Екінші кішілер тобына арналған ашық ұйымдастырылған оқу қызметінің технологиялық картасы. "Айна" ертегісі

ІІ кіші тобындағы ұйымдастырылған оқу қызметінің

технологиялық картасы

Мерзімі: 20.02. 2020 ж.

Білім беру саласы: «Коммуникация»

Бөлімі: «Көркем әдебиет»

Тақырыбы: «Айна» (ертегісі) _

Мақсаты: балаларды «Айна» ертегісімен таныстыру.

Міндеттері:

Білімділік: балаларды ертегіні түсініп, мазмұнын мәнерлі айтуға үйрету ;

Дамытушылық: сөздік қорларын молайтып, сөйлеу қабілеттерін дамыту, қызығушылықтарын арттыру;

Тәрбиелік: адамгершілікке тәрбиелеу.

Сөздік жұмыс: керік

Үштілдік компоненет : кірпі – ёж – hedgehog,қоян –заяц –hare,керік –жираф –giraffe

Керекті құрал - жабдықтар: кейіпкерлердің суреттері

Күтілетін нәтиже:

Білу керек: ертегі мазмұнын;

Болу керек: жануарлардың ерекшеліктері, айнадан көрінетін бейне туралы түсінік;

Істей білу керек: сөйлем құрастыра білу, өз ойын толық жасқанбай жеткізе білу, рөлге бөлініп ойнауды.

Тәрбиеші: А. Т. Тусипжанова – Шагирова

Тексерілді: ____________

ІІ кішілер «Балауса» тобындағы :

Таңғы жиын

Тәрбиеші балаларды сылдырмақпен ортаға жинап алады.

Балалардың білетін өлеңдерін (тақпақ) қимылдарын келтіре отырып айтады.

• «Не үшін керек?»

• «Қоян»

Қыс мезгілі туралы бағыттау сұрақтар қою арқылы әңгімелесу:

• Қазір жылдың қай мезгілі?

• Табиғатта не өзгерістер байқадыңдар?

• Қардың түсі қандай?

• Қар неге ұқсайды?

• Тағы неге ұқсайды?

Тәрбиеші: - Бүгін, менің орталығымда болатын балалар, тәжірибе жасап, айна туралы жаңа мағлұмат алатын боламыз, бір жақсы ертегіні сомдаймыз. Ал, Рысгүл апаймен бірге пысырма (печенье) жасайтын боласыңдар. Ал, Сәулеш Каукеновнамен орыс тілі сабағында жабайы аңдар туралы әңгімелесетін боласыңдар.

Таңдау жасату:

• Балалар, енді дөңгелектерімізді таңдап алайық. Жасыл түсті дөңгелекті алған балалар маған келеді. Сары түсті дөңгелек алған балалар Сәулеш Каукеновнаға, ал қызыл дөңгелек алған балалар Рысгүл апайға барады.

Әрбір айналым біткен соң:

• «Қара жорға» биі

• «Мишка косолапый» әнін айту

Сюжетті – рөлдік ойын орталығы

Тақырыбы: «Пысырма жасау» (Печенье)

Мақсаты: Балаларды пысырма жасауға үйрету.

Міндеттері:

Білімділік: қамырды оқтаумен жаюға, түрлі қалыптармен оюға үйрету;

Дамытушылық: ұсақ қол бұлшықеттерін дамыту;

Тәрбиелік: ұқыптылыққа, жауапкершілікке баулу.

Үштілдік компонент: жұмыртқа – яйца – egg (эг), ұн – мука – flour (флоо), қант – сахар – sugar (щу- гәә) , май – масло – butter (баттә)

Қажетті құрал жабдықтар: түрлі пысырмалардың суреттері, 4 – 5 түрлі пысырма түрлері, ұн, май, қант, жұмыртқа, майлықтар, әр балаға алжапқыш, басорамал, жеңше, оқтау, тақтайша, екі тәрелкеге салынған бірнеше қалып түрлері .

Кіріспе әңгіме.

• Балалар, үстелдің үстінен не көріп тұрсыңдар?

