Қосымша білім беру педагогының «Шебер қолдар» үйірмесінің жылдық күнтізбелік жоспары 5-10 сыныптар

Бүгінгі күн талабына сай ақпараттық телекоммуникация технологияны пайдалану өскелең ұрпақты заманға сай құралдармен қамтамасыз етеді. Қосымша білім беруде шебер қолдар пәнінің бағдарламасы аптасына 2 сағат 68 сағатқа жоспарланып жасалған. Шебер қолдар бағдарламасының негізгі мақсаты-жасөспірімдерді өздігінше еңбек ете білуге, бұқаралық кәсіпті игере алуға даярлау. Арнайы білім мен іскерлік дағдыларын қалыптастыру, оқушылардың шығармашылығын, іскерліктерін жүзеге асыруға мүмкіндік жасау. Қосымша білім беруде шебер қолдар үйірмесінің бұрынғы еңбекке баулудан айырмашылығы, баланың жеке шығармашылық жұмысының дамуын қалыптастырады. Шебер қолдар пәнін игеру барысында оқушылар білімдерін игеріп қана қоймай іс жүзінде меңгере алады, өндірісте бизнес саласында қолдана алуы тиіс. Жоспар құрастырудың бірегей формасы жоқ, әр мұғалім жекеше шығармашылық тұрғыдан қарайды. Қосымша білім беруде шебер қолдар үйірмесінің оқытуда аптасына 2 сағат жүктеме оқушылардың шығармашылық жұмыс жасауына көп септігін тигізеді. Елбасымыз «болашақта еңбек етіп өмір сүретіндер – бүгінгі мұғалім оларды қалай тәрбиелесе Қазақстан сол деңгейде болады», - деп атап өткен болатын. Қоғамымыз бастан кешіп отырған аумалы-төкпелі заман қиындықтары халыққа білім беру саласына да салқынын тигізбей қойған жоқ. Оның ішінде еңбекке баулу сабақтарының деңгейі өте төмендеп кетті. Мектептерде осыған дейін қолданылып келген бағдарлама, орыс тілінен тікелей аударма болғандықтан, ұлттық ерекшеліктерге, жергілікті жағдайларға, күнделікті қажеттілік пен мүмкіндіктерге сәйкес келе бермеді “Өнер көзі-халықта”, халықсыз өнер, өнерсіз халық жоқ. Алдымен өнерді халықтан үйреніп,көне мұрасын тауып,жаңғыртып іске асыру – перезенттік парыз деп түсіну керек. Жаңа технология қолөнер арқылы оқытудың негізгі мәселелерінің бірі оқушының оқуға ынтасын, қоршаған ортаға қызығушылығын арттыру болып табылады. Шебер қолдар үйірмесінде оқушының жеке тұлғасын дамытуға арналған өнер болғандықтан қызығушылық аясын кеңейтіп, шығармашылығын қалыптастыруда өзін-өзі танып, жауапкершілікті сезіну үшін жоспар бойынша белгіленген тақырыптық жобалар ұсынылып отыру керек. Қазақ халқының қолөнері салт дәстүріміздің, тұрмыс тіршілігіміздің қажетін өтейтін көп салалы мәдени мұра. Сол мәдени мұраны оқушыларға жаңаша үлгіде жасата отырып, қолмен істетіп, іс-тәжірибе барысында ақпараттар беріп, ұлттық мәдениеттін көтерсек ұтарымыз көп.

Мақсаты:

• Ұлттық қолөнер ұйымдарын тоқып, жасай білуге, өнерді құрметтеуге ықпал жасау, алған білімдерін іс жүзінде көрсете білуге үйрету.

• Өнерді сүюге, шеберлікке кәсіптік қолөнер бұйымдарын дайындай білуге, икемділікке, шапшаңдыққа, эстетикалық талғаммен жұмыс істеуге, ұйымшылдыққа тәрбиелеу.

Міндеттері:

• Оқушының қолөнерге қызығушылығын арттырып, іскерлігін анықтау.

• Ойлау қабілетін, көркемдік жұмыстарды шығармашылық түрде жасай білуге дағдыландыру.

• Кәсіби өнерді игеріп, өмірде өз орнын табуға бағыттау.

Күтілетін нәтиже

• Оқушылардың өнерге деген қызығушылығын арттыру.

• Бизнес саласында қолдан жасалған бұйымдарын қаржылай сауда-саттық жасауға үйрету.

• Ақшалай пайда табуға, үнемділікке үйрету.

• Өз беттерімен қолөнер ұйымдарын дайындау арқылы жауапкершілігі мен ерік жігері қалыптасып шыңдалады.

• Белгілі бір маман иесі болуға талпыныс жасалады .

Қарағанда облысы

Қарақаралы ауданы

№ 30 Теректі орта мектебі

Мизамбаева Кулзия Рахымбекқызы жоғарғы санатты ұстаз

Қосымша білім беруде шебер қолдар үйірмесінде оқушылардың жасаған қол-өнер бұйымдары. Суретте сол жақта – пән мұғалімі Мизамбаева Кулзия, оң жақта оқу ісінің орынбасары – Балтабаева Алмагүл. Шыныдан жасалған заттарды тамашалауда.

Қарағанда облысы

Қарақаралы ауданы

№ 30 Теректі орта мектебі

Мизамбаева Кулзия Рахымбекқызы жоғарғы санатты ұстаз