Электронды темекінің химиялық қоспалары ҚМЖ

Қысқа мерзімді жоспары

Педагогтың аты-жөні

Сатжанова Изаура Женисовна

Күні

25.11.2024ж.

Сыныбы: 8

Қатысушылар саны

Қатыспағандар саны

Сынып сағаты тақырыбы:

«Электронды темекілердің химиялық құрамы»

Қауіпсіздік сабағы (10 минут) 13 сабақ

Саяхат кезіндегі төтенше жағдайлар (өрт, жер сілкінісі, су тасқыны)

Сабақтың мақсаты:

Электронды темекінің ағзаға тигізетін кері әсерін және одан туындайтын ауру түрлерін айта отырып, зиянды әсерін ашу. Шылым шегудің зиянды жақтарын аша отырып, одан жиіркенуге тәрбиелеу. Салауатты өмір салтын қалыптастыру, жат қылықтан аулақ болуға баулу.

Сабақтың жабдықтары

Интерактивті тақта, компьютер, презентация, тақырыптық суреттер, т.б. көрнекіліктер

Апта дәйексөзі

«Тәннің ләззаты саулығында,

Жанның ләззаты білімінде!»

Құндылықтарды дарыту

Баланың жан - жақты өз елінің, халқының қамын ойлайтын, ата - анасын, жора - жолдасын сыйлай білетін, салауатты өмір салтын ұстанатын азамат тәрбиелеумен қатар, ұлттық тәрбиені насихаттау.

Сабақтың кезені/ уақыт

Педагогтың әрекеті

Оқушының әрекеті

Ресурстар

Сабақтың басы

5 минут

• Оқушылармен амандасу

• Оқушыларды жаңа оқу жылымен құттықтау

• Oқyшылaрдың зeйiнiн caбaққa аудару.

• Сабақтың тақырыбы мен мақсатын хабарлау

ҚР Мемлекеттік Гимнін орындау

І. Ұйымдастыру кезеңі:

Мұғалім сөзі:

Жастар арасында вейп шегетіндердің саны күн сайын артып келеді. Әсіресе оқушылар мини-кальяндарға қатты қызығады. Өйткені вейп темекі секілді емес, одан хош иіс шығады. Никотин де қосуға болады. Бірақ сол хош иістің өзі өте қауіпті.

Бұл құрылғы ингалятор секілді. Ішіндегі сұйықтық қайнағанда бу шығады. Сұйықтықтың құрамында бірнеше зат бар. Олар:

♦ Глицерин;

♦Пропиленгликоль (Е1520);

♦Хошиістіқоспалар;

♦ Никотин (кей кезде қосылмайды).

Вейперлер электронды темекінің зияны жоқ деп ойлайды. Себебі оны шеккенде шайыр бөлінбейді. Дегенмен Беркли университетіне қарасты Лоурен атындағы ұлттық зертханамамандары вейпте уытты заттардың бөлінетінін анықтады. Буда 31 қауіпті зат болады. Оған қоса, хош иісті сұйықтықты көп жағдайда қолдан жасайды. Содан бағасы да арзан. Ал аккумулятор қызып тұрғанда канцерогенді заттардың мөлшері көбейеді. Аккумулятор жарылып кетуі де мүмкін.

Ғалымдардың зерттеуіне сәйкес, уытты химикаттардың бірі – диацетил. Ол хош иістендіргіштердің 75 процентінде болады. Оны тамақ өнеркәсібі де пайдаланып жатады. Бірақ деммен ішке көп тарта берсе, өкпеде қабыну процестері басталады. Бронхшалартрылады, тыртықтарпай да болады. Жалпы уытты заттардың әсері аз емес. Олар:

♦Пропиленгликоль ағзада жиналып, аллергиялық реакцияларды қоздырады. Бауырмен бүйрекке зиян тигізеді;

♦Пропиленгликоль мен глицерин ыдырғаннан кейін акролеин мен формальдегид қалады. Акролеин көздің шырышты қабығына әсер етсе, формальдегид жүйке жүйесіне салмақ түсіреді;

♦ Никотин қатерлі і сікауруына әкеліп соқтырады;

♦Құрамында никотині бар буды көп жұта берсе, адамның жүрегі айниды, басы айналады. Ас қорыту жүйесі бұзылып, іші өтеді.

♦ Ал бір вейпті бірнеше адам қолданған жағдайда гепатит, туберкулез сияқты аурулар таралуы мүмкін. Жүкті әйелдерге, аллергиямен ауратындарға және кәмелет жасқа толмаған балаларға вейп шегуге болмайды.

1.Мұғаліммен амандасады.

2.Сабақтың тақырыбы және мақсатымен танысады.

3. Гимн орындалады

Оқушылар сұрақтарға жауап береді

Интерактивті тақта, компьютер, презентация, мерекеге орай көрнекіліктер

Интерактивті тақта, компьютер, презентация, мерекеге орай көрнекіліктер

Слайдтар

Сабақтың ортасы

30 минут

ҮІ. Бейне ролик көрсетіледі. Вейптің зияны

V. Постармен жұмыс: 

Оқушылар бейнебаянды көре отырып, постермен жұмыс жасайды.

А4 немесе дәптерлер, маркерлер

Қауіпсіздік сабағы 10мин

Қауіпсіздік сабағы (10 минут) 13 сабақ

Саяхат кезіндегі төтенше жағдайлар (өрт, жер сілкінісі, су тасқыны)

Апат - бұл адамның өзі күтпеген іс-әрекеті, зілзала немесе әлеуметтік қиыншылық, олар адамдардың үлкен тобы тіршілігінің бұзылуымен, қаза болуымен немесе өмірі мен денсаулығына төнген қауіппен және айтарлықтай экономикалық және экологиялық залалмен сипатталады.  
Апаттар көлемі мен түрлері бойынша жіктеледі.  
Көлемі бойынша: кіші, орта және үлкен.  
Көлемді анықтау кезінде өлшөм үшін екі көрсеткіш алынады: зардап шеккендердің жалпы саны немесе емделуге мұқтаждардың сан апат салдарының әсеріне ұшыраған аумақ.  
Түрлері бойынша барлық апат екі топқа бөлінеді:  
- табиғи (олар табиғи және стихиялық зілзала);  
-жасанды (антропогендік, яғни адамдық факторлардан туындайды).  
Табиғи:  
1. Метеорологиялық (боран, дауыл, циклон, қарақұйын, қатты  
ыстық, құрғақшылық аяз, найзағайдан болған өрт).  
2. Тектоникалық және теллурлық (жанартаудың атқылауынан  
болған өрт, жер сілкінісі).  
З.Топологиялық (сел, сырғыма, қар көшкіні, тастың құлауы, су басу).  
4. Космостық (метеориттердің және басқа космостық денелердің құлауы, олармен соқтығыс).  

Өрт сөндіру қызметін шақыру үшін неге«101» нөмері таңдалынып алынған?(себебі, ол-қарапайым, әрі оңай. Есте сақтауға жеңіл. Екіншіден, ол қысқа,қараңғы жерде де теруге ыңғайлы.)

-Өрт сөндіру қызметін шақыру кезінде 101-телефоны арқылы қандай ақпараттар беру қажет?

(өрт болған нысанның орналасқан мекен-жайын, өрттің шығу орны мен өзінің фамилиясын дереу хабарлау қажет)

Жер сілкінісі кезінде ғимараттың төбесіне көтерілуге, баспалдақ алаңдары мен баспалдақтарға жиналуға болмайды. Егер сіз үйде болсаңыз, жазу үстелінің немесе асхана үстелінің астына жасырыныңыз. Бір қолыңызбен үстелдің аяғынан ұстап, екінші қолыңызбен мойын мен басыңызды жабыңыз. Жер сілкінісі кезінде үстел алыстап кетпеуі және қорғаныссыз қалмау үшін үстелдің аяғын ұстап тұру маңызды. Ішкі есіктің орнында немесе бөлменің бұрышына тұрыңыз. Құлаған үйінділерден сақ болыңыз. Салбырап тұрған балкондардан, карниздерден аулақ болыңыз, үзілген сымдардан сақ болыңыз. Жер сілкінісі кезінде шкафтар, теледидарлар, микротолқынды пештер, тоңазытқыштардың құлап кету қаупі жоғары. Олар, мысалы, басыңызға құлап, сізді мерт қылуы мүмкін. Сондықтан аулақ болыңыз.

Слайдтар

Сабақтың соңы

10 минут

Лұқпан хакімнен «Өмірде байлық қымбат па, жоқ даңқ қымбат па?» деп сұраған екен. Сонда ол «Байлық та, даңқ та адам баласын бақытты ете алмайды. Біле білсеңдер, ауру ханнан дені сау қайыршы бақытты. Ал бақыт дегеніміз не? Әрбір адам өзінің күш — жігерін халқына, өз еліне, ұрпақ тәрбиесіне жұмсап ақылды, парасатты және денсаулығы зор болса ғана бақытты» деген екен.

Яғни, адам бақытты болу үшін оған денсаулық керек, ал денсаулықтың кепілі салауаттылық. «Тіршіліктің негізі – салауатты болашақ» деп бүгінгі тәрбие сағатымызды аяқтаймыз

Оқушылар өзіне, Отанына, мектебіне, ұстазына деген жылы тілектерін арнайды.

Стикерлер