Ғимараттың жоспарының сыртқы және ішкі қабырғаларын сызу

Ашық сабақты өткізу жоспары

Пәні: Сызу

Тақырыбы: Ғимараттың жоспарының сыртқы және ішкі қабырғаларын сызу.

Сабақ мақсаты:

1. Білімділік: Ғимараттың жоспарының сыртқы және ішкі қабырғаларын сызуды үйрету және түсінік беру.

2. Дамытушылық: Ғимараттың жоспарының сыртқы және ішкі қабырғаларын сызудың әдістерін меңгеру барысында студенттердің логикалық және кеңістікте ойлау қабілеттерін, арттыру.

3. Тәрбиелік: тұлғаның шығармашылық қабілеттерін арттыру.

Педагогикалық технологиялары: ойын оқыту

Сабақтың түрі: жаңа тақырыпты түсіндіру

Оқыту әдістері: сұрақ жауап, баяндау, тапсырмаларды орындау

Көрнекі құралдары: компьютер, презентация, бейнебаян.

Пәнаралық байланыс: электротехника, техникалық механика, архитектура және дизайн.

Хронометриялық кесте

Сабақтың барысы

I бөлім. Студенттерді тугелдеу. Сабақтың мақсатын, жоспарын айту, жағымды көңіл-күй қалыптастыру.

ІІ –бөлім. Үй жұмысын тексеру

Қайталау. сөзжұмбақ-сұрақтар.

1. Адамның әр түрлі іс-әрекетіне арналған ішкі кеңістігі бар жер бетіндегі құрылыс атауы? ҒИМАРАТ

2. Арқалық жабындарды, шатыр және қабырғаларды ұстап тұруға арналған элемент?БАҒАНА

3. Арқалық жабын тақталарын ұстап тұруға арналған элемент?РИГЕЛЬ

4. Ғимараттарды жоспарлық бөлшектерге бөліп, көтергіш құрылымдар тұратын орнын анықтайтын үйлестіру осьтері қалай аталады? АЛЫМ

5. Жабудың қажетті қалындығын жасайтын сылақ жабуының екінші қабаты?АСТАР

6. Ғимарат ішкі кеңістігін биіктігі бойынша әр түрлі қабаттарға бөлетін құрылымдық элемент?АРАЖАБЫН

7. Ғимарат ішкі кеңістігін әр түрлі бөлмеге бөлуге арналған құрылымдық элемент?ТАСТАР

8. Ғимараттан түсетін күштерді қабылдап оларды топыраққа беретін ғимараттың негізгі құрылымдық элементі?ІРГЕТАС

ІІІ-бөлім. Жаңа сабақты түсіндіру.

Жоспар – архитектуралы құрылыс ғимараттарының немесе адамдар қоныстанатын мекендердің төбесінен қарағандағы көрінісінің белгілі бір масштаб бойынша қағаз бетіне түсірілген сызбасы не макет түріндегі көрінісі.

Мұндай жоспарда салынбақшы құрылыстың жалпы аумағы мен әрбір бөлмелерінің ауданы, негізгі қабырғалары, терезе мен есік орнатылатын қуыстары, пеші, су құбыры, басқышы, санитарлық және техникалық қондырғылары, кей жағдайда архит. бөлшектеріне дейін көрсетіледі. Егер ғимарат көп қабатты болған жағдайда әрбір қабатқа жеке жоспар жасалады, үй төбесін жабу күрделі болған кезде оның арнайы жоспары құрылады. Жоспарлар, қасбеттер, тіліктер, олардың фрагменттері, түйіндер сызбасындағы координациялық осьтерді штрих-пунктирлі сызықтармен енгізеді. Әрбір жеке үймен, ғимараттар осьтерінің белгілеуі (маркировка) жеке жүйеде болуы тиіс. Осьтер маркалары шеңберде орналастырылады, диаметрі сызба масштабына байланысты болады: сызбаға арналған, 1:400 масштабынада орындалған және шеңбердің ең кішкене диаметрі 6 мм, ірі масштабты сызба үшін 12 мм-ге дейін болады. Осьтер араб цифрларын (ғимараттың ұзындығы бойынша) және жазбаша орыс алфавитімен (ғимараттың ең қысқа жағы бойынша) маркаланады. Егер осьтерді маркалау жетіспесе маркалауды қос әріппен жалғастырады, мысалы АА, ББ,  ВВ және т.б.

