақтың қай ақынының шығармасын тұңғыш зерттеген (Абай)

5. Биліктің қуғындау мен қадалау жылдарында түрмеге қамалып, жер аударылса да бірқатар батыл да ержүрек азаматтар өз халқының болашағы үшін күресті жалғастыра берді. Бұл топтың жетекшісі, тәрбиешісі де Әлихан Бөкейхан еді. Нәтижесінде қазақ ұлты қалыптасты. Әлихан Бөкейханның қазақ тарихында алатын орны , міне, осында жатыр» -деп жазған (Қошке Кемеңгеров)

II бөлім. «Белес» Әрбір дұрыс жауап 5000 ұпай ойынға қатысушылар сұраққа көмек алуға болады. Егер дұрыс жауап бермесе, сондай-ақ келесі топқа кезек бермегені үшін ұпайы кемиді.

І топ.
1. 1904 жылы Лондонда құрылған Спасск мыс кендерінің ағылшын-француз акционерлік қоғамы түгелдей сатып алған кен орындары

Қосымша: Кен Алтайда өндіріледі, кқмір Орталық Қазақстанда

(Спасск-Успен мыс кені мен зауытын, Саран-Қарағанды тас көмір кені)

2. 1900 жылы қазақ өлкесінде 106 жәрмеңке болды. Олардың ішіндегі неғұрлым атақтыларын ата.

Қосымша: 1916 жылы Жетісудағы жәрмеңкені 5000 қазақ-қырғыз әскері қоршаған

(Қарқаралы уезіндегі Қоянды (Ботов, Верный уезіндегі Қарқара, Жаркент жәрмеңкелері).

ІІ топ.

1.ХІХ ғасырдың аяғы мен ХХ ғасырдың басында ірі теміржолдар салынуына байланысты Қазақстан аумағына салынған темржол желілерінің ірілері

Қосымша: Әбілхан Қастеевтің атақты картинасы

(Орынбор-Ташкент теміржолдары мен Түркістан-Сібір мағистралі)

2. ІІ Мемлекеттік Думаны таратуға қарсы наразылық митингілері өткен қалалар

Қосымша: Қазақстанның солтүстік және батысындағы облыстар

(Ақтөбе, Петорпавл, Қостанай)

III бөлім. «Бекет» Команда жанкүйерлеріне арналған тапсырма.

Берілген І, ІІ Думаның депутаттарын сайланған аймақтарына сәйкестендіру.

IV бөлім. «Асу» «Алаш ардақтылары». Әр жауап 3000 балл

1. 1911 жылы Орынбор губерниясының Троиц қаласында жарық көрген алғашқы қазақ журналы «Айқаптың» баспагері әрі редакторы белгілі ақын, прозашы және журналист. Журналда жарияланған материалдарда қазақ халқының отырықшы өмір салтына көшуінің, өлкедегі халықтың білім деңгейін көтерудің көкейтесті мәселерін қозғады.

Сұрақ: Бұл ақпарат кім туралы?

Дұрыс жауабы: Мұхамеджан Сералин

2. 1896-1937 жылдар аралығында өмір сүрген, қазақтың белгілі қайраткері, тарихшы, жазушы, драматург. Ол Ақмола облысының Омбы уезіндегі Теке болысының Қаржас ауылында туған. «Бірлік» атты мәдени ағарту ұйымында жұмыс істеді.

Сұрақ: Бұл ақпарат кім туралы?

Дұрыс жауабы: Қошке Кемеңгеров

3. 1879-1937 жылдар арасында өмір сүрген, алаш қозғалысы жетекшілерінің бірі, белгілі қоғам қайраткері. 1906 жылы Санкт-Петербург көлік инженерлік институтын бітірген. Институтта оқып жүргенде-ақ қазақ халқының ұлттық мүддесін патша әкімшілігінің озбырлығынан қорғаған мақалалар жазды. 1907 жылы ІІ Мемлекеттік Думаға Жетісу облысынан депутат болып сайланған.

Сұрақ: Бұл ақпарат кім туралы?

Дұрыс жауабы: Мұхамеджан Тынышбаев

4. 1863-1934 жж. өмір сүрген, алғашқы қазақ заңгері, мемлекеттік және қоғам қайраткері, ағартушы, демократ. Кіші жүздің ханы Әбілхайырдың шөбересі. 1907 жылы ІІ Мемлекеттік Думаға Орал облысынан депутат болып сайланған.

Сұрақ: Ол кім?

Дұрыс жауабы: Бақытжан Қаратаев

5. Торғай облысы Торғай уезінің Қызбел атырабында дүниеге келген. Патша отаршылдығына ашық қарсы шығып, жер мәселесін көтереді. Оның 1909 жылы шыққан «Оян, қазақ!» жыр жинағын замандастары «Ұлттық манифест» деп атады. Сұрақ: Ол кім?
   Дұрыс жауабы: Міржақып Дулатұлы

6. 1890-1941 жж. көрнекті қоғам және мемлекетқайраткері, түркі халқының даңғты күрескері. 1910 жылы Санкт-Петербург Императорлық университетінің заң факультетіне оқуға түседі. Түркістан автономиясының негізін қалайды. Сұрақ: Ол кім?
   Дұрыс жауабы: Мұстафа Шоқай.

III бөлім. «Бекет» Команда жанкүйерлеріне арналған тапсырма. Берілген көтеріліс басшыларын аймақтарына сәйкестендіру.

1916 жылғы Торғайдағы көтерілістің басшылары: Амангелді Иманов, Әбдіғапар Жанбосынов, Кейкі батыр

Жетісудағы көтеріліс басшылары: Жәмеңке Мәмбетов, Бекболат Әшекеев, Тоқаш Бокин

Жеңген топты марапаттау.

Презентация