2023-2024 оқу жылына арналған

қысқа мерзімді сабақ жоспарларын

жүктеп алғыңыз келеді ма?

ҚР Білім және Ғылым министірлігінің стандартымен 2022-2023 оқу жылына арналған 472-бұйрыққа сай жасалған

ggffgттртттттттттдр ол

Материал туралы қысқаша түсінік

Ағылшын тілін оқытудың бастапқы кезеңінде ойын түрлерін қолдану.

Молдахметова Мадина Иманғалиқызы

Автор материалды ақылы түрде жариялады.
Сатылымнан түскен қаражат авторға автоматты түрде аударылады. Толығырақ

24 Наурыз 2018

308

0 рет жүктелген

Информатика Авторлық бағдарлама 11 сынып

Бүгін алсаңыз 25% жеңілдік
беріледі

770 тг 578 тг

Тегін турнир Мұғалімдер мен Тәрбиешілерге
Дипломдар мен сертификаттарды алып үлгеріңіз!

Бұл бетте материалдың қысқаша нұсқасы ұсынылған. Материалдың толық нұсқасын жүктеп алып, көруге болады

Материалдың толық нұсқасын
жүктеп алып көруге болады

3. Мектеп пен сынып мәдениетіСыныптағы психологиялық ахуалды орнатуда мұғалімнің нені білуі міндет? (Өз тәжірибеңізден)СЫНЫПТАҒЫ ПСИХОЛОГИЯЛЫҚ АХУАЛСыныпта қолданылатын психологиялық-педагогикалық әдістер сыныптың бейресми құрылымын анықтауға, көшбасшыны және оның топтағы рөлін айқындауға;

сыныптың формалды және бейресми құрылымын түзетуге (мәселен, формалды көшбасшыны қайта таңдау арқылы);

сыныптың ауызбірлік деңгейін және оның психологиялық ахуалын анықтауға;

ұжымның ауызбіршілігіне бағытталған ойындар қолдануға;

сыныптағы жанжалдардың себебін анықтау және оның құрылымдық шешімі үшін әлеуметтік-психологиялық әдістерді қолдануға;

оқушылардың жеке ерекшеліктерін зерттеуге;

коммуникативтік дағдыларын дамытуға;

педагогтар мен сынып жетекшілерінің тұлғалық және олардың педагогикалық стильдерінің өзара әрекетке: ұжымдағы өзара қарым-қатынасты әлеуметтік-психологиялық жағынан түзету ықпалын (әлеуметтік-психологиялық тренингтер және психологиялық кеңестер өткізу) анықтауға бағытталған.

