Әтештің оқиғасы

Ертеде бір ауылда әтеш болыпты. Ол өте әдемі, сымбатты болған екен. Оған сол ауылдың барлық әтеш пен тауықтары қызығады екен. Бірақ әтештің даусы сол ауылдағы әтештерден жаман болады. Ол таңертең ерте оянып сол ауыл тұрғындарын оятады екен. Бірақта ауыл тұрғындары да әтештің даусын ұнатпай, оны қарғап-сілеп тастайды екен. Сөйтіп, бір күні әтеш аулада жалғыз өзі отырып ойланады екен:

-Неге осы мен сымбаттымын, әрі осы ауылдың барлық әтеш пен тауықтары маған қызығады, бірақ менің дауысымды естіген кезде барлығы қасыма жоламай қалады,- деп мұңайып, жылап жібереді. Солай әтештің күні өте береді. Бір күні осы ауылда тұратын Ермек әтешті жаман қарғап, яғни «үнің өшкір ӘТЕШ» деп айтады. Ертесіне таңертең әтеш ерте оянып ауыл тұрғындарын оятайын десе даусы шықпай қалады екен. Тағы да ку-ка-ре-ку дейін десе даусы шықпайды екен. Әтеш ойлана-ойлана қуанып енді менің дауысымды ешкім естімейді деп ауылды аралауға шығады. Сөйтіп жол-жөнекей ауылдағы әтеш пен тауықтарды кезіктіреді. Олар сен неге бүгін бізді оятпадың деп сұрақ қояды. Бірақ әтеш даусы жоқ екенін біліп, ештеңе демей өз жайына кете береді. Ал аналар қызығып қарап қалады. Дәл сол кезде қалада жұмыс жасайтын адамдар үйлерінен атып шығып, асығып жұмыстарына кешігіп, жүгіріп барады.

Сол кезде бір ауыл адамы әтешке:

-Сен неге бүгін таңертең бізді оятып шақырмадың дейді!?

Сол кезде әтеш:

-Менің дауысым жоқ мінекей- деп бар дауысымен айтады. Оны естіген Ермек бұл шамасы менің ісім болдығой деп ойланады. Негізінде Ермекте жұмысына кешігіп бара жатқан болатын. Солай ол жұмысына келіп ары ойланып, бері ойланып өзінің жұмысы жайына қалады. Арада тағы біраз күн өтеді. Ауыл адамдары күнде жұмысқа кешігіп баратын болады. Солай барлық тұрғын жұмыстан келген соң Ермек ауыл адамдарын жиып жиналыс өткізіп, өзінің әтешті қарғағанын айтып береді. Бұған ашуланған ауыл адамдары Ермекке әтештен кешірім сұрап, бізді таңертең оятуын өтінесің деп айтады. Сөйтіп ол әтешке келіп кешірім сұрап, оятуын өтінеді. Әтеште негізі адамдардың жұмысқа кешіккенін көріп күнде көңілі толмай жүреді. Ертесіне әтештің даусы орнына келіп ауыл тұрғындарын оятады. Бұған қатты риза болған ауыл адамдары мен Ермек ешқашан әтешті жамандамайтын болған екен.