Жасанды интеллект (ЖИ) мұғалімді ауысыра алады ма?

Жасанды интеллект (ЖИ) 21 ғасырда технологияның ең маңызды және ең жылдам дамып келе жатқан салаларының біріне айналды.Жасанды интеллект медицина, қаржы, автомобиль өнеркәсібі, білім беру, маркетинг және т.б салаларда сәтті жүзеге асырылуда, бұл оны экономикалық және әлеуметтік дамудың негізгі факторларының біріне айналдырады.

Жасанды интеллект (ЖИ ) мұғалімдерді алмастыра ала ма деген сұрақ көп пікірталас тудырады. Мен бұл мәселенің екі жағында да қарастырып көрейін.

Біріншіден,білімге қолжетімділік: ЖИ онлайн курстар мен жекелендірілген сабақтарды ұсыну арқылы білім беруді қолжетімді ете алады. ЖИ басқаратын цифрлық оқыту платформалары интерактив сабақтарды және білім беру ойындарын қоса алғанда, білім беру мазмұнының кең ауқымын ұсынады. Бұл платформалар оқуды қызықтырақ және қолжетімді ете алады, балаларға пәндерді терең және өз деңгейімен зерттеуге мүмкіндік береді. 

Машиналық оқыту алгоритмдері оқу тәжірибесін жақсартатын әр оқушының жеке қажеттіліктеріне сәйкес оқу жоспары мен оқыту әдістерін бейімдей алады. Жасанды интеллектпен жұмыс істейтін білім беру құралдары балалардың жеке оқыту мәнеріне, қабілетіне және қарқынына бейімделе алады. Виртуал репетитор үй тапсырмасы бойынша көмекші бола алады.

Дегенмен,адамдық аспектіні ЖИ алмастыра алмайды. Мұғалімдер тек білім беріп қана қоймайды, сонымен қатар оқушылардың әлеуметтік және эмоционалдық дағдыларын дамытуда маңызды рөл атқарады. Жасанды интеллект оқудың бұл мүмкіншілігін толығымен алмастыра алмауы мүмкін.

Ал сыныптағы түрлі жағдаятар ше? Мұғалімдер оқытуды жекелеген оқушылардың қажеттіліктеріне бейімдеу арқылы сыныптағы жағдайларға тиімді жауап бере алады, ал ЖИ аз икемді болуы мүмкін.

ЖИ-ні білім беруге енгізу деректерінің құпиялылығына, алгоритмдердің әділдігіне және т.б. байланысты бірқатар сұрақтарды тудырады.

Тұтастай алғанда, жасанды интеллект білім беруді жақсарту үшін көптеген мүмкіндіктер ұсына алатын болса да, мықты мұғалімдерді ауыстыра алмайды.   Себебі, нағыз ұстаздың негізгі қызметі тәлім-тәрбие беру және сол пәнге деген шәкіртінің қызығушылығын ояту. Бұл тек адами қарым-қатынас кезінде пайда болады.