Эссе Менің басшым

Менің басшым.

Адам баласы бастық болуды армандайды, бірақ бастық болудың астарында қандай өзгешіліктердің бар екенін көңіл бөлетіндер аз келеді. Бастықтың негізгі қызметі - жұмысшыларын ынталандырып, солармен қатар бір мақсатқа жету. Яғни, басшы мен ұжымдағы әріптестер ойларымен қоса істерімен сай болу керек. Осындай әрекеттерге жету үшін, басшыларымызда мына төмендегі қасиеттер басым болуы тиіс деп ойлаймын:

• Өз ісіне деген жауапкершілік. Қарапайым жұмысшы болсын, басшы болсын, бұл қасиет барлық қызметкерлерге тән болуы керек деп санаймын. Себебі, мектептің ұстазы немесе шәкірттеріміздің жетістігі, ол- басшымыздың мерейі. Мектебіміздің бір үлкен нәтижеге жетуі басшының жауапкершілігіне тікелей байланысты.

• Қызметкерлерімен тіл табыса білу өте маңызды. Бастық қарамағындағы әр жұмысшының бабын таба алатын болса, қарым –қатынастары нығайып, жұмыстың жүруі тиімді және аз уақытта орындалатын болады. Кімде кім болсын адаммен тіл табысу үшін жұмыс туралы ғана емес, сол адамға қызық дүниелер туралы, сол адамға қатысты мәселелер туралы да сұрап, әңгімелесу қажет. Сол кезде ғана жұмысшының бастығына деген сенімі артып, жұмыс барысындағы түсініспеушіліктер азаяды, себебі жұмысшы бастығымен бір деңгейде сөйлесіп, өз ойын еркін жеткізіп айтатын болады деп есептеймін.

• Тағы бір бастыққа қажетті қасиет -шешендік өнер. Басшы әріптестеріне өз ойын, мақсаттарын дұрыс жеткізу үшін және сол жеткізген ақпаратына сендіре алу үшін мәдениетті сөйлеумен қатар, шешендік өнерін жетілдіру керек. Осы қасиеттерге ие болған жұмысшыға бастық болу аса қиындыққа соқпайтыны анық.

Басшылық - ол үлкен жауапкершілік. Иә, қолына алған ісін нәтижелі ету үшін ертелі кеш еңбек етіп жұмысты кемшіліксіз атқару жолында бар қажыр –қайратын төккен адамды еңбекке өзін –өзі салған адам деп емес, керісінше оны «істің адамы» , «өз ісінің хас шебері» деп санаймын.