“Computer science” пәні бойынша «Python программалау тілі» тарауын ағылшын тілінде оқытудың АВТОРЛЫҚ БАҒДАРЛАМАСЫ

ҚЫЗЫЛОРДА ОБЛЫСЫНЫҢ БІЛІМ БАСҚАРМАСЫНЫҢ ҚАРМАҚШЫ АУДАНЫ БОЙЫНША
БІЛІМ БӨЛІМІНІҢ «№277 МЕКТЕП-ЛИЦЕЙІ» КОММУНАЛДЫҚ МЕМЛЕКЕТТІК МЕКЕМЕСІ

Бекітемін: Әдістемелік отырыста қаралды

№277 мектеп-лицейінің директоры Ғылыми-әдістемелікжұмыстар

.............................. Ж.К.Тлеугабылова жөніндегі орынбасар:

«.......».......................2020ж. .........................С.А Абдуллаева

«.......» .............2020ж.

“Computer science” пәні бойынша

«Python программалау тілі»

тарауын ағылшын тілінде оқытудың

АВТОРЛЫҚ БАҒДАРЛАМАСЫ

2020-2021 оқу жылы

6 сыныпқа арналған

Автор: Дюсембаева Риза

Байқоңыр қаласы,2020ж

Мазмұны

1.Түсінік хат

2. Тақырыптық жоспар

3. Пайдаланылған әдебиеттер

4. Қорытынды есеп

Түсінік хат

Қазіргі жаһанданған, ақпараттың дамыған ғасырында болып жатқан түрлі өзгерістер мен жаңашылдықтар еліміздің экономика саласына да, білім беру жүйесіне де тың ізденістерді енгізіп отыр. Бүгінгі білім беру жүйесі модернизацияланған заманда көп тілді меңгертуге аса назар аударылып, жан-жақты жол ашылған.

Ағылшын тілі - әлемдік бизнес тілі, оны меңгеру - жастарға әлем танудың кілті болмақ. Ағылшын тілін білу — біздің жастарға шексіз мүмкіндіктер ашады. Ол – жаһанданудың кепілі.

Информатика пәнін ағылшын тілінде оқытуда тақырыпқа сай терминдерді видеолар мен мультфильмдер, оңай кинолар арқылы есте сақтауға үйретуге, мәтіндік тапсырмалар, түртіп алу әдістерін пайдалану арқылы оқытуға болады.

Қазіргі кезде аудиоақпарат алмасу, видеоақпарат алмасу, виртуалды аудиторлық тақта,тақырыптық ақпарат енгізілген клавиатуралар, файлды алмасу, көпжақты конференциялар өткізу кеңнен таралған көпке белгілі компьютерлік видеоконференция байланыстың әдістемесіне жатқызылады.

Ақпараттық технология дамыған қазіргі дәуірде күн сайын дерлік ағылшын тілі дүние жүзі халықтарының тілдеріне жаңа сөздер мен ұғымдар арқылы батыл ену үстінде. Сондықтан тиімді әдіс тәсілдерді қолдану арқылы оқыту нәтижеге жеткізеді.

Біз білетіндей, ағылшын тілін пәнге енгізу өздігінен жүрмейді, бірақ арнайы алгоритмге сәйкес қарапайым сөздер мен сөз тіркестерін енгізуден басталады. Біздің жағдайда сабаққа арналған терминдер, академиялық сөз тіркестерін қолдана отырып, үлкен ғылыми мәтіндерді оқып, оларды талдаумен аяқталады. Бұл жағдайда бейімделген орта даму аймағына көмектеседі. Біз негізгі деңгейді қарастырамыз, бірақ бұл әдіс сабақта ағылшын тілін белсенді қолданатын оқушылар үшін де қолданылады.

Мақсаты:

1. Оқушылардың тақырыптар бойынша қарапайым сөздерден үлкен ғылыми мәтіндерді оқып, оларды талдай білуге үйрету және білім көлемін арттыру.

2. Бейіндік-бағытталған сипаттағы ақпарат есебінен сөйлеу құзыреттілігін дамыту.

Міндеттері:

Біліктілік:

• Білім алушылардың сөздік қорын байыту және бекіту, оларды арнайы терминдермен таныстыру, білім алушыларды жаңа лексиканы қолдануда тәжірибелерін нығайту;

• Тақырып бойынша жаңа арнайы лексиканы қолдана отырып, білім алушыларда бұрын алған коммуникативтік құзыреттілік арқылы сөйлеу дағдыларын дамыту;

• Білім алушыларда қажетті ақпаратты ала отырып және мәтіндердің әр түрін, соның ішінде техникалық мәтіндерді толық түсіне отырып, оқу дағдысын, оқығанын өз пікірін жасау үшін пайдалана білу дағдысын дамыту;

Дамытушылық:

• Оқушылардың логикалық ойлауын, есте сақтау қабілетін, зейінін, талдау, салыстыру, әдеби дереккөздермен жұмыс істей білуін дамыту;

• Білім алушылардың шығармашылық қабілетін дамытуға ықпал ету;

• Ауызша сөйлеу дағдыларын жетілдіру, заманауи технологияларды қолдана отырып, материалды айқын және көрнекі түрде ұсыну мүмкіндіктерін дамыту;

Тәрбиелік:

• Білім алушылардың шет тілін үйренуге деген ынтасының деңгейін арттыру.

Күтілетін нәтиже:

Оқу барысында оқушылар келесі дағдыларды игереді:

Коммуникативтік дағдылар:

• ағылшын тілін түсіну;

• қажетті ақпаратты сұрау;

• өз көзқарасын қорғай алу, ымыраға келе білу;

• нақты жауап бере білу;

Зияткерлік дағдылар:

• ақпаратпен және мәтінмен жұмыс істей білу;

• негізгі ойды бөліп көрсетуге және ақпаратты талдауға;

• қорыту және қорытындылар жасау;

• эссе жазу және өз пікірін білдіру;

Практикалық дағдылар:

• компьютер және интернет технологияларын қолдану.

Пән аралық байланыс:

Математика, ағылшын тілі, физика

Ақпараттық анықтама:

Бағдарламаның жузеге асыру мерзімі (жыл)	2020-2021 оқу жылы
Оқыту мерзімі	8 сағат
Жас ерекшіліктері	12-13
Оқушы саны	19
Апта жүктемесі	1 сағат
Жылдық сағат саны	8 сағат

ТАҚЫРЫПТЫҚ ЖОСПАР

2020-2021 ОҚУ ЖЫЛЫ