Білім беру үрдісін жүйелі әрі тиімді басқарудың тетігі-педагогикалық менеджмент

Мемлекеттің алға өрлеуі, әлемде өзіндік ерекше мәртебеге ие болуы оның ұлттық білім жүйесінің жаңашылдығына, даму бағытына байланысты. Алмағайып өмірге икемді баланы саналы да, сауатты табысты тұлғаға айналдыруда мектептің алар орны ерекше.

Мектеп әлемін өзгертетін мұғалім болса, сол мұғалімнің шығармашыл, көшбасшы болып дамуына жағдай жасай отырып, сенім мен өзара қолдау көрсететін,оқу мен оқытуды жақсартуда мектеп әкімшілігі ең бастысы педагогикалық менеджментпен жан-жақты қарулануы тиіс деп есептеймін. Ал педагогикалық менеджмент –бұл қағидалардың, әдістердің, ұйымдастырылған формалардың, технологиялық әдіс жинақтарының қызметін көтеруге және дамытуға бағытталған педагогикалық жүйелерді басқару тәсілі.Мектебіміздегі білім беру жүйесінің басты міндеттері- ұлттық және жалпыадамзаттық құндылықтар, ғылым мен тәжірибе жетістіктері негізінде жеке адамды қалыптастыруға,дамытуға және кәсіпке үйретуге бағытталған біліммен қамтамасыз ету мүддесімен және заман талабына сай сапалы білім беру арқылы оқушылардың кәсіби қабілетін дамыту жолында жұмыс жасап келеді. Ондағы мақсатымыз – оқушыларымыздың ерекшеліктері мен бейімділіктерін дамытуда, білім беру кеңістігінің мүмкіндіктерін пайдалана отырып, қосымша білім беруді дамыту арқылы әр оқушының бойындағы қабілеттерін толық пайдалануға жағдай жасауда төменде аталатын қағидаларды басшылыққа алып келеміз:

Біріншіден,мектеп басшылығы ұжыммен ауызбіршілікте келіссімен жұмыс істеп, мектепті басқаруда күнделікті оқу мен оқыту процесін бақылап, сараптама талдау жасай отырып  алынған деректер негізінде мектептің мықты жақтарын анықтап, олардың қажеттіліктерін белгілей отырып, бүкіл ұжымның жұмысын ұйымдастыруда ескеруі қажет: кадрларды дұрыс таңдау; мектептің педагогикалық ұжымына басшылық ету; мұғалімдердің кәсіби деңгейін көтеруге жағдай жасау; олардың педагогикалық шығармашылығына жол ашу; оқу тәрбие процессінің барысын, оқушылар білімінің сапасы мен жеке тұлға ретінде дамуын, сыныптан тыс жұмыстың мазмұны мен ұйымдастыруын бақылау;

Екіншіден,оқушыларды мектептің басқару жұмысына тарту арқылы кәсіби қабілетін танытуға бағыттау және дарындылықтарын дамыта отырып, кәсіп таңдауына көмек көрсету. Осы орайда, мектептің өзін-өзі басқару ұйымы оқушыларды түрлі іс-шараларға тартумен ғана шектелмей, тәртіпсіздікті жою жолында жасаған жұмыстары өз нәтижесін көрсеттіп келеді. Ұстаздармен бірге ата-аналар да оқушылардың жеке тұлға болып қалыптасуына ықпал етіп, «Үш таған» жұмысының табысты болуына өз үлестерін қосу;

Үшіншіден, мектепте сапа мен бір мезеттік нәтижені қуалаумен шектелмей, оқушылардың шынайы өмірде тап болатын түрлі жағдаяттарды ұтымды шешуге бағыт-бағдар алып, табысты болуға үйрету керек. Балалар біздің сенімсіздігімізге күш, қателіктерімізге батылдық береді. Олар бізге іздену және зерттеу жүргізу қуанышын, зерттеудің құндылығын басқаларға және басқа заттармен қақтығысқа түсетін барлық жаңа дүниеге ашық болуды ұсынады, соны табыс етеді (Карлина Ринальди). Мұның барлығы оқушыға сапалы білім беруде маңызды орын алары ақиқат.  Бүгінгі таңда жан-жақты, терең білімді, интеллектуалдық деңгейі  жоғары, өмірде өз орнын адаспай табатын, рухани жан дүниесі бай тұлғат қалыптастыра алсақ, бұл – тиімді әрі жүйелі басқарудың нәтижесі деп білемін.Сол себепті «Білім алу қабілеті - көшбасшының ең маңызды қасиеті». – деп Шерил Сандберг те текке айтпаса керек.

Тиімді әрі жүйелі менеджменттің нәтижесінде мектепте кәсіби ұжым мен оқуға арналған қолайлы орта құруды басты назарда ұстауда Билл Оуэнс «Көшбасшылықтың түпкі нәтижесі сөз емес, іс-әрекет», - деген екен. Сондықтан тек мықты директор ғана үздік нәтижелерге қол жеткізетін табысты мектепті қалыптастыруда жұмысты тиімді ұйымдастырып, ата-аналар, оқушылар және білім беру  орталарымен ашық жұмыс жүргізе отырып,мұғалімдерді мектеп әлемін ерікті түрде жақсартатын, өзімен бірге жігерлендіріп, тек басшылық жасамай, шығармашылық тұрғыда шабыттандырушы әрі көшбасшы бола білгенде ғана сапалы нәтижеге қол жеткізуге болады деген ойдамын.

Мақала авторы:..................................