Қолайлы психологиялық ахуал қалыптастыру бойынша педагогикалық жұмысты ұйымдастыру әрекеттің әр түрін қамтиды: уақытты бірге өткізу, ұжымдық және жеке әңгімелер, ойын-тренингтер және т. б. Педагогтар мен мектеп психологтары пайдаланатын неғұрлым тиімді әдіс команда құру тренингтерін өткізу болып табылады. Олар барлық сынып ұжымы мүшелерінің тиімді және анық түрде өзін көрсетуіне мүмкіндік береді. Тренинг кезінде орындалатын сан алуан тәжірибелік әрекеттер балалардың үлкен қызығушылығын тудырады, қызықты және еркін формада балалардың бойында қажетті қасиеттердің, атап айтқанда, ұжымды сезінушілік, тең құқықтық, сөйлеу еркіндігі, достық пен жолдастықтың қалыптасуына жол ашады. Сынып ұйымшылдығына арналған тренингтер және сенім ахуалын қалыптастыру«Түсті ұстап көр» Жүргізушінің пәрменімен балалар нақты бір түсті ұстап көруі қажет және бұл ретте өзіндегі және жүргізушідегі осы түске қол тигізуге болмайды. Кім соңғы болып ұстаса, сол ойыннан шығады. «Атомдар» Барлық ойыншылар алаңмен абыр-сабыр жүреді. Жүргізушінің пәрменімен олар атомдардың берілген санымен (мысалы, үш-үштен) неғұрлым тезірек молекулаларға бірігуі қажет, яғни балалар қасында тұрған оқушылармен үш-үштен бірігеді және т. с. с. «Дауыс бойынша жиналу» Жүргізуші қатысушыларға алдын ала дайындалған картинкаларды үлестіреді, оларда жануарлар мен құстардың (ит, мысық, сиыр, әтеш, тасбақа, көкек, үйрек және т. б.) атаулары жазылған (салынған). Картинканы көрсетпестен оқушылар көздерін жұмады. Жүргізуші тапсырма береді: көзін ашпастан, тек берілген немесе басқа да жануарлар мен құстардың шығарған дыбыстары бойынша өз «отбасын» тауып, соған қосылу керек. Бұл кезде сөйлеуге тыйым салынады, тек дауысқа еліктеуді пайдалануға ғана рұқсат етіледі. Балалар өз «отбасын» табуға (дыбыспен) тырысып, басқа дауысқа еліктеулерді мұқият тыңдай отырып, қатты үріп, мияулай бастайды және т. б. «Жанды айна» Қатысушылар үштікке бірігеді. Музыка қосылады, әр үштіктен бір оқушы 1–2 минут ішінде музыка ырғағына сай өздері қалаған кез келген қозғалыс жасайды. Басқа екі оқушы «жанды айна» рөлінде өнер көрсетеді, яғни олардың қозғалысын қайталайды. Содан соң орындар алмасады, үштіктің басқа қатысушысы белсенді қозғалыс жасайды, қалғандары оны қайталайды және т. б. «Жұлдызқұрт» Сыныптың барлық оқушылары алдындағы көршісін белінен ұстап, бірінің артынан бірі сапқа тұрады. Осы дайындықтан соң жүргізуші сыныптың жұлдызқұрт екенін, сондықтан алдында тұрған адамнан қатты ұстау керектігін түсіндіреді. Жұлдызқұрт қалай ұйықтайтынын, тамақтанатынын, жуынатынын, жаттығуды қалай жасайтынын және т. б. көрсетуге тиіс. Бұл ретте оқушылар өзінің алдында тұрған балаларды қатты ұстап тұрады. «Айдаһар» Сынып оқушылары алдындағы көршісін белінен ұстап, бірінің артынан бірі сапқа тұрады. Саптың басы – бұл айдаһардың «басы», соңы – «құйрығы». «Бас» «құйрықты» ұстауға тырысады, ол өз кезегінде тайқып кетуге тырысады. Тапсырманы орындау кезінде барлық сап белсенді қозғалады, бірақ қатысушылардың қолдары ажырамайды. Ойынға көп кеңістік қажет (10 адамнан тұратын топ үшін – кемінде 5х5 м), айналада үшкір бұрыштар мен жарақат алуға соқтыратын басқа да заттар болмауы тиіс. Ойын бірнеше рет қайталанады, қатысушылардың сапқа тұру тәртібі әр қатысушы түрлі позицияда: бірде саптың басында, ортасында және соңында болатындай ауысып тұрады. «Көтергіш кран» Келісіммен әрекет ету қабілетін дамытуға бағытталған топтық ойын.Қатысушылардың бірі, мысалы, үстелге жатады, қалғандары оны бір қолмен ұстап көтереді. Топ бірлесіп кез келген қатысушыны, тіпті ең ауыр оқушыны да көтереді. Көтерген адамдар өзіне рөл ойлап тауып, оны басқаларға хабарлайды. Рөлдер мынадай болуы мүмкін: жеңген команданың жаттықтырушысы, шайқаста жеңген полковник, биші балерина, жүзгіш, бұлт және т. б. Ойын соңында жасалған әрекетке қатысты талдау жүргізіледі. «Олимпиада алауы» Сынып бір-бірінен 2 м қашықтықтағы сапқа тұрады. Бәріне бір сіріңкеден таратылады. Біріншінің қолында қорап, соңғысында – бенгал оты, шырақ, хош иісті таяқ, майшам және т. б. Бірінші оқушы сіріңкені жағады және оны екінші оқушыға әкеліп, оның сіріңкесін жағады. Екінші үшіншіге қарай жүреді, әрі қарай сіріңке шырақты немесе майшамды жаққанша жалғаса береді. Есте ұстау керек: жел соқса сіріңке тез өшеді және қатысушылар оларды бір-біріне жеткізуге үлгермеуі мүмкін. Мұндай жағдайда балаларға жаңа сіріңкелер үлестіріледі және марафон қайтадан басталады. Бұл тапсырманы орындау барысында барлық оқушылар ұйымшылдыққа, төзімділікке үйренеді.