Эссе Мамандығым мақтанышым!

С.Сатыбалдин атындағы жалпы білім беретін мектеп

«Балауса» шағын орталығы

«Мамандығымды мақтан етемін»

Эссе

Дайындаған: Мубаракова Балжан Негматулловна

Қызылқоғам ауылы

2018 жыл

Мамандық – адамның белгілі бір қызмет атқаруына мүмкіндік беретін материалдық не рухани өндірісте алған білімі мен өмірлік дағдысының жиынтығы.Сол өмірлік дағдысының жиынтығын мен бала тәрбиесіне арнадым.

Баланың жүрегі ақ қағаздай тап таза. Сол ақ қағазға мейірімділікті, сыпайлықты, тәртіптілікті толтырып жазу үшін, мен қолыма қаламды алдым. Сол қалам арқылы балалардың жүрегіне жол табу үшін тәрбиешінің мамандығын таңдадым.Жаңа заман баласы ертеңгі еліміздің болашағы.Жаңа заман баласын қалыптастырып, дамыту үшін, тұлғаның ішкі дүниесі мен оның қыр сырын анықтап, мүмкіншіліктері мен қабілетінің дамуына жағдай туғызуға тиістіміз.

Мамандықтың жаманы жоқ, бірақ мұның кез -келгенніне икімділік керек, бұл жай күнелту, тамақ асыраудың жолы ғана емес, үлкен өнерді, зор шеберлікті қажет ететін нәрсе.Кей кезде мамандық таңдау ережесін білмегіндіктен өзі қызықпайтын мамандық таңдайды.Осыдан өз мамандығына қанағаттанбаушылық, реніш сезімдері болып, тіпті алдарына жоспар құрғысы келмейді.Әрбір адам өзін-өзі дамыта алу үшін білім алып, сол біліміне сай мамандыққа машықтану керек.

Дүние алдында жаңа ашылып келе жатқан кішкентай адам тәрбиеші арқылы өмірді танып-білетінін ешқашан ұмытуға болмайды. Ата-аналарды да тәрбиеші өзінің әрбір қылығымызбен тәрбиелейміз.Осы орайдағы ең күшті көмекші құралымыз әрбір адамның рухани азығының қайнар бұлағы- халықтың қағидалары мен ұлттық салт-санасы.

Ұлттық болмыс арқылы баланың дүниетанымын кеңейту, өз бетімен әрекет жасауға, сөздерді дұрыс айтуға ұмтылдыру.

Тәрбиеші мамндығының міндеті- баланы ізденіске құлшындыру, алған ұғымдарын есте сақтауларына, бір-біріне деген сыйластықты қалыптастыру. Ол үшін тәрбиеші әрбір баланың тұлғалық ерешеліктерін біліп, тұлғалық даму жағдайын бақылау бағдарламасын жасап, зерттеуі керек.

Қоғамдағы қазіргі даму кезеңінде балабақшаларда білім беру жүйесінде оқыту, тәрбие беру үрдісінң технологияландыру- басты мәселенің бірі. Кез келген оқыту технологиясы тәрбиешіден терең теориялық, психологиялық, педпгогикалық әдістемелік білімді, педагогикалық шеберлікті, балалардың жан дүниесіне терең үңіліп, оны ұғына білуді талап етеді. Адамға ең бірінші білім емес тәрбие берілуі керек. Тәрбиесіз берген білім- адамзаттың қас жауы. Балабақша- ол сүйкімді, ақылды, көңілді, мейірбан, шулы тамаша балалар әлемі. Осы балабақшадағы тәрбиеші мамандығының жұмысының бәрі- балалардың өсіп, демалулары үшін жасалады. Ата-аналар біздің жұмыстағы басты көмекшіміз және біз оларға көмектері үшін алғысымызды білдіреміз.

Балабақша - ол отбасы. Әр тату отбасындағыдай бізде де өзіміздің дәстүрлеріміз бар.

Балабақшаның даму бағыты: Мектеп жасына дейінгі балалардың шығармашылық қабілеттерін дамыту.

Бұл мамандықпен жайқалған, гүлденген, іргесі, нақ бекіген болашағымды көре аламын. Буыны қатпаған жас жеткіншектерді жетілдіру үлкендер мына біздердің парызымыз. Саналы да зиялы және білімді буындарды биіктету біздің қолымызда. Елімнің арқасы асқақ, мерейі үстем болуына азда болса өз үлесімді қосып жатсам, ол мен үшін үлкен абырой.