баланың басұстазы ата ана

Нұрлы-көш орта мектебі

Тақырыбы:«Баланың бас ұстазы ата-ана»

(сыныптан тыс іс шара )

Өткізген. Туленбаева.К.Б

Тексерілді:

Күні.
Тақырыбы: «Баланың бас ұстазы ата ана»

Психологиялық дайындық «Айна» (айна ішіндегі кісінің жақсы қасиеттерін айту керек)

«Баланың бас ұстазы ата-ана»деп аталған дөңгелек үстелдегі өткізу мақсатымыз ата-аналарды пікір айтуға ынталандыру,ортақ шешімді анықтау,болашақта баламен жұмыс істеу міндетін белгілеу,ата-аналармен бет-бет кездесе отырып,жас ұрпақтың тәрбиесі туралы пікір алысу. Кіріспе сөз. Мұғалім:
Құрметті ата - аналар! Жел бесіктен, жер бесікке дейінгі адам өміріндегі тәрбиенің ұйытқысы ата - ана мен мектеп. Болашақ десек те, келешек десе де бала - ұрпақ деген мағынаны білдіреді.
Адамның өзге тіршілік иесінен айырмашылығы – дүниеге перзент әкелген соң, оның болашағын ойлау, адам етіп тәрбиелеу.
Бала тәрбиесі – бір отбасының ғана емес, бүкіл қоғамның мемлекеттік абыройлы міндеті. Кезінде Әл Фараби бабамыз «Ғылым емес, ең алдымен тәрбиеге көңіл бөлу керек, тәрбиесіз адамға ғылым баянды болмайды» - демеп пе еді. Осыған орай бүкіл ата - ана тәрбиеге бет бұруы керек. Ұрпақ тәрбиесіне мүдделі екендігін ата - аналар іс - жүзінде дәлелдеп отырулары тиіс.
Бала өмірдің жалғасы.Балам-менің болашығым дегенде ойларыңызға қандай ұғымдар келеді?

Ой қозғау. Бала деген кім?Ата-аналар жауабы (күннің шуағын сызып жау керек)

Біздің ұрпақтарымыздан күтеріміз көп. Осындай жақсы сөздермен күннің шуағына өздерінің балалары жайлы өз ойларын білдірдіңіздер және де оның оқуына тамағына мектепке барып келуін қадағалап отырасыз.Бұл жұмыс тек аналарымыздың міндеті ме әлде әкелерімізде міндетті ме?Үйде әкелеріміздің міндеті не деп ойлайсыз?Ата-аналар жауабы

Видиоролик «Әке бір сағат уақытыңыз қанша тұрады?»

5.«Қызықты сұрақтар»

Баланы қатаң тәрбиелеген дұрыс па ,әлде қатаң тәрбиелеген дұрыс па?

Бұрынғы уақытта баланы үлгермесе сабақ дайындамаса ұрып оқытқан ал,қазір үлгермесе ата-аналарымыз өзі дайындап қояды сіздердің көзқарасыңыз.

