ГЕОГРАФИЯ САБАҒЫНДА ТӘЖІРИБЕЛІК ЖҰМЫСТАРДЫ ҰЙЫМДАСТЫРУ ӘДІСТЕМЕСІ

ГЕОГРАФИЯ САБАҒЫНДА ТӘЖІРИБЕЛІК ЖҰМЫСТАРДЫ

ҰЙЫМДАСТЫРУ ӘДІСТЕМЕСІ

ТАСКАРАЕВА КАЛБИБИ АХМЕТОВНА

«Жаратылыстану және гуманитарлық пәндерді оқыту әдістемесі»

кафедрасының аға оқытушысы

2021 жылдың 28-мамырында «Өрлеу» БАҰО» АҚФ Түркістан облысы және Шымкент қаласы бойынша ПҚБАИ «Жаратылыстану және гуманитарлық пәндерді оқыту әдістемесі» кафедрасының ұйымдастыруымен «Зерттеу және зерттеушілер», «Картография және географиялық деректер базасы» тақырыбы бойынша тәжірибелік жұмыстарды ұйымдастыру әдістемесі туралы онлайн-кеңес өткізілді.

Іс-шараның мақсаты: Географиялық деректер базасы мен картография және зерттеушілер бөліміне тәжірибелік тапсырмалар беру арқылы кәсіби құзыреттілігін дамыту.

Міндеттері:

• Зерттеу және зерттеушілер тақырыптарына тәжірибе тапсырмалар құрастыру;

• Картография және географиялық деректер базасы, географиялық карталар, картосхемаларды қолданып практикалық жұмыстарды көрсету.

Оn-line режимінде ұйымдастырылған іс-шараға география пәнінің көптеген мұғалімдері қатысып, географияны оқыту үдерісінде тәжірибелік тапсырмалар беру арқылы оқушылардың жеке қабілеттерін, пәнге деген қызығушылығын арттырудың әртүрлі мәселелері талқыланды.

Іс-шарада қашықтықтан оқыту барысында оқушылардың жалпы зияткерлік қабілеттері мен логикалық ойлау деңгейлеріне қарай жасалатын тапсырмалардың түрлерімен таныстырып, тәжірибелік тапсырмаларды құрастыру жөнінде педгогтерге арналған әдістемелік ұсынымдар ұсынылды.

Сонымен қатар, кеңес барысында географиядағы зерттеу тәсілдерімен байланысты тәжірибелік тапсырмаларды қолданудың маңызы айқындалып, оқушылардың функционалдық сауаттылығын қалыптастыру мен басқа пәндермен сабақтастық арқылы оқушылардың зияткерлік деңгейін дамыту туралы ой қозғалып, төмендегідей сұрақтар талқыланды:

• География пәні мұғалімдері оқушының ойлау дағдыларын ескеріп тәжірибелік тапсырмалар жасауда кездесетін қиындықтар.

• Білім алушының нәтижеге қол жеткізуіне тәжірибелік тапсырмалардың әсері қандай?

• Тәжірибелік жұмыстарды ұйымдастырғанда оқушылардың іс-әрекеттері қандай болуы мүмкін?

Пікір алмасу нәтижесінде оқушылардың дербес ерекшеліктерін анықтау және олардың ықылас - жігерін, еске сақтау мен ойлау қабілеттерін, ынтасын, жалпы білім денгейін зерттеудің қажеттілігін нақтылап, білімді меңгеру деңгейін анықтауға арналған тапсырмалар дайындау, оқушы біліміне диагностика жүргізу, оқушыларға сауалнама, психологиялық тәжірибе жасаудың жолдары қарастырылды.

Іс-шараны қорытындылай келе, қатысушылар әдістемелік кеңес дер кезінде мазмұнды әрі тәжірибелік деңгейде өткенін атап көрсетіп, ұйымдастырушыларға алғыстарын білдірді.