• Қалай ойлайсыңдар , біз бүгін не істейміз?

• Дұрыс! Біз бүгін пысырма жасаймыз. Қараңдаршы алдымызда пысырманың неше түрі салынған. Пысырмалар әртүрлі болады. Нан зауыттарында пісірілетін зауыттық пысырмалар, және қолдан пісірілетін пысырмалар болады. Бірақ барлығын да ұннан, майдан, жұмыртқадан жасайды. Ішіне әртүрлі салмалар салынып пісіріледі. Кейбіреулеріне мейіз қосса, енді біріне түрлі жаңғақтар, көкнәр қосады, кейбір пысырмалардың беттерін, қантпен, түрлі пістелермен, ұнтақтармен безендіріп, әдемілейді. Бүгін біз өзіміз қолдан пысырма жасап, пісіретін боламыз.

• Үйде аналарың пысырмалар пісіреді ме?

• Дәмді ме?

• Қалай ойлайсыңдар үйден пісіретін пысырмалар дәмдірек пе, дүкеннен сатып алғандар ма?

• Әрине үйде пісірген пысырмалар дәмдірек! Себебі пысырманы аналарымыз үлкен мейіріммен, сүйіспеншілігімен пісіреді.

• Біз бүгін үгіліп пісетін пысырма (печенье) пісіреміз. Ол үшін бізге 2 жұмыртқа, ұн, май, қант қажет болады. Әуелі жұмыртқа мен қантты қосып толқиды, кейін май мен ұн қосып жұмсақ қамыр илейді. Қамыр орысша қалай болады?

• Енді мына сөздерді өзге тілдерде де айтып көрейікші: жұмыртқа – яйца – egg (эг), ұн – мука – flour (флоо), қант – сахар – sugar (щу- гәә) , май – масло – butter (баттә).

• Тамаша!

Қауіпсіздік ережесін ескерту.

• Біз қалыппен жұмыс жасайын деп отырмыз. Сол себептен абай болуымыз керек. Оқтаумен, тақтайшамен ойнауға, бір – бірімізге сермеуге болмайды. Жұмыс жасап болған соң, орнына қоямыз.

Сергіту сәті:

Барлық орталықтарға бір. «Тышқан» атты сергіту сәті.

Жұмыс барысы:

• Алжапқыштарымызбен жеңшелерімізді киеміз, ең алдымен тақтайшаға біраз ұн себеміз. Енді қамырымызды қоямыз.

• Енді оқтауды алып, қамырдың бетіне қойып, қатты баспай, қамырды жаямыз.

• Қамыр жайылған соң, оқтауды орнына алып тастаймыз.

• Өздеріңе ұнаған қалыпты таңдап алыңдар, енді сол қалыптың өткірлеу жағын қамырдың бетіне қойып, алақанымызбен басып, ойып аламыз. Шеттеріндегі артық қамырларды алып тастаймыз да, дайын пысырманы үлкен тақтайға тіземіз.

• Жұмыстарыңды аяқтасаңдар, қолдарыңды майлықпен сүртіп, қоқыс салғышқа тастаңдар.

Қорытынды:

• Бүгін біз не істедік?

• Сендерге пысырма жасаған ұнады ма?

• Біз пысырманы неден жасадық?

• Маған бүгін сендердің пысырма жасағандарың өте ұнады. Жеп көргілерің келе ме? Онда аспазшы апайларымызға апарып, пешке пісіртіп алайық.

Жұмыс барысында:

• Балалармен ҰОҚ бойы тақырып төңірегінде әңгімелесіп отыру

• Тақырып төңірегінде сұрақтар қоюды ұмытпау

• Көмек керек балаларға бағыт беріп , көмектесіп отыру (балаларға өздігінен жұмыс жасауға мүмкіндік беру, балалар үшін олардың орындарына ештеңе мүмкіндігінше жасамау)

• Жұмыс соңында келесі айналымда келетін балаларға жұмыс орындарын тазалап, әзірлеп кету.

№ 6 «Балауса» тобы

20. 02. 2020 жыл

Көркем