Сабақтың тақырыбы: «Бір шаңырақ астында»Сабақтың мақсаты: тілдің қоғамдағы мәні мен қызметі туралы түсінік беру, тіл дамыту, мемлекеттік тілге деген құрмет сезімдерін арттыру, ынтымақ, бірлікті насихаттау.Сабақтың көрнекілігі: слайдтар, мақал,мәтелдер, кітап көрмесі т.б.Сабақтың түрі: дөңгелек үстелҚатысушылар: 7-11 сынып оқушылары
Сабақтың барысы:Ән «Я казах, в Казахстане я живу». Орындайтын: Бауэр К.Жүргізуші: Сәлеметсіздер ме, құрметті ұстаздар және оқушылар! «Бір шаңырақ астында» атты дөңгелек үстелге қош келдіңіздер! Бірінші сөз кезегі қазақ тілі мен әдебиеті пәндерінің мұғалімі Меруерт Ибрагимовнаға беріледі. («Өзге тілдің бәрін біл, өз тіліңді құрметте» тақырыбына баяндама оқылады.)Жүргізуші: Келесі кезең «Қара өлең» деп аталады. «...Күпі киген қазақтың қара өлеңін Шекпен жауып өзіңе қайтарамын...»-деп ақиық ақын Мұқағали Мақатаев жырлар кеткен еді. Ендеше ортаға тіл, Отан туралы өлеңдер оқуға Франковская Юлия, Покуса Любовь, Московая Анастасия, Аканов Диас шақырылады.Жүргізуші: Қазақстан көпұлтты мемлекет. Республикада жүз отыздан астам ұлт пен ұлыс тату-тәтті өмір сүруде. Еліміз егемендік алған алғашқы жылдары құрылған Қазақстан халықтарының Ассамблеясы тұрақты жұмыс жасап келеді. Халықтар достығының тамаша үлгісін кезінде ұлы ақын Абай Құнанбайұлы, қазақ халқынан шыққан тұңғыш ғалым Шоқан Уәлиханов, алғашқы педагог Ыбырай Алтынсариндер көрсеткен еді. Ортаға 10 «Б» сынып оқушылары Бауэр Кристина, Покуса Олеся, Супрун Елена шақырылады.Жүргізуші: Қазақ елі, қазақ жері небір қиын-қыстау заманды бастан кешірді. Еліміздің болашағы үшін тер төккен азаматтар аз болған жоқ. Солардың ішінде үш жүздің басын біріктірген Төле би, Қазыбек би, Әйтеке билер еді. Қазыбек би бабамыздың туғанына үш жүз елу жыл толғанын еліміз атап өтті. Ортаға 7 «А» сынып оқушысы Светлаков Даниилды шақырамыз. Жүргізуші: «Өлең – сөздің патшасы, сөз сарасы,Қиыннан қиыстырар ер данасы.Тілге –жеңіл, жүрекке жылы тиіп,Теп-тегіс, жұмыр келсін айналасы»,- деп ұлы Абай жырлап кеткендей, сөз кезегін тағы поэзияға берейік. Ортаға 7 «Б» сынып оқушылары Эмгрунт Мария мен Спичак Дарья шақырылады.Жүргізуші: Қазір аздап ойын ойнайық. Мен мақалдың басын айтамын, сендер жалғастырасыңдар:1. Өнер алды - ...2. Жеті жұрттың ...3. Көре-көре ...4. Сөз тапқанға ...5. Ойнап сөйлесең де, ...6. Аңдамай сөйлеген ...7. Тоқсан ауыз сөздің ...8. Жақсының аты өлмейді, ...9. Тіл тас жарады ...10. Айтылған сөз... «Сөздің көркі – мақал», «Мақал-сөздің мәйегі», «Өнер алды – қызыл тіл» деген сөздер қазақ халқының мақал-мәтелге бай екенін көрсетеді. Ортаға 8 «Б» сынып оқушыларын шақырамыз. Жүргізуші: «Сүйемін туған тілді-анам тілін,Бесікте жатқанымда – ақ берген білім. Шыр етіп жерге түскен минутымнанҚұлағыма сіңірген таныс үнім»,-деп ақын Сұлтанмахмұт Торайғыров жырлаған еді.Диалог «Қазақ тілін өзге ұлттардың үйренуі». Орындайтындар: Покуса Олеся мен Аханова АйнураЖүргізуші: «Біздің тіл-өткірлігімен бой балқытып, иамыр шымырлатып, жан-жүйенді жадыратып, құлақ құрышын қандырып, ұғымыңа қонымды, жүрегіңе тиімді, қысылтаяң, қатал жағдайда қайрап, егеп, «сөз тапқанға қолқа жоқ» дегендейін, ерге, елге медет болатын тіл», -деп даңқты атамыз Бауыржан Момышұлы айтқандай, тілді құрметтеу-елді құрметтеу, ұлтыңды қастерлеу болып табылады. Тіл тағдыры өз қолымызда». Ортаға 7 «Б» сынып оқушылары шақырылады. Жүргізуші: «Бүгінгі күні қазақ тілі жан-жақты зерттеліп, уақыт талабына сай ғылыми үлгіде жүйеленді. Қазақ әдеби тілінің даму белестері айқындалды. Қазақ тілі – қазақ тілінің ұлттық игілігі болумен қатар, әлемдік тіл білімі зерттеушілерін қызықтырған көне тарихы бар, кемел тіл ретінде танылуда.Ендеше, бүгінгі кешімізді тілге арналған өлеңмен аяқтайық.
Тілім менің – тағдырым!Тағдырыма алаңдаймын таңды ұрып.Талай сында сан, сан тұрып ...Төрелігі төрге озып дәуірдің,Тереңдігім қалмас енді тартылып!
Тілім менің – қуатым!Тұла бойда туа біте тұнатын,Тума ойға тұғыр болып тұратын.Тектілікті теліп берген тәңірім,Тар қапастан тасты жарып шығатын.
Тілім менің – бағасы жоқ бақытым!Бақытымды күзетеді уақытым,Баламасы бола алмайды ешқашан,Бар әлемнің жинаса да жақұтын.
Тілім менің – Айбыным!Айбыныма қапталдаспа, қайғы – мұң,Айбарыммен аулақтатам тайдырып.Аман тілім, жер бетінде Мен аман,Аспанда аман тұрғанында Ай – Күнім.
Тілім менің – мақтаным!Мақтанышпен жар салатын шақтамын.Маңайыма жыр – сандықты ақтарып,Мың тағзым тілі тірі Ұлтыма,Ұрпағыңның ұяты үшін сақтадың.
Тілім менің – ғасырлардан аманат!Аманатқа адал болсын Қағанат,Ар-намысқа келтірмейік жаманат.Қазақ болып туылдың ба,Ендеше, Өз тіліңді өзгелерге бағалат.
29 Қаңтар 2019
727
0 рет жүктелген
Дайын ҚМЖ. Барлық пәндерден 2022-2023 оқу жылына, жаңа бұйрыққа сай жасалған