«Шаршы» Ойынға қатысушылар шеңбер жасап тұрады және көздерін жұмады. Жүргізушінің белгі беруімен, балалар көзін ашпастан, шаршы құрып тұра қалады. Шаршы құрылғаннан кейін де, балалардың көзін ашуға рұқсат берілмейді. Педагог олардан бәрінің де шаршыда тұрғанына сенімділіктерін сұрайды. Барлығы бірдей келіскеннен кейін ғана, мұғалім көздерін ашуды, жақсы нәтижеге қуануды және процесс барысын талдауды ұсынады. Осылайша басқа да фигураларды құруға болады. «Аралар» жанды шеңбері Балалар көздерін жұмады және үй-жай ішінде арлы-берлі сабылып жүре бастайды, ара омартасы сияқты гуіл шығарады. Жүргізушінің шартты белгісі бойынша (шапалақ, ысқырық, т. б.) барлығы тоқтайды, бұдан соң балалар көздерін ашпастан және сөйлеместен шеңберге тұруға тырысады. Тек бір-бірін қолмен түртуге болады. Барлығы өз орындарын тауып, тоқтаған кезде жүргізуші екінші шартты белгі береді, ол бойынша барлық қатысушылар көздерін ашады. Ереже бойынша балаларға мінсіз шеңбер құрудың сәті түспейді. Мұндай шеңбер шығу үшін тапсырманы бірнеше рет орындау қажет. «Мен де онда болдым!» Жүргізуші қандай да бір оқиғаны айта бастайды және оған ілеспелі әрекеттер орындайды. Қалған оқушылар әңгімені қадағалай отырып, сол әрекеттерді орындайды. Мәселен, жүргізуші былай дейді: «Бір күні көшеде келе жаттым (барлық оқушылар онымен бірге қадам жасай бастайды). Мен алып ағашты көрдім, оны айналып өттім де, жоғарыға өрмелей бастадым» (барлық қатысушылар ілеспелі әрекеттерді жасайды). Әрі қарай жүргізуші кез келген оқушыны көрсетеді, ол бұл жағдайда: «Мен де онда болдым!» деп айтуы керек. Барлығы сұрайды: «Сен онда не көрдің?». Оқушы үзіліп қалған әңгімені жалғастырады, оның барысын ойдан шығара отырып, ілеспелі қозғалыстарды жасайды. Содан соң ол келесі оқушыны көрсетеді, ол оқушы басталған әңгімені жалғастырады. «Секірудегі бұрылыс» Оқушылар сапқа тұрады, олардың арақашықтығы кемінде жарты метр болуы керек. Әрі қарай жүргізушінің шартты белгісі бойынша, барлық балалар бір уақытта көздерін жұмады және орындарында тұрып бұрылысты секіріс жасайды. Секіруде кез келген жаққа 90, 180, 270 немесе 360 градусқа бұрылуға болады. Қайда және қанша бұрылу керектігін әр бала өзі шешеді. Секіріп болған соң балалар көздерін ашады, бір-біріне қарайды және кезекті белгі бойынша, қайтадан көздерін жұмып, бұрын қонған қалыптан секіре жөнеледі. Секіріп болғаннан кейін барлық оқушылар бетін бір жаққа бұрған күйі қонулары тиіс.Бұл жаттығуды топ ұйымшылдығына қатысты жылдам-тест ретінде қолдануға болады. Ол үшін оны орындауға кеткен талпыныстың санын тіркеу қажет. Бұл ойын шулы болғандықтан, мұғалім уақытты және ойын өтетін орынды алдын ала ойластыруы керек. «Маятник» Барлық қатысушылар үшке бөлінеді. Екі оқушы 120–150 см қашықтықта бір-біріне бетпе-бет қарап тұрады. Үшінші оқушы олардың арасына тұрады да, өзінің барлық бұлшық еттерін босаңсытып, еркін түрде алға немесе артқа, яғни бірінші немесе екінші оқушының қолына құлай бастайды. Соңғының міндеті – өз иығына құлаған оқушыны ақырын ғана ұстап, өзінен жеңіл итеріп, қарама-қарсы жаққа құлауына ықпал етеді. Осылайша, ортадағы оқушы еркін және босаңсыған түрде бір-біріне қарама-қарсы тұрған екі оқушының арасында тербеліп тұрады. Мүмкіндігінше «маятниктің» рөлінде үштіктің әр қатысушысы болғаны дұрыс. Егер жаттығу тыныш, адам жанына жайлы музыка әуені астында өтетін болса, оның тиімділігі арта түседі. Тапсырма қатысушылардың өзара сенімділігін дамытуға ынталандырады. Босаңсу қабілетін дамытып, тырысып жүрген кезден арылуға көмектеседі. Сенім шеңбері 6–8 адам шағын, тығыз шеңберге тұрады да, алақандарын алға жіберіп, қолдарын иықтың деңгейіне қояды. Бір оқушы ортаға шығады, көзін жұмады, денесін бос ұстап, өзін қоршаған балалардың алға созған алақандарына қарай құлай бастайды. Олар оны жеңіл ғана ұстап алады да, басқа қатысушылардың алақандарына ақырын барып құлайтындай етіп итереді. Осылайша оны 1–1,5 минут теңселтеді. Содан соң шеңбер ортасына басқа оқушы шығады. Артық дене күші қолданылмауын қадағалау қажет. Сондай-ақ бұл ойынға қатысу тек ерікті түрде жүреді. Ойынға қатысқысы келмейтін оқушылар жай ғана ойын барысын қадағалап тұрса болады. Бұл жаттығулар өзара сенімнің, жауапкершіліктің, эмпатияның, бірлескен әрекеттер үйлесімінің және т. б. қалыптасуына ықпал етеді. Ойындар ұжымдық, командалық жұмыстардың негізгі ұстанымын көрнекі түрде дамытады.

Материал жариялап тегін сертификат алыңыз!

Бұл сертификат «Ustaz tilegi» Республикалық ғылыми – әдістемелік журналының желілік басылымына өз авторлық жұмысын жарияланғанын растайды. Журнал Қазақстан Республикасы Ақпарат және Қоғамдық даму министрлігінің №KZ09VPY00029937 куәлігін алған. Сондықтан аттестацияға жарамды

Ресми байқаулар тізімі

Республикалық байқауларға қатысып жарамды дипломдар алып санатыңызды көтеріңіз!