"Бұлбұл мен тоқылдақ"

Сабақтың тақырыбы: Бұлбұл мен тоқылдақ. Ш. Смаханұлы.

Сабақтың мақсаты:

Білімділік Оқушыларды балалар жазушысы Ш. Смаханұлының «Бұлбұл мен тоқылдақ.» мысалымен таныстыру. Мысалдың мазмұны мен идеясын меңгерту.

Дамытушылық: Оқушыларды сауатты, мәнерлі, әсерлі оқуға баулу. Шығармашылықпен жұмыс істеуге ықпал ету, ойлау шеберлігі мен сөйлеу мәдениетін дамыту.

Тәрбиелік: Оқушылардың өнерге, білімге деген сүйіспеншілігін арттыру, тәрбиелеу. Адамгершілік, ізгілік қасиеттерін бала бойына ұялату.Табиғатты аялау, табиғатқа жанашырлықпен қарауға баулу

Сабақтың типі: Оқушылардың жаңа білімді меңгеру сабағы.

Сабақтың түрі: Аралас сабақ.

Әдіс-тәсілдері:Түсіндіру, сұрақ-жауап, көрнекілік көрсету арқылы түсіндіру,жарыс.

Көрнекілік: Суреттер. Тоқылдақ, бұлбұл бейнесі,сызба,дидактикалық материалдар

Жоспар:

І. Ұйымдастыру кезеңі

ІІ. Үй тапсырмасымен тексеру

ІІІ. Жаңа сабақ.

ІҮ. Жаңа сабақты бекіту.

Ү. Қорытындылау, бағалау.

ҮІ.Үйге тапсырма.

Сабақтың барысы:

Ұйымдастыру кезеңі: а) Сәлемдесу , оқушыларды түгендеу.

ә) Сабаққа әзірлігін тексеру, оқу құралдарын

дайындау.

Үй тапсырмасымен жұмыс: Әңгімені мәнерлеп оқу, түсінік айтуға дайындалу. «Дельфин» әңгімесін сұраймын.

Оқушылардың білімді белсенді меңгеруге дайындау кезеңі.

Мысалмен берілетін шығармаларда адам бойында кездесетін жаман қылықтар сыналады. Мысал әңгімелер арқылы ақын, жазушылар балаларды сондай жаман қылықтардан аулақ болуға шақырады. сондай жазушы, сықақшылардың бірі - Ш. Смаханұлы. Біз ол кіснің қандай мысалымен таныспыз?

- «Көбелек пен ебелек»

Жаңа сабақ.

Сабақ тақырыбы мен мақсатымен таныстыру.

1. Оқушыларды балалар жазушысы Ш. Смаханұлының «Бұлбұл мен тоқылдақ.» мысалымен таныстыру.

2. Мысалдың мазмұны мен идеясын меңгерту.

«Бұлбұл мен тоқылдақ»

Бұлбұл келіп, бұлқынды,

Тоқылдақты жұлқыды:

«Күндіз де тоқ – тоқ,

Ойпырым– ай, өзің бір

Жан екенсің жақ жоқ!

Сенің тоқылыңнан

Орман жаңғырығып,

Таңертең тұрамыз

Басымыз мәңгіріп...»

Сонда Тоқылдақ

Күлді де сақылдап,

Көрсетті оған бір құртты

Тұмсығымен шоқып ап :

«Бұлбұлмын дейсің,

Дымды білмейсің,

Кезің келді сыналар,

Мен болмасам, мыналар

Жоқ қылмай ма орманыңды?!

Көрер ем

Сонда әнге салғаныңды...

Құрт жеген соң гүліңді,

Жұрт неғылсын үніңді».

Оқулықпен жұмыс

Мысалды рөлге бөліп, мәнерлеп оқыту

Мазмұны мен мағынасын ашу.

Оқушыларға тізбектей оқыту.

Жұмбақ өлеңді түсініп оқы. Шешуін тап.

Алғашқы түбір сөз –

Аспаннан тұрған сорғалап,

Екінші түбір сөз –

Сүт тағамы домалақ.

Екеуін қосып оқысаң,

Жәндік жүрер жорғалап.

Жұмбақтарды шеш.

*Орманда жоғары * Орманда сайрайды

Ағашқа қонады Сайраудан талмайды.

Ағашқа қонады.

Тұмсығын балға етіп

Тарсылдатып соғады.

Топтық жұмыс

Екі топқа бөлініп, қайсысының пікірі дұрыс екенін айтып бер.

Дәптермен жұмыс

Тоқылдақ пен бұлбұл туралы не білесің? Не білетініңді «Күн шұғыласы» суреті бойынша дәптеріңе жаз.

Сергіту сәті.

Күннен, жерден нәр алған
Біз - өмірдің гүліміз.
Бүгіннен басталған
Сәтті болсын күніміз

Сұрақтар мен тапсырмаларды орындау.

Мінездеме бер.

Бұлбұл мен тоқылдақтың суретін сал.

Сабақты қорыту: Біз не білдік? Талқылау.

Үйге тапсырма: Мысалды мәнерлеп оқу. Түсінік айтуға дайындалу.Дәптермен жұмыс.

Оқушы білімі мен белсенділігін бағалау.

Бағалау.Сабақта белсене қатынасқан оқушыларды мадақтау, мақтау және бағалау.

№	Оқушының аты,жөні	Бағасы
1
2
3
4
5
6
7
8
9
10
11
12
13
14
15
16
17
18

-Бүгінгі сабақта не білдік? Не ұнады? ( оқушылардың пікірін тыңдау).

«Қараөзек» жалпы орта мектебі коммуналдық мемлекеттік мекемесі

«Бекітемін»

Мектеп директоры: Қ.Абдуллаев

Ашық сабақ

Тақырыбы:

«Бұлбұл мен тоқылдақ»

Пән мұғалімі: Азиева Толғанай

Пәні: әдебиеттік оқу