Материалдар / "Жалпыадамзаттық құндылықтар - отбасы тәрбиесінің негізі " ата-аналар жиналысы
2023-2024 оқу жылына арналған

қысқа мерзімді сабақ жоспарларын

жүктеп алғыңыз келеді ма?
ҚР Білім және Ғылым министірлігінің стандартымен 2022-2023 оқу жылына арналған 472-бұйрыққа сай жасалған

"Жалпыадамзаттық құндылықтар - отбасы тәрбиесінің негізі " ата-аналар жиналысы

Материал туралы қысқаша түсінік
Бұл жиналыста ата-аналарға отбасы, бала тәрбиесін айттық. Жалпыадамзаттық құндылықтардың мәнін аштық, Осы құндылықтарды сәби кезінен бастап бала бойына дарыта, сіңіре білсе біздің балаларымыз өте жақсы тәрбиелі, кемел адам болып шығатынына көздерін жеткіздік. бұл құндылықтар әрбір адамның бойында бар қасиеттер, тек оны шығара, қолдана білсе өмірі жақсарады.
Авторы:
Автор материалды ақылы түрде жариялады.
Сатылымнан түскен қаражат авторға автоматты түрде аударылады. Толығырақ
30 Қаңтар 2019
3475
21 рет жүктелген
Бүгін алсаңыз 25% жеңілдік
беріледі
770 тг 578 тг
Тегін турнир Мұғалімдер мен Тәрбиешілерге
Дипломдар мен сертификаттарды алып үлгеріңіз!
Бұл бетте материалдың қысқаша нұсқасы ұсынылған. Материалдың толық нұсқасын жүктеп алып, көруге болады
logo

Материалдың толық нұсқасын
жүктеп алып көруге болады

Ата-аналар жиналысының жоспары


Мектеп: ЖББ №5 орта мектеп

Сынып: 6 «А»

Мерзімі: 10.03.2017

Ата-аналар саны: 15

Мұғалім: Каржасова Айсулу Ергазыкызы

Ата-аналар жиналысының тақырыбы:

«Жалпыадамзаттық құндылықтар – отбасы тәрбиесінің негізі»


Мақсаты: Бала тәрбиесінде ұлттық құндылықтармен жалпыадамзаттық құндылықтарды басшылыққа алудың маңызын талдау


Міндеттері:

1. Ата-аналарды Бағдарламаның психологиялық- педагогикалық негіздерімен таныстыру.

2. Ата-аналардың баланың бойындағы ізгі қасиеттерді іс жүзінде қолдана алуын жүзеге асыруына ықпал ету.

3. Ата-аналарды бала тәрбиесінде дұрыс әрекет жасай отырып, риясыз сүйіспеншілікке тәрбиелеуге бағыттау.

Ресурстары:

Сауалнамалар,

Ата – аналарға арналған нұсқаулық,

«Хрустальная композиция»; слайд-презентация.



1.Ұйымдастыру кезеңі. Құрметті ата-аналар сіздерге алдын ала балаларыңыздан беріп жіберілген сауалнаманы жинап берулеріңіз сұралады.


2.Тыныштық сәтi. «Нұрға бөлену».


Сұрақтар:

Жаттығу барысында не сездіңіздер?

Жүректеріңізден тыныштықты сезе алдыңыздар ма?

Қорытынды: Олай болса, осы тыныштығымызды сақтай отырып, жиналысымызды бастайық.


Ата-аналарға арналған жиналыс жоспары:

1.«Өзін-өзі тану» рухани-адамгершілік білім беру бағдарламасының психологиялық-педагогикалық негіздері

2.«Өзін-өзі тану» рухани-адамгершілік білім беру бағдарламасының аксиологиялық негіздері

3.Бала тәрбиесіндегі ата-ананың рөлі (ұл бала тәрбиесі, қыз бала тәрбиесі)

  1. «Өзін-өзі тану» рухани-адамгершілік білім беру Бағдарламасының психологиялық-педагогикалық негіздері.

(сананың құрылымы, сана арқылы оқыту, сананы тазарту)

1. Әлемдік тарихи ретроспективтегі рухани-адамгершілік білім беру. «Өмір әдебі». «Біз күнделікті тұрмысымызды Мейірім, Риясыз сүйіспеншілік, Қайырымдылық, Кешірім, Шыдамдылық деп танылатын адам табиғатының бағалы қасиеттерімен толтыруымыз керек». С.А.Назарбаева.

2.Өзін-өзі тану рухани-адамгершілік білