Білім кілті –кітапта. Эссе

Мен бұл эссе жазу барысында көп ойландым.Иә,шынында да, білімнің кілті кітапта екендігін дәледеуім қажет деп ойладым. Елбасымыз Н.Ә.Назарбаев «Қазақстанның болашағы- білімді ұрпақтың қолында» деп бекер айтпаса керек. «Оқусыз-білім жоқ,білімсіз-күнің жоқ» деген мақал да осы күнге дейін өз мәнін жоймады.Біздің ұлы дана бабаларымыз Ыбырый,Абай, Ахмет, Міржақып,Мағжан аталарымыз бізді білім алуға,оқуға шақырған қаншама өлеңдеріне үңіле отырып,қайталап оқи отырып, мен осыны түсінгендеймін. Мен 4 сыныпта оқысам да, оқу мен білімге шақырған өлең-жырларды оқып,есімде сақтауым керек деп ойладым.Ыбырай атамыздың «Кел,балалар,оқылық!» , Ахмет атамыздың «Оқуға шақыру» өлеңдерін оқу барысында көп ойланып, мағынасын түсінуге тырыстым. Қазіргі заман ғылым мен техниканың дамыған заманы ғой.Осы заманда өмір сүру үшін білімді басты орынға қоямын.Мен Абай атам туған елде білім алып жатқандықтан: Абай атамыздан Құнанбай әкесі көп үміт күткен-ді. Оның зеректігін байқағаннан кейін, 10 жасқа толған соң, Семейдегі Ахмет-Риза медресесіне береді. Онда араб, парсы тілдерін үйреніп, дін сабақтарын оқумен қатар, Низами, Науаи, Сағди, Хафиз, Физули, тағы басқа  шығыс классиктерінің шығармаларымен танысады. Медресенің үшінші жылында Семейдегі «Приходьская школаға» түсіп, онда 3 ай оқиды.Осы жол аралығында ол Семейге бару үшін атпен 2-3 күн жүретіндігін оқып білдім. Білімнің соншалықты қажеттігін түсіндім.Кітап оқу арқылы адамның көзі ашылып,көкірегі оянады. Білімді бала әруақытта өз достарының алды бола алады. Болашаққа нық қадам басу үшін де білім керек.Сондықтан да мен «Білім кілті- кітапта» деген ұстанымды ұстанамын.

Ебінов Жанарыс 4 сынып оқушысы

«С.Бекбосынов орта мектебі»КММ

Архат ауылы,Абай ауданы,ШҚО