Бала тәрбиесіне мектеп пен отбасылық жауапкершілік.
Құрметті ата – аналар! Бүгінгі біз сіздермен бала тәрбиесі жөнінде ой бөлісу мақсатында жиналып отырмыз. «Ағаштан ағаш рең алады, адамнан адам тәлім алады» демекші әрбір ата-ана өз баласының тәрбиелі де рухани азығы мол азамат болып өсуін тілейді. Әр ата-ана перзентінің мәдениетті, адамгершілігі мол, білімді, саналы, еңбекқор, ата-салтын, ана-тілін қастерлейтін, үлкенді сыйлай білетін, кішіге ізет ететің адам етіп тәрбиелеуді ата-аналық міндеті деп түсіну керек.Оқу мен тәрбие – егіз ұғым. Ол бір – бірімен бөліп алып қарауға болмайтын, табиғатты танылған үрдіс. Болашақтың иесі – жас ұрпақ. Ұрпақ тәрбиесі ең бірінші – ата-анаға, кейін ұстаздар қауымына үлкен жауапкершілік жүктейді.Өскелен ұрпақты тәрбиелеу жүйесі қазіргі заман талабына сай өмірде болып жатқан өзгерістерге байланысты жаңарып отыруы тиіс. Тәрбие жұмысы – педагогтардың нақты міндеті, яғни оқушы тұлғасын сомдау мәселесін сапалы түрде шешуге бағытталған үйлесімді іс-әрекеті. Осыған орай оқыту мен тәрбиені ұйымдастырушы және ата-аналармен жағымды қарым-қатынасты реттеуші ретінде сынып жетекшісінің рөлі көтерілуде. Сынып жетекшісінің біліктілігі балалар әлемінің терең түсінуге негізделген білім екені даусыз. Баланы өмірге бейімдеуге мектеп, ұстаз және ата-ананың орны бөлек. Туындаған тәлім – тәрбиедегі жарасымдылық мектеп пен ата-ана, әлеуметтік орта бірлесіп жұмыс істеген жағдайда ғана үйлесімділік табады. Өйткені, баланы өмір сүруге құштарлығынын оянуы өзінің қоршаған ортасына, ұстазға, ата-анаға, құрбы-құрдастарына, олардың күнделікті іс-әрекетіне, жүріс-тұрысына, сырт көрінісіне, сөйлеген сөзіне, әдептілігіне тағы басқа қасиеттеріне байланысты. Халық «Ұяда не көрсең, ұшқанда соны ілерсің» деп тегін айтпаған. Баланың қоғамдық әлеуметтік дамуы жанұяда өз орнын алуынан бастайды.Бала тәрбиесі – ата –ана үшін күрделі де жауапты міндет. Жас шыбық иілгіш болса, жас бала сондай жақсыға да, жаманға да бірдей бейім болатыны баршамызға мәлім. Ата – ананың үйдегі іс-әрекеті балаларының көз алдынан өтеді. Сондықтан жақсы, жаман әдетіміздің бала тәрбиесінде ықпалы зор.Бала тәрбиесінің алғашқы алтын қазығы – туған ұясы, өз отанының басындағы ата-ана тәрбиесі, өнегесі. «Баланың бас ұстазы – ата-анасы » деген сөз бар. Жас кезінде дұрыс тәрбие алмаса, есейе келе тәртібі қиындап, оқу үлгерімі шашыралып кетеді, мұндай жағдайларда «Не істеу қажат?» деген ой туады. Әрине, ата-аналар балаларының оқу-үлгеріміне күнделікті назар аударып, оны қадағалап оқытуы қажет.Ұлы ғалым, философ Әбу Насыр Әл-Фараби «Адамға ең бірінші білім емес, тәрбие керек. Тәрбиесіз берілген білім – адамзаттың қас жауы, ол келешекте оның өміріне қауіп әкеледі» - десе, Жан Жак Руссо «Бала туғанда ақ қағаздай таза туады, оның үстіне шимайды қалай салса, қағаз бетіне солай түседі, бала тәрбиесі сол сияқты, өзін қалай тәрбиелесең, ол солай тәрбиеленеді» деген екен. Бұдан шығатын түйін бала тәрбиесіне ең әуелі оның өз ата-анасының еңбекқорлығы, ұстамдылығы, ақыл – ойы, сана – сезімі, адамгершілігі әсер етпек.Бала ата-ананың ғана емес, ұлыс пен ұлттың ертеңгісі, келер шаққа аманат. Жас ұрпақты жан-жақты жетілген, ақыл – парасаты, ой – өрісі биік азамат етіп тәрбиелеу қоғамымыздың ең өзекті мәселесі.Сондықтан ата-ана, ұстаздар болып, жас ұрпаққа жан-жақты тәрбие беруде жан – жақты болуымыз керек.Ата – аналармен жұмысты ұйымдастырудағы негізгі міндеттер мыналар:Оқу жылының басында және оқу тоқсанының қорытындысында сыныпта ата-аналар жиналысын тұрақты өткізіп отыру. Жалпы ата-аналар жиналысында мектептің оқу-тәрбие жұмысының барысы, алдағы міндеттер туралы педагогикалық ұжымның ата-аналар алдында есеп беруін ұйымдастырады.
ҚР Білім және Ғылым министірлігінің стандартымен жасалған
22 Желтоқсан 2017
441
0 рет жүктелген