1. Балаңыздың туылған күні?
2. Сынып жетекшісінің толық аты жөні?
3. Балаңыздың аяғының өлшемі?
4. Балаңыздың парталасы кім?
5. Балаңыздың сүйікті асы қандай?
6. Балаңыз қандай түсті жақсы көреді?
7. Балаңыз бірінші сыныпқа қай жылы барды?
8. Балаңызды еркелеткенде қандай сөздер пайдаланасыз?
9. Балаңызға ашуланғанда аузыңызға ең алдымен қандай сөз түседі?
10. Балаңыздың ең жақын досы кім?
Мұғалімнің сөзі: Барлық өнеге жанұядан тарайды. Халық жанұядағы тәрбиеге ерекше көңіл бөлген. Оны «Таяқтау оңай, тәрбиелеу қиын», «Балақан өсіру - балапан ұшыру емес» деген мақал - мәтелдерден көруіңізге болады.
Ендеше психологиялық - педагогикалық тұрғыдан берілетін төмендегі 14 кеңеске құлақ түріңіз:
1. Таңертең (не түсте) сабаққа барарында баланы жайлап қана оятыңыз. Сіздің биязы үніңіз бен күлкіңіз - ақ ұйқысын ашуы тиіс. Кешегі бір теріс қылықтарын айтып, басқа түкке тұрмайтын нәрсеге жүйкесін жұқартпаңыз. Тамағын ішпей жатып ұрыс - керіс ұйымдастырмаңыз.
2. Егер балаңыз сабақтан кешігетіндей болып жатса, онда «Бол да болдың!» астына алып айғайламаңыз. Оны ертерек оятпаған өзіңіз кінәлісіз.
3. Баланы сабаққа (әсіресе таңертен) ашқұрсақ жібермеңіз;
4. «Бұзық болма!», «Қисалаңдамай тыныш жүр!», «Бүгін 2 алсаң құртамын!» деген ескертулерді жиі айта бермеңіз. Керісінше, оған жылу сыйлап, жақсы баға алып келуіне тілектестік білдіріңіз;
5. Есіктен кірмей жатып, «Бүгін қандай баға алдың?» деп бас салып балыңызды сұрақтың астына алмаңыз. Мектептен келген балаңызды көңілді қарсы алыңыз, оның сабақтан шаршап келгенін ескеріңіз. Егер бала әлденеге ренжіп келсе, бірдеңені айтпақшы болса, «сені тындауға уақытым жоқ» демей, арнайы көңіл бөліп, мұқият тыңдаңыз;
6. Бала бірдеңеге ашуланып жүрсе, үндемеңіз. Сабасына түскен соң, ол болған жайды өзі - ақ айтады;
7. Баланың бір қылығы үшін мұғалім сізді шақыртып алса, өзара әңгімеге баланы қатыстырмаңыз;
8. Мектептен келе сала баланы отырғызып қойып сабаққа дайындалтпаңыз. Олар да 2 - 3 сағат ойнап, демалған жөн, түсте ұйықтап тынықсын. Бесін мезгілі - сабаққа әзірленудің сәтті кезі.
9. Бір мезгілді барлық сабаққа әзірленуін талап етпеңіз. Әр сабаққа әзірленген кезде үзіліс жасау дұрыс;
10. Сабаққа әзірленіп жатқан баланың желкесінен төніп тұрмаңыз. Дөрекі сөйлемеңіз. Одан да көмектесіп, бірлесіп дайындалыңыз.
11.«Егер, сен, осы сабақты орындамасаң!» деп басталатын тәртіпке шақыру баланың жүйкесіне әсер етеді. Одан да өзіңіз кірісіп, жайлап жетектеп отырыңыз.
12. Күнде жарты сағат ештеңеге алаңдамай балаларыңызбен емін - еркін, жақын тартып әңгімелесіп тұрыңыз.
13. Балаңыздың көңіл - күйі нашар болса, онда бірден назар аударыңыз. Ол сабақтан зорығуы мүмкін.
14. Егер балаңыз айтқаныңызды тыңдамайтын болса, онда ұстазымен, психолог маманымен, дәрігермен кеңесіңіз.

6. Қорытынды бөлім:
Құрметті ата - аналар ұлтымыздың қанындағы ізеттілік – дөрекілікке, қайырымдылық - қатыгездікке, жомарттық - тоғышарлыққа, адалдық - арамдыққа, парасаттылық - парықсыздыққа ауыспасын деген үлкен үміт тұр.

Өмірдің өтпелі қиын кезеңінде ұл - қыздарымыздың саналы тәрбие мен нақты білім алуларына күш салайық. Балаға жауапкершілікпен қарап, оқыту мен адамгершілікке тәрбиелеуде отбасының басым рөлін мойындап, бірлесе, ынтымақтаса әрекет етуіміз қажет деп бүгінгі жиналысымызды аяқтағалы отырмыз.

«Баланың бас ұстазы ата-ана»тақырыбында сыныптан тыс шара өтілді.Барлығы 10 ата-ана тыс шара қатысты.Сыныптан тыс шараны тәрбие ісінің орынбасары ашып,ата-аналарға бала тәрбиесі туралы өз пікірлерін айтты.

Сыныптан тыс шара төрт бөлімнен тұрды.Ата-аналар белсене қатысып,өз пікірлерін білдірді.

Ұсыныс:Келесі жиналыста ер ата-аналарымызбен де өткізсеңіздер

.