«Ғажайып білім әлемі »

Сабақтың тақырыбы: «Ғажайып білім əлемі »
Мақсаты: Сандарды санау, салыстыру, геометриялық пішіндер туралы білімдерін
бекіту, ойлау қабілеттерін, қиялын, есте сақтап түсіну, сұрақтарға толық жауап беру
дағдысын қалыптастыру.Балалардың білімге деген қызығушылығын арттыру, бірлікке,
татулыққа тəрбиелеу.

Көрнекіліктер: Буратино, математика, жұмбақтар, мақал- мəтел, жаңылтпаштар
аялдамасы, геометриялық пішіндер, үйшіктер.

Балалар қараңдаршы , бізге қонақтар келіпті, қане алдымен сəлемдесіп алайық.

Балалар шаттық шеңбер құрып амандасады

Бəріміз енді тұрайық,

Үлкен шеңбер құрайық

Жақсы – жақсы сөздерді,

Қонақтарға сыйлайық!

Табиғат біздің анамыз,

Табиғатқа баламыз.

Иіліп сəлем береміз,

Біз əдепті баламыз.

Жарайсыңдар балалар, менің қолымнан не көріп тұрсыңдар?
Балалар : Жүрек
Қане, балаларжүрегімізден шығарып жылы сөздер айтайықшы.

Балалар: Аспанымыз ашық болсын

Күніміз жарқын болсын

Еліміз тыныш болсын

Ауырмайық , денсаулық болсын

Нанымыз көп болсын

Ата- анамыз аман болсын

Бейбітшілік болсын

Балабақша гүлдене берсін!

Апайлар аман болсын

Қане балалар, осы айтқан жылы лебіздерімізді апайларға сыйлайықшы
Балалар сендер бір- біріңнің қолдарыңнан ұстап тұрғанда нені сезесіңдер?

Балалар: Жылулықты, мейірімділікті, достықты.

Жақсы балалар бүгінгі күнімізді мейіріммен, қуанышпен бастайық.

Балалар қазір жылдың қандай мезгілі?

Балалар: Күз мезгілі

Күздің қандай айы

Балалар: Қараша айы
Балалар күз мезгілінде табиғатта қандай өзгерістер болады?

Балалар: Күз мезгілінде күн суытып салқындайды, кейде жаңбыр жауады, жел соғады,
жер балшық болады, құстар жылы жаққа ұшып кетеді, адамдар жылы киіне бастайды.
Балалар біздер күзді неге алтын күз, жомарт күз деп атаймыз?

Балалар: Күзде өсімдіктер, астықтар піседі, көкөніс пен жеміс жидектер көп болады

Жарайсыңдар балалар , ал қараша айын неге қоңыр күз дейміз?

Жаңбыр жиі жауады, ауа- райы салқындайды, жапырақтар жерге түсіп, қурайды.

Жарайсыңдар балалар, олай болса күз туралы кім тақпақ айтып береді, кім күз
туралы тақпақ біледі?

Көктем қандай көңілді

Көктен жаңбыр төгілді,

Мөлдір аспан ашылып,

Күннің көзі көрінді. Мерей

Көктем, көктем көктемде

Құстар келіп жеткенде

Қуанып бір қаламыз

Əнмен қарсы аламыз! Дильназ
Балалар енді «Қай ойыншық жоқ» ойынынойнап жіберейік

Ойынның тəртібі: Ойыншықтар стол үстінде тұрады, балалар көздерін жұмады. 1,2,3,
дегенде көздерін ашып , қай ойыншықтың жоқ екенін тауып айтады.

Осы кезде есік қағылады. Балалар есік қағылған сияқты кім екен бұл?

Буратино: Саламатсыздар ма балалар

Балалар: Саламатсыз ба Буратино

Буратино:Балалар осы жер «Ғажайып білім əлемі ме»

Жоқ Буратино, бұл жер балабақша

Буратино: Балалар мен алтын кілтімді жоғалтып алдым,кім алып кеткенін білмеймін.
Маған көмектесіңдерші. Кілтімді іздеп келе жатып, жолда ақ тиінді көріп едім, кілтіңді
«Ғажайып білім əлеміне» барсаң табасың деді. Мен «Ғажайып білім əлеміне »қалай
барсам екен баратын жолды таба алмай адасып, осы топқа кіріп кетіппін. Маған
баратын жолды көрсетіп жібересіңдер ме?

Еш уайымдама, Буратино

Қане балалар Буратиноға көмектесеміз бе

Балалар: Иə, көмектесеміз

Олай болса балалар Буратиноны ертіп, жол көрсетіп, «Ғажайып білім əлеміне»бізде
саяхатқа шығып қайтайық. Саяхатқа шығамыз ба?

Балалар саяхат кезінде бізге əртүрлі қиындықтар кездеседі, сол қиындықтарды бірге
жеңе білейік. Ол үшін бір- бірімізді сыйлап , тыңдауымыз керек. Балалар қане енді
паровозға мініп, жолға шығайық.

