Ертеңгілік : "Қонақ күту рәсімі"

МКҚК №2 «Жанар» балабақшасы

Бекітемін

Әдіскер Аймағанбетова С.К.

Наурыз мерекесіне арналған мерекелік іс-шара

Тақырыбы: «Қонақ күту» рәсімі

Өткізген №9 «Ақкөгершін» тобының

тәрбиешісі Байдекешова Н.С.

2021 оқу жылы

Жүргізуші: Армысыздар, халайық!

Бармысыздар, халайық!

Наурыз тойын жұп жазбай,

Жылда қарсы алайық!

Мереке Наурыз жыл басы,

Наурыз тойы құтты болсын!

Құрметті қонақтар тағы да Наурыз тойы құтты болсын.Дендеріңіз сау,отбасыларына аманшылық,еліміздің несібесі көп болсын! – деп бүгінгі №3 ортаңғы тобының қонақты күту рәсмі атты мерекемізге қош келдіңіздер! Ендеше кезекті балалардың Наурыз туралы көркем сөздеріне береміз.

Тақпақ:

1. Уа, ағайын халайық ,

Мұнда назар салайық. Аружан

Мерекесі халықтың ,

Наурыз тойын бастайық!

2. Наурыз бұл мереке ,

Құтты болсн мереке. Алихан

Қыдыр ата келсін ,

Жақсы тілек әкелсін.

3. Наурыз тойы тамаша,

Наурыз тойы жанаша. Ұлданай

Табиғатта тамаша,

Тамшылап тұр жараса.

Жүргізуші: Жарайсыңдар балалар !

Балалар бізге қонақтар келе жатқан сияқты, мен әдемі әннің әуенін естіп тұрмын.

Ортаға Ата мен Әже келеді.

Балалар жүгіріп шығып амандасады.

Ата мен әженің қолына су құяды. Төрге отырғызады.

Жүргізуші: Ата, әже қош келдіңіздер! Бүгін біздің балабақшада Наурыз тойы тойланып жатыр еді, қазақта жақсы сөз бар ғой: «Жақсы қонақ келсе, қой егіз туар» - деп, міне сіздерде жақсылыққа келдіңіздер . Біздің балаларымыздың өнерін тамашалаңыздар.

Тақпақ:

4. Жыл басы Наурыз мереке,

Ақ нұрға әлем боянды. Мөлдір

Наурыз тойы береке

Тіріліп жаңа оянды.

5. Наурыз жауын, наурыз сән,

Әсем әуен, сазды ән. Маржан

Ата- әже қыдырған,

Жасыл желек , көк аспан.

6. Көктем, Көктем, көктемде,

Құстар келіп жеткенде. Раяна

Біз қуанп қаламыз.

Әсем әнге саламыз.

7. Наурыз тойы-береке,

Құс келіп жер көгерсе. Мұхаммед

Салтанатты сәніміз,

Наурыз шаттық әніміз.

Жүргізуші: Ата,әже, бізге Наурыз туралы бір кішкене түсінік берсеңіздер.

Ата, Әже айтады . Наурыз туралы.

Ән: «Көктемде».

Жүргізуші : Енді осы қонақ туралы айтып өтсеңіздер.Бүгінгі тақырыбымыз қонақ жайында болып отыр еді.

Ата, Әже: Қонақтар әр түрлі болады.Қонақ күту туралы, түрлерін атап түсіндіреді.

Би: «Қамажай».

Ойын: «Арқан тарту».

Келесі кезекте «Дастархан» әнін қабыл алыңыздар.

Жүргізуші: Ал енді Ата біздерге бата беріңіз.

Осымен біздің қонақ күту рәсімі атты мерекеміз аяқталды.Қанекей балалар, келген қонақтарымызды дастарханымызға шақырайық.

Келген қонақтарымызға сөз кезегін берейік.