Сәлеметсіздер ме, құрметті
әріптестер. Менің аты-жөнім Калиева Толқын Мұхаметқазықызы. Семинар
тақырыбы: «Қашықтықтан оқыту жағдайында қазақ тілі мен
әдебиетінен білім алушылардың олқылықтарын жою жолдары» Менде
көбіне денсаулықтарына байланысты дәрігерлік – консультациялық
комиссияның қорытындысы бойынша үйде оқытылатын оқушылар. Сондай
оқушылардың бірі- Прудникова
Анастасия. Диагнозы: Синдром вертебробазилярной
артериальной системы. ХВБН, синкопальное состояние. Бұл яғни
баланың жүректің жұмысында ақауы бар, және де кез келген кезде
талып қалу қаупі бар деген диагноз.
Оқушы тез шаршап қалады және сабақтың екінші
жартысында, әдетте, тапсырмаларды орындау қабілеттілігі мен
белсенділігі төмендейді. Бірақ оқушы сабаққа тиянақты, ойлау
қабілеті жоғары, яғни оқу үлгерімі
жоғары. Қашықтықтан оқыту жағдайында қазақ тілі мен
әдебиетінен үйде оқытылатын оқушылардың білім алудағы
олқылықтарының бірі денсаулықтарына байланысты, яғни ауырып қалған
кезде немесе операция мен емдік шараларды қабылдау кезінде сабақ
босатып алуы. Осы босатылған сабақтардағы өтілуі тиіс тақырыптарды
мынадай тиімді әдіс-тәсілдермен
өткіземін. Мысалы қатені түсіну, «БББ»
әдісі, INSERT, ассоциативті карта, синквейн, «Өзіңізді тексеріңіз»
әдісі, күрделі мәтіндерді жеңілдету тәсілі.
Сыныпта және сыныптан тыс
жұмыстарда өзім ғана емес, оқушыларым да дайындаған презентациялы
және иллюстрациялық материалдарды жиі
қолданамын. Оқушылардың өзіндік
электрондық білім беру ресурстарын құрған кездегі шығармашылық
қабілеттері дамиды (презентациялар, ойындар, бейнематериалдар).
Презентация тиімді әдісті қолдануға мүмкіндік береді. Материалды
анық және синхронды түсіндіруді көрсете отырып оқытуға мүмкіндік
береді.
Қашықтықтан оқыту кезінде білім алушылардың
олқылықтарын жою үшін, әрбір оқушының білім деңгейін талапқа сай
көтеру үшін, интерактивті технологияларды тиімді қолдану қажет деп
ойлаймын. Осындай жұмыстарды үнемі жүргізіп отырсақ, оқушылар
шығармашылыққа баулиды, сын тұрғысынан ойлауға, шәкірт бойындағы
қабілет көзі ашылады, тіл байлығы артып, өз бетінше ізденуге және
зерттеу дағдылырының қалыптасуына зор әсерін тигізеді деп
ойлаймын.