балалар міне біз 1-ші аялдамаға да келіп қалыппыз

Бұл бірінші аялдама: «Математика» аялдамасы екен

Бірінші аялдама бізге мынадай тапсырмалар тапсырыпты:

1-10 ға, дейін тура жəне кері санау

Геометриялық фигуралардың пішіндерін ажыратып, түстерін ата

Үйшіктің терезелерін тауып жабыңдар

2-шіаялдама бізге жұмбақтар жасырыпты

Екінші аялдама «Жұмбақтар» аялдамасы екен

Бой жаза алмай, ойнай алмай

Денең мұздап тоңады.

Бөбектерім айтыңдаршы

Бұл қай кезде болады? (Күз)

Таңмен көзін ашады

Əлемге нұрын шашады. (Күн)

Тырс- тырс тамады

Сайға қарай ағады. (Жаңбыр)

Дидактикалық ойын: «Топтап жина»

Мақсаты:Балаларды топтай білуге жəне оларды санай білуге үйрету

Балаларды екі топқа бөліп суреттерді топтап жинауға үйрету

Сергіту сəті: Орнымызда тұрамыз,

Дөңгелекті құрамыз

Қолымызбен шапалақтап,

Аяқпенен ұрамыз

3-шіаялдама «Бау- бақша» аялдамасы . Бау- бақша аялдамасы көкөністер мен
жемістерді араластырып қойыпты. Бақшаға барып жемістер мен көкөністерді
ажыратыңдар депті.

Қане балалар бақшаға барайық. Ой, балалар алдымызда көлшік жатыр ғой, одан қалай
өтеміз? Аяғымызды ластамай, батпаққа батпай,көлшіктен ақырындап, абайлап өту
үшін не керек?

Балалар: Көпір керек

Балалар мына жерде таяқшалар жатыр екен, енді осы таяқшалардан көпір жасайық.
Қане балалар мына таяқшалардың түсі қандай? Міне балалар бау- бақшаға да келіп
қалдық.

Балалар жемістерді талға іледі, көкөністерді жерге отырғызады.

4-ші аялдама «Мақал- мəтел» аялдамасы

Біздерге мақалдарды толықтыр депті. Қане кім айтады?

Аққуды атпа, досыңды сатпа

Жүз теңгең болғанша, жүз досың болсын

Ағаш тамырымен , адам бауырымен мықты

Білімі жоқ адам, тұзы жоқ тағам

Оқусыз білім жоқ, білімсіз күнің жоқ

Жақсыдан үйрен, жаманнан жирен

Ақыл азбайды, білім тозбайды

5-ші аялдама Дидактикалық ойын: «Кім жылдам, дұрыс құрастырады?»

Буратиноның кілтін құрастыру

Буратино : Алақай, алақай менің кілтім табылды. (Қақпаның аузында , Буратиноның
алтын кілті тұрады.) Қақпаның үстіңгі жағында «Ғажайып білім əлемі» деген жазуы бар.
Балалар қараңдаршы біз алтын қақпаға да келіп қалыппыз. «Ғажайып білім əлемі»
деген осы жер балалар. «Ғажайып білім əлемі» бізге ең бастысы

білім сыйлады. Біз бəріміз бірігіп, қызықты тапсырмалар орындадық, Буратиноға кілтін
табуға көмектестік.

Буратино: Балалар сендерге көп-көп рахмет. Сендер маған «Ғажайып білім əлеміне»
баратын жолды көрсетіп, алтын кілтімді табуға көмектестіңдер, көптеген тапсырмалар
орындадыңдар.Өмірде тек білімді емес, қайырымды балалар екендеріңді көрсеттіңдер.
Мен осындай «Балбөбек» балабақшасының тапқыр, ақылды, білімді балаларының
барына қуанып тұрмын.Мен сендерге жəне қонақ апайларға арнап гүл ала келдім. Ол
жəй гүл емес, əрқайсының ішінде сіздерге арналған өлең шумақтарым бар.

(Буратино сыйлықтарын таратып кетіп қалады)
Міне балалар Буратиноға көп көмек көрсеттіңдер. Кілтін табуға көмектестіңдер.

Өздеріңнің ұшқыр ойларыңды , тапқырлықтарыңды, қиындықтан қорықпайтындарыңды
көрсеттіңдер.Осымен «Ғажайып білім əлеміне» саяхатымыз аяқталды, енді өзіміздің
тобымызға оралайық.

Қорытындылау: Балалар сендерге саяхат ұнады ма?

Сендер саяхатқа қайда бардыңдар? Біздер кімге көмектестік?

Өте жақсы балалар, енді қол ұстасып, бір- біріміздің жүрек жылуымызды сезініп, бүгінгі
саяхатымызды аяқтай отырып қонақтар мен қоштасайық

Қол ұстасып тұрайық

Шеңберді біз құрайық,

Көріскенше күн жақсы

Сау- саламат болайық.

Сау болыңыздар!