Елбасы мақаласы-«Рухани жаңғыру» ел жастарына арналған

Елбасы мақаласы-«Рухани жаңғыру»

ел жастарына арналған

Елбасымыз Нұрсұлтан Әбішұлының «Болашаққа бағдар: рухани жаңғыру» атты жаңа мақаласын оқып, болашаққа бағдарланған соңғы өзгерістермен таныстым. Өз басым ұлттың руханият­тың жаңғыруы бастал­ға­нына ерекше қуаныштымын. Себебі, бүгінгідей жаһандану жағдайында бұл бастаманың маңызы ерекше.

Қазіргі таңда Қа­зақ­стан халқы әлем жұрт­шы­лығы сияқты жаңа тарихи үдерістің табалдырығында тұр. Мақалада баяндалған біраз жайттар «Қазақстан-2050» стратегиясы қалыптасқан мемлекеттің жаңа  саяси бағыты» жолдауында көрсетілген болатын. Мемлекет басшысы онда ұлттық рухани жаңғырудың басымдықтарын атап көрсетті. Қоғамның әрдайым даму үстінде болатындығын ескере отырып, оның екі бағытта: прогресті және регресті сипатта жүретін­дігін естен шығар­мағанымыз абзал.  Мемлекеттің ұзақ уақыт өмір сүріп, тамырын тарих катпарларына тереңінен жіберіп, алтын әріппен, өшпестей етіп атын қалдыру үшін, ең алдымен біртұтас ұлттық сананы ка­лып­тастастыруымыз қажет. Әлемді шарпыған жаһандану кезеңінің талаптарын ұлтымыздың менталитетімен қиыстыра отырып, ұлттық кодымызды сақтап, өз болмысымызды жо­ғалтпауымыз және бәсекеге қабілетті болу, білім мен ғылымға айрықша мән беруіміз керек. Жаһандану мен неолиберализм үрдістері, өркениеттер тайталасы шарықтаған заманда халықтың  халық болып қалуы, мемлекет іргесінің беріктігі осындай кешенді қадамға байланысты болмақ. Бұл тұрғыда «Болашаққа бағдар: рухани жаңғыру» мақаласының көтерген жүгі ауыр. Елбасының мақаласында айрықша атап көрсетілгендей, оның барлығы бізге, яғни ел жастарына арналған. Сондықтан елдігімізді нығайтуға бағытталған маңызы жоғары құжатта көрсетілген міндеттерді орындауға елімнің патриоты ретінде бар күш-жігерімді жұмсаймын. Рухани жаңғыруы бүгінгі заман талабы екенін естен шығармайымыз керек.