Эссе жазу арқылы тіл дағдыларын дамыту

Қазақ әдебиеті

Мұғалімі: А.И.Ахметжанова

Уақыты:

Сыныбы: 10

Сабақтың атауы

Эссе жазу арқылы оқушылардың тілдік дағдыларын дамыту

Мақсаты

Тыңдалым, айтылым, жазылым стратегияларының дағдыларын жазба жұмыстар арқылы іске асыру жолдарын көрсету.

Көрнекілігі

Ресурстар:cpm.kz сайтындағы материалдар, http://www.bilimland.kz бейнефильм,оқушылар жұмысы, мұғалімнің сабақтарынан алынған үзінділер

Топқа бөлу

Түрлі түсті қағазға жазылған тақырыптар арқылы бөлу

Ынтымақтастық атмосферасын қалыптастыру

«Мейірімділік» тренингі.
- оқушылар «мейірімділік» сөзі туралы өз ойларын айтады
- сурет салады
өз ойларын ортаға қорғайды

Сабақтың барысы

Мұғалімнің іс-әрекеті

Оқушының іс-әрекеті

Үй тапсырмасын сұрау

Қызығушылықты ояту

Үй тапсырмасынан басталады.

Тыңдалым бойынша өткен сабақта сіздерге: Эссе дегеніміз не? Ол қалай жазылу керек? Өзіңіз қалаған тақырып жаныңызға жақын ба? деген түсініктер тыңдалым арқылы түсіндірілді.Үйден төмендегі тақырыптар бойынша жазылым, айтылым дағыларына сүйене отырып эссе жазу жұмысы берілді.

1. « Жүрегімнің жарық жұлдызы – Ана»

2. «Ана – өмірдің нұры»

3. «Ұстаз – ұлағатты есім»

4. «Менің арманым»

Енде, балалар, жазылым стратегиясының мына дағдылары бойынша эссені қалай жаздыңдар? Әр қайсың өз жұмыстарың туралы ой бөлісіңдер.

Жазар алдында мен ...

• менің орындайтын тапсырмаларды түсінетінімді тексере аламын;

• жазуда пайдалануға болатын идеяларды жазып ала аламын;

• өз идеям мен ойларымды білдіру үшін қажетті жоспар әзірлей аламын;

• жазу кезінде қолдануға болатын грамматикалық құрылымдарды(шақ,шылаулар, үстеулер, сын есімдер) ойластыра аламын.

Жазып отырғанда мен...

• сөздікті пайдалана аламын;

• синонимдерді келтіре аламын;

• жазылып қойған сөйлемдерге қайта оралып, оларды тексере аламын;

• жұмыстың шимай нұсқасын жазып, оны түзете аламын.

Жазып болғаннан кейін мен...

• жазған шығармамды дауыстап оқып шыға аламын (оның қалай естілетінін талдай аламын;

• грамматикалық құрылымдардың дұрыс қолданылуын (шақ, бастауыш пен баяндауыштың үйлесімі, сауаттылығыт.б.) тексере аламын;

• шығармаға тағы қандай әдемі сөздер мен сөз тіркестерін қосқым келетінін ойластыра аламын;

• қажет болса, жұмысқа өзгерістер енгізе аламын.

Міне , балалар, сендер жазар алдында, жазып отырғанда, жазып болғаннан кейінгі іс – әрекеттеріңді өз бойларыңа қалай қалыптастырғандарың туралы айтып өттіңдер. Енді осы әрекеттеріңді айтылым стратегиясының дағдылары бойынша жазған эсселеріңді оқып талдап шығыңдар.

( бірнеше оқушының эссесінен үзінді оқыту)

Сөйлер алдында мен...

• дыбыс /бейнежазбаны тыңдап/ қарап, дикторлардың сөйлеу мәнеріне еліктей отырып, сөз сөйлеп, дауыс ырғағын тексере аламын;

• мен сөйлесетін адам туралы ойлай аламын;

• барлығы жақсы болатынына өз – өзімді сендіре аламын;

Сөйлеу барысында мен...

• қарапайым сөз тіркестерін қолдана аламын;

• сөйлеушінің айтқан сөзін басқаша жеткізе аламын;

• дұрыс екендігіне сенімім жоқ пікірлерден аулақ бола аламын,

• жанымдағы адамнан көмек сұрай аламын;

• «ммм», «мен не айтайын деп едім?», «білесіз бе?» сияқты одағай, қаратпа сөздер мен сөз тіркестерін пайдалана аламын;

• мүмкіндік болса, дайындық жасап, өз сөзімді жазамын немесе қайтадан жаза аламын.

Сөйлегеннен кейін мен..

• жаңа сөздер мен ұғымдарды теріп жазып, іштей айтып, қайталай аламын, келесі жазба жұмыстарымда қолдана аламын.

• керібайланыс жасап,сөйлеген,сөйлескен, тыңдаған адамның пікірін сұрай аламын;

Мағынаны тану

Бағалау

Сабақты қорытындылау:

Бағалау парақшаларымен жұмыс. Әркім өзіне ұнаған эссені алып, «Екі жұлдыз, бір тілек» жазып пікірін білдірсін.