Жалпы дамытушы
жаттығулар. Қолды алға, екі жаққа, жоғары көтеру, тұрған қалыпта
қолдарын арқасына апару; саусақтарын бүгіп, қолдарын айналдыра
қимылдауды орындау. Екі қол белде, кезекпен екі жаққа бұрылғанда
екі қолды екі жаққа жіберу. Оңға, солға иілу, еңкею, шалқаю; алға
еңкею, қолдың ұшын аяқтың ұшына
жеткізу.
Негізгі
қимылдар:
Жүру.
Сапта
бір-бірлеп жүру, жүруді жүгірумен, секірумен, басқа қимылдармен
кезектестіру, қол мен аяқ қимылын үйлестіру, бой түзулігін дұрыс
сақтау;
Жүгіру.
Бірқалыпты,
аяқтың ұшымен,тізені жоғары көтеріп жүгіру, 1–1,5 минут ішінде баяу
қарқынмен үздіксіз жүгіру;
Секіру.
Бір орында
тұрып, екі аяқпен секіру (2–3 рет жүрумен кезектестіре отырып, 10
рет секіру), 2–3 метрлік қашықтықта алға ұмтыла қос аяқпен
секіру.
Домалату, қағып алу,
лақтыру. Заттар арасымен доптарды, құрсауларды
домалату. Допты
бір-біріне төменнен лақтыру және қағып алу (1,5 м
қашықтықта). Алысқа
дәлдеп лақтыру (3,5–6,5 м кем
емес).
Еңбектеу,
өрмелеу. 8 м
дейінгі қашықтықта заттар арасымен тура бағыт бойынша төрттағандап
еңбектеу, тақтайда, орындықта көлденеңінен еңбектеу. Табан мен
алақанға сүйеніп төрт тағандап еңбектеу. 50 см жоғары көтерілген
арқанның астынан оң және сол бүйірмен алға еңбектеп кіру,құрсаудан
еңбектеп өту;
Тепе-теңдікті
сақтау. Сызықтар арасымен (15 см арақашықтық),
сызықпен, арқанмен, тақтаймен, гимнастикалық орындықпен, бөренемен
жүру. Басқа қап киіп, заттарды аттап өту, бұрылу. Тепе-теңдікті
сақтау: қолын жоғары көтеріп, аяқтың ұшымен
тұру;
Сапқа
тұру. Қатарға бір-
бірден сапқа тұру.
Музыкалық-ырғақтық
жаттығулар.
Музыкалық сүйемелдеуге сәйкес түрлі
қарқында таныс дене жаттығуларын
орындау.
Спорттық жаттығулар:
велосипед, самокат тебу. Үш дөңгелекті және екі
дөңгелекті велосипед тебу. Оңға, солға бұрылыстарды
орындау;
Дербес қимыл
белсенділігі.
Балалардың доптармен ойындарын
жетілдіру, денешынықтыру құралдарын, спорттық және қимылды ойындар
үшін атрибуттарды пайдалануға ынталандыру. Балаларды педагогпен
бірге жаттығуларды орындауға, қимылды ойындарға қатысуға
ынталандыру. Ауа райының жағдайын ескере отырып, балалардың таза
ауадағы қимыл белсенділігі үшін жағдайлар
жасау.
Сауықтыру-шынықтыру шаралары.
Шынықтырудың
барлық түрлерін жалғастыру. Жалпы және жергілікті су шараларын
жүргізуді жалғастыру: дымқыл шүберекпен сүртіну, аяқтарды, денені
шаю. Тыныс алу жолдарын шынықтыру, жалаң аяқ
жүру. Мәдени-
гигиеналық дағдылар:
1)бұрын
игерген біліктерін бекіту және олардың орындалу сапасын
жоғарылату.
2)
ұқыпты тамақтану дағдыларын, ас құралдарын қолдануды жетілдіру.
Гигиеналық шараларды орындау: жуыну, шашын тарау, қолды сабынмен
жуу, қол орамалды қолдану.
|