Сурет 1 - Ғимарат жоспарында осьтерді таңбалау

Қабырғалар ғимараттардың маңызды конструкциялық элементтері  болып табылады. Қабырғалар (сыртқы және ішкі) – ғимараттың үй-жайларын сыртқы ортаның әсерінен қорғайтын және бір бөлмені екінші бөлмеден бөлетін тік қоршаулар. Қабырғалар келесі талаптарды қанағаттандыруы керек: берік және орнықты болуы; ғимараттың өртке тұрақтылық дәрежесіне сәйкес болуы; жану тобы мен өртке тұрақтылық шегі нормадан төмен болуы; бөлмелердегі қажетті температуралы-ылғалдық режимді ұстауды қамтамасыз ету; жеткілікті дыбысизоляциялық қасиеттерінің болуы; экономикалық  үнемді, яғни материалдар шығыны мен аудын бірлігінің салмағының, еңбек пен жабдықтардың шығындарының аз болуы; сәулеттік – суреттік шешімдеріне жауап беруі керек. 

Қабырғалар келесі белгілері бойынша топталады: орналасуы бойынша: сыртқы және ішкі; жұмыс сипаты бойынша: сүйенетін жабу немесе жабын конструкцияларынан күштерді қабылдайтын көтеруші; жоғарыда орналасқан қабырғалардан күштерді қабылдайтын өзін көтеруші; тек қана қорғау функциясын орындайтын ілмелі; конструкциясы және тұрғызу әдісі  бойынша қабырғалар төрт топқа бөлінеді: ұсақтүйірлі элементтерден (кірпіштен), ірі тастардан (блоктардан), тұтас, іріпанельді; қолданылатын материалдар тегі бойынша: тасты, ағашты, синтетикалық материалдар.

Кірпішті қабырғалар керамикалық және силикатты кірпіштен орындалады. Стандартты кірпіштің өлшемдері 120х65х250, мм. Сонымен  қатар биіктігі 88 мм кірпіште қолданылады ( 1-сурет). 

1-сурет. Кірпішті қабырғада кірпіштердің орналасуы:

а - стандартты кірпіш; б – жанды қатар; в – бүйірлі қатар; 1 - бүйірі, 2 – төсенді; 3 – жаны

Өлшемдері 120 х 65, мм немесе 120 х 88 мм, кірпіштің бүйірлік беті бүйірі деп аталады. Осы беттермен төселінген кірпіштер қатары бүйірлік деп аталады. Өлшемдері 65 х 250 мм, кірпіш беті жаны деп аталады. Осы беттермен төселінген кірпіштер қатары жандық деп аталады. Өлшемдері 250 х 120 мм, кірпіш беті төсенді деп аталады. 

Құрама бетоннан жасалған тұрғын үй құрылысында сыртқы қабырғаның есептелген қалыңдығы панельдік ғимараттар үшін 250, 300, 350, 400 мм және ірі блокты ғимараттар үшін 300, 400, 500 мм орталықтандырылған қалыптаушы жабдықты өндіруде қабылданған сыртқы қабырғалардың қалыңдығының бірыңғай диапазонынан жақынырақ үлкен мәнге байланысты болады.

Тасты қабырғалардың есептелген қалыңдығы кірпіштің немесе тастың өлшемдерімен келісіліп, кірпіш кезінде алынған құрылымның қалыңдығына тең болады. Кірпіштің өлшемдері 250 × 120 × 65 немесе 250 × 120 × 88 мм (модульдік кірпіш), қатты кірпіш қабырғаларының қалыңдығы 1-ге тең; 1,5; 2; 2,5 және 3 кірпіш (жеке тастар арасындағы 10 мм тік қосылыстарды ескере отырып) 250, 380, 510, 640 және 770 мм құрайды.

Қабырғаның құрылымдық қалыңдығы кесілген тастан немесе жеңіл бетоннан жасалған ұсақ блоктардан жасалған, олардың бір өлшемі 390 × 190 × 188 мм, бір таста төсеу кезінде 390 және 1,5 - 490 мм.

«Ғимараттың жоспарының сыртқы және ішкі қабырғаларын сызу» атты бейнебаян арқылы тақырыпты толықтырып көрсету, анықтау, талдау.

IV-бөлім. Сабақты бекіту

Презентация арқылы студенттерге тест тапсырмаларын беру.

Студенттерді бағалау, бағаларды түсіндіру.

V-бөлім. Үй тапсырмасы

Ғимараттың жоспарының сыртқы және ішкі қабырғаларын сызу.