Химия және биологияны оқытуда модельдеу әдісін қолдану

Биология және химия пәндерін оқытуда модельдеу әдісін қолдану

Кіріспе

Мұғалімдердің алдына қойылып отырған басты міндеттерінен бірі – оқытудың әдіс-тәсілдерін үнемі жетілдіріп отыру және жаңа педагогикалық технологияларды меңгеру. Ұстаз үшін ең басты мәселе – оқыту әдісін дұрыс таңдау.

Жаңа технологияларды меңгеру мұғалімнің зияткерлік, кәсіптік, адамгершілік, рухани, азаматтық және де басқа да көптеген адами келбетінің қалыптасуына игі әсерін тигізеді, өзін-өзі дамытып,оқу-тәрбие үрдісін тиімді ұйымдастыруына көмектеседі.Қазіргі кезде білім мен техниканың даму деңгейі әрбір оқушыға сапалы және терең білім беруіне жағдай жасап отыр.

Жаңа технологияны пайдаланудың тиімді жақтары - оқушының пәнге деген жеке қызығушылығын оятады,танымдық қабілеттілігін қалыптастырады,әлеуметтік мәдени тәрбиені қалыптастырады,оқушыны шығармашылық жұмысқа баулиды,оқытушының уақытын үнемдейді, қосымша мәліметтер береді. Жаңа технологиядан пайдалану оқытушыға оқу-тәрбие үрдісін тиімді ұйымдастыруға, білім берудің формасын оңайландыру міндеттерін атқаруға көмектеседі.

Оқушылардың танымдық белсенділіктерін арттыру, таным қабілеттілігін оянуына түрткі болу- оқытудың негізгі мәселелерден бірі. Оқушылардың танымдық белсенділігін өз кезінде қабылдау, есте сақтау, қиялдау үрдістерімен зейіннің тұрақты күйін қажет етеді.Оқушының өзіндік сезімдік танымы (қалауы,ынтасы,құштарлығы, әсерленуі) негізінде қабылданған білімі мен дағдысы, ептілігі мен шеберлігі әлдеқайда нәтижелі әрі жемісті болады.

«Биология» пәні бойынша оқу бағдарламасындағы оқу мақсаттары оқушылардан өздерінің дағдыларды үйренуі туралы ой-пікірлерін білдіріп, оны талдай және бағамдай білуді талап етеді.

Қазір мұғалімдер оқушыларды өздігінен білім алуға, шешім қабылдауға қабілетті ынталы, қызығушылығы жоғары, өзіне сенімді, жауапкершілігі жоғары, өзінің және өзгенің іс-әрекетіне талдау жасай алатын жеке тұлғаны қалыптастыруға бағытталған қағиданы ұстанады.

Биологияны оқытуда педагогикалық тәсілдерді іске асыру үшін сабақта төмендегідей жұмыс түрлерін қолдану қажет:

-эксперименттік жұмыс;

- модельдеуді қолдану;

-биология мәселелері бойынша түрлі дереккөздерден қажетті ақпаратты таңдау (мысалы, генетикалық түрлендірілген өнімдердің әсері, адамды клондау, органдарды трансплантациялау), талдау жүргізу