Балалық шақ мейрамы

Мақсаты: Оқушыларға балалық шақ қызықтарын айта отырып, сүйіспеншілік құндылығының мәнін ашу.

Міндеттері:

1. Білімділік: Оқушыларға достықпен, сыйластықпен өмір сүру керектігін түсіндіру.

2. Дамытушылық: Оқушылар бойындағы бәрін жақсы көре білу қасиеттерін дамыту.

3. Тәрбиелік: Оқушыларды татулыққа тәрбиелеу.

Ресурстар:

(материалдар, дереккөздер)

1.bilim-all.kz

2.https://infourok.ru

Сабақтың барысы:

1. Ұйымдастыру кезеңі.

5. Т – ережесі:

1. Тәртіп.

2. Талап.

3. Тыныштық.

4. Тазалық.

5. Татулық.
   Балалар ережені есімізге түсіріп, сыныптың тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік.

Жағымды күйге келу. «Бәріміз бірге».

Мақсаты: балалардың бір-бірімен байланы орнатуға үйрету, серіктесінің қозғалыс темпіне ыңғайлану.

Жаттығудың жүргізілуі: балалар жұппен тұрып допты бірге ұстайды(әр бала допты екі қолымен ұстауы тиіс). Жетекшінің белгісінен кейін балалар бір уақытта отыруға допты қолдарынан түсіріп алмай бөлме ішінде жүруі, секіруі қажет. Ең бастысы, бірге әрекет жасап допты түсіріп алмау.

2.Үй тапсырмасы.

1. №32 – сабақ. 6 – тапсырманы орындау.

2. Келесі сабақ. №33, Сырбай Мауленов «Балалық» өлеңін оқып келу.

Сұрақтар:

1. Өлеңдегі балалық туралы айтылған сөздерді қалай түсінесіңдер?

2. Өздеріңді қандай сәттерде бақытты сезінесіңдер?

3. Сендердің тілектерің қандай?

4. Өзің нені армандайсың? Айтып бер.

3. _{Сабақтың дәйексөзі.}

Бейбітшілік – ел ұраны.

Нақыл сөз

Сұрақтар:

1. Бейбітшілік дегенді қалай түсінесіңдер?

2. «Татулық – бақыт бастауы» дегенді қалай түсінесіңдер?

3. Өмірдегі басты нәрсе не деп ойлайсыңдар?

4. Сенің мақсатың қандай? Айтып бер.

4. Оқиға айту (Мұғалім сыйы).

Аңыз әңгіме
«Ертеде бір кісі баласын әбден есіртіп,еркелетеді. Өсе келе тілі удай ащы, есерсоқ, бейәдеп жігіт атанады. Жұрт безердей болғандықтан, оның қасына ешкім жүрмеуге тырысады.
Әкесі әбден ойланып, мынадай айла жасайды. Баласын шақырып алып, бір жалпақ тақтай береді. Күніне қанша адамды ренжітсең, мына тақтайға сонша шеге қақ дейді. Бірінші бала тақтайға 37 шеге қағады.
«Балам,өзіңді тежеп ұстап, шегеңді азайтуға тырыс» депті. Баласы әкесінің сөзін тыңдап, азайта отырып, бір күні ешкіммен ұрыспайтын, шеге қақпайтын да күнге жетіпті. Сол күні әкесі былай деп ақыл айтады:
«Енді балам, ешкіммен ұрыспайтын болдың. Бір адамды қуантқанда бір шегеден суырып отыр». Бала әкесінің сөзін орындауға тырысып, тақтайдағы шегені де күндердің бір күнінде таусыпты. Әкесі қуанып «Балам мен сені дұрыс адам болмайтын шығар деп қорқып едім. Міне өзіңді өзің тәрбиеледің, жақсы адам болып жолға түстің. Бірақ балам, мына тақтайға қарашы,бұрынғысындай тегіс әдемі емес. Беті шұрық тесік. Сен қанша кешірім сұрасаң да олар қанша кешірдім десе де кезінде айтылған сөздерді қалай өшіресің? Бәрібір ол жүректің түбінде қалады ғой. Әрине, бұл күндердің әркіммен бір ұрысып жүргеннен жақсы. Бірақ бұл саған өмірлік сабақ болсын, әр сөзіңді ойлап сөйле», -дейді.
Сұрақтар:
1. Әкесі баласынының жақсы болу үшін қандай әрекет жасады?
2. Бала өзін тежеп ұстауға қалай үйренді?
3. Әкесінің «Бұл саған өмірлік сабақ болсын» дегенін қалай түсіндіңдер? 

5. Шығармашылық жұмыс, топпен жұмыс.

Оқушылар төрт топқа бөлінеді.

2-тапсырма Сурет бойынша әңгіме құрастырып айтыңдар.

6. Топпен ән айту.

Каникул жыры

Өлеңін жазған Оспанхан Әубәкіров

Әнін жазған Салтанат Сұлтанова

Қырдың гүлі,

Күннің нұры,

Қол бұлғайды сая бақ.

Асқар белдер,

Толқын көлдер,

Құшақтайды аялап.

Еліміздің,

Жеріміздің,

Жазы жаннат, тамаша!

Дала қандай,

Қала қандай,

Көз тоймайды қараса!

Шығысқа да,

Батысқа да,

Бастап жүрді Күн мен Ай.

Жер мен көкпен

Серуендеткен

Каникулдың күндері-ай!

7. Үй тапсырмасы.

6 – тапсырманы орындау.

8. Сабақтың қорытынды сәті.

Тыныс алуға зейін қою.

Баяу музыка қойылады.

Мұғалім: Сіздерден аяқ-қолыңызды айқастырмай, түзу отыруыңызды өтінемін. Біз қазір тыныс алу жаттығуын жасаймыз. Тыныс алуға зейін қойған кезде, біздің ақылымыз дем алады. Ауаны ішке жұту кезінде тыныштық пен қуаныш қабылдаймыз. Демді сыртқа шығарған кезде өзіміздегі мазасыздықтарды сыртқа шығарамыз.

Кәне, дайындалайық, балалар. Көзімізді жұмамыз..., арқамызды тіктейміз..., қолдарыңды тізеге қоюға болады...

Д е м а л..... ш ы ғ а р... (жаймен 9-10 рет) немесе 1..................2 [3]. Рахмет!

Бүгінгі сабақтан игерген жақсы қасиеттерді есімізге түсіріп, жүрегімізге сақтайық.