Іс-әрекеттегі зерттеудің қазақ тілі сабақтарында табыс критерийлерін анықтау"

«Іс–әрекеттегі зерттеудің қазақ тілі сабақтарында табыс критерийлерін анықтау»

Білім беру саласы аса күрделі жүйе,оның сан салалы қырлары бар.Соның аса маңызды салаларының бірі «Lesson Study».

Қазіргі уақытта әрбір педагог үшін өз білімділерін шыңдау, дамыту басты мақсат болып табылады. Себебі, білім бір орнында тұрмайды, ол үздіксіз дамып отырады.

Мұғалім құзіреттілігі оның жан-жақты білімінен, ұстаздық шеберлігімен, оқытудың жаңа әдістерін меңгерумен және сол әдістерді тиімді пайдаланумен өлшенеді.

«Lesson study» - мұғалімдердің бірігіп білім жетілдіруге бағытталған ынтымақтастық педагогикалық сала екен.

Бұлай дейтін себебім , біздің мектебімізде «Lesson study» таныстырылымы өткен болатын сол кезде оқыту, қадағалау, оқыту мен оқуды талдау , өз қорытындыларын тұжырымдап , жоспарды бірлесіп жүзеге асыру әдіс-тәсілдерді кеңінен талқылағаны ұнады.

«Lesson study» - әдісінің мазмұны бойынша құнды мәліметтер беріп , әріптестерімнің тәжірибесінің жақсаруына көп септігін тигізгендігі сөзсіз.

Сабаққа қатысушы мұғалімдер , мұғалімнің әрекеттерін бақылап, олардың тек кем-кетік жерлерін тізбектеп , сабақ талқылауда сол кемшіліктерге тоқталып, мұғалімге ақыл айтып, нұсқау беретін.

Ал, қазіргі уақытта «Lesson study» - әдісі бойынша сабаққа қатысқандар өздері таңдаған зерттеулерде оқушының әрекеттерін бақылап , олардың қалай оқитындарына назар аударып , оқушылармен сұхбаттасып , олардың оқудағы жетістіктері мен қиындықтарын айқындап сабақты талқылағанда көрінді .

Біздің мектепте «Lesson study» бірлескен зерттеу тобы жұмыс жасайды. Осы топқа мұрындық болып отырған мектеп директоры Р.С.Абдикаримова мен ғылыми әдіс ісі жөніндегі орынбасары Н.А.Жақыпбекованың қолдауымен тәлімгер әріптестерім: Бастауыш сынып мұғалімі шебер ұстаз Исагулова Баян Таңатарқызы , Чабденова Гаухар Дидарқызы тарих пәні мұғалімі , зерттеуші , магистрант және Аятова Меруерт информатика пәні мұғалімдері зерттеу жұмыстарын жүргізіп келеді.

Сабаққа қатысу барысында оқушылардың үйрену әрекеттерін бақылап , олардың жетістіктері мен қиындықтары айқындалды.

Сабақ жоспарын жақсартуда бірлескен ортада жағымды өзгерістер пайда болды. Кейбір оқушының бойындағы ерекше бір қасиетін танып, өзіндік білім жетілдіруге ықпал етілді. Мұғалім тарапынан қолдау көрсету арқасында жағымды орта қалыптасты.

Мектебімізде - «Lesson study» циклін зерттеу жұмыстары жоспарланып «Ашық сұрақтар қою арқылы оқушылардың пәнге деген қызығушылығын арттыруға бола ма?» деген зерттеу сұрағымен жұмыс жасалынды. Сол кезден аз ғана уақыт өтсе де, өзгерістердің бар екенін сабаққа қатысу барысында байқадым. Яғни әр оқушының мүмкіндігін, жас ерекшелігін ескеру керек екендігі әріптестерімнің сабақтарын жоспарлауда көрініп отырды.

Сабақтан кейінгі бақыланатын оқушылар да , сұрақтар да сабақ құрылымына өзгерістер енгізуге септігін тигізді. Жалпы айтқанда «Lesson study» тәсілімен жұмыс жасау қиындық тудырмады. Тәжірибедегі белсенді емес сыныптың мәселесі бірден шешілмейді, бірақ оқушыны топтық жұмысқа тарта отырып, ашық сөйлесу, пікірін тыңдау арқылы ортаға бейімдеуді және «оқушы-мұғалім», «оқушы-оқушы» үдерісін үнемі дағдыға айналдырсақ , үнемі оқушы пікірімен санаса отырып , оларға ұнайтындай әдістерді қолдана отырып сабағымызды жоспарласақ заманның талабына сай сындарлы ой айта алатын жеке тұлға тәрбиелей аламыз деген ойға келдік.

Мұғалім тек өз сабағында өз шәкірттерін жетелеуші ғана емес , кәсіби құзіретті , жан-жақты білімді , заман ағымына сай жаңашыл болса, өз идеялары мен мақсаттарын әріптестерінің санасына сіңіріп , еріксіз еліктіріп , соңынан ілестіріп көшбасшы бола алатындығына көзімізді жеткіздік.

«Lesson study» - кәсіби дамудың тиімді тәсілі оқушыға саналы білім беруді, көздеген бір мақсатқа жұмылдырылған ұстаздар ортасы десек артық айтқандық емес.