Алматы қаласының денсаулық сақтау басқармасы КГП на ПХВ «Высший медицинский колледж»

ШЖҚ КМК «Жоғары медициналық колледж» Управления здравоохранения города Алматы

Баяндама

Тақырыбы: “Инфекционист-дәрігер Ақбота Әбішбаева”

Жетекшісі: Қонақбаева А.С.

дайындаған: 2-курс 19-2 топ студенті

Пердебаева Ж.К.

Алматы 2021

Ел басына қиын күн туғанда ақ халатты абзал жандар барынша жанқиярлық танытып, өздерінің жоғары құрметке лайық екендіктерін дәлелдеді. Әрине, бес саусақ бірдейемес, дегенмен, дәрігерлердің арасында өз ісіне шынайы берілген, білікті де білімді мамандар аз емес. Солардың бірі ретінде инфекционист АқботаӘбішбаеваны айтуғаболады. АқботаӘбішбаева-Нұр-Сұлтандағы туберкулез диспансеріндегі коронавирус стационарында індетпен күресіп жатқан дәрігердің бірі. Вирусты жұқтыру қаупіне қарамастан, балаларынан жырақта өз қызметін тастамай, кәсіби міндетін табандылықпен атқарып келеді. Медицина саласында қызмет етіп жүргеніне он жылдан асты.Өз өмірін қатерге тігіп, науқастың жанында жүр. Әлемде COVID-19 коронавирусын жұқтырғаны анықталғандар 1 жарым миллионнан асты. Қайтыс болғандар 100 мыңға жетті. Олардың арасындадәрігерлер де көп. Мыңдаған дәрігер қазір күні-түніжұмыс істеуге мәжбүр. Кейбірі үйге бармайды, туыстарын көрмейді. Өз өмірін қатерге тігіп, науқастың жанында жүр.

Жалпы медицина саласындағы әйелдер қауымы қазіргі қиын қыстау кезеңде жұмысы мен үй шаруасын ұштастырып жүр. Ауруханаға түскен кез келген науқасты вирус жұғу қаупі жоғары екеніне қарамастан, жылы жүзбен қарсы алатын нағыз мейірбан жандар. Иә, дәрігердің міндеті-науқасты емдеу. Сол себепті ақ халатты абзал жандарымыздың міндетін кіршіксіз орындап жүргеніне көзіміз жетті. Қазақта «Әйел-отбасының ұйытқысы» деген дана сөз бар. Алайда сол үйінде ошақ басында отбасының қасында отырудың орнына ауыр індетпен күресіп,халық денсаулығын қорғауға бел буды.Келіптүскеннауқасболсын, емдеп жатқан дәрігерлер болсын психологиялық тұрғыдан қиналды. Әсіресе бас кезінде. Өйткені COVID-19 туралы алғашқы жаңалықтарды естігеннен-ақ жұрт дүрлікті. Одан біздің елімізге де жетті. Қанша жерден медицина маманы болса да, жақындарының жағдайы үшін алаңдады. Науқастың сынама нәтижесі теріс болып шықса, науқаспен бірге қуанып,қуанышына ортақтасты. Ал, керісінше сынама нәтижесі оң болса, қайғысына ортақтасып, олардың ауруын емдеп жазып, қолынан келгенше көмегін аямады.

«Денсаулық сақтау басқармасының ұйғарымымен изоляторға қызмет етуге барлық медициналық мекемелерден дәрігерлер, медбикелер мен тазалықшылар жіберілді. Жұмыс күні таңғы жиналыстан басталды. Яғни бір күндік жоспар пысықтап алынды. Қай маманның қай бөлімде, қандай іс-шаралар өткізетіні айтылып, вируспен күресболғандықтан, тазалық ережелерін сақтады. Сондықтан алғашқы күндерден-ақ гигиеналық талапты қатаң сақтауға шарт қойылды. Тазалықшылардың жұмысы да жіті бақылауда болды. Инфекционист дәрігерлер науқастардың жағдайын барынша жасап, медбикелерге нұсқауларды тәптіштеп жазып, сол бойынша ем-дом жүргізілді. Вирус жұқтырған науқастармен жұмыс істегендіктен, арнайы киім беріледі. Оны шешпей киіп жүру қиын болды. Ауа жетпей, тұншығасың. Өзіме сол жағынан ғана ауырлау болды. Ал басқасының бәрі – күнделікті жұмыс. Тәулік бойы қызмет етуден шаршадық деп мүлдем айтпас едім. Тек сол қажытқан тұсы – психологиялық ахуал мен киім»- деп Ақбота Әбішбаева өз ойымен бөліскен болатын.

Медицина саласын екінің бірі таңдай бермейді. Дегенмен, қызығы мен шыжығы қатар жүретін қызықты мамандық деп айтуға болады. Суретте 2020 жылдың маусымында АқботаӘбішбаева өзінің инфекционист екеніне қарамастан, тапқырлығының арқасында әріптестерімен бірге коронавирус жұқтырған науқасты босандырып алған. Өзінің арманы туралы сұраққа ақ халаты абзал жан: «Вирустың ортасында жүргенімізді ойламауға тырысамыз. Психологтар науқастарға да, бізге де онлайн кеңес береді. Күйеуім де астанада әскериқызметте. Күйеуімнің жұмысының жатақханасында бір бөлмеде тұрамыз. Бұрын үйіміз болса деп армандайтын едік. Қазір үй, көлік деген жайына қалды. Қазір індет бітсе екен деп тілеймін. Басқа арманым жоқ»-деп жауап берді.

Қорыта келе, депутат Қарақат Әбденнің сөзімен аяқтағым келеді: «Біз көбіне өзімізге бейтаныс адамдардың әрекетіне таңданамыз. Басқа елдерден батырларды іздеп табамыз. Егер жан-жағымызға қарасақ, нағыз батырлар біздің арамыздағы дәрігерлер, медбикелер мен басқа да медицина қызметкерлері екенін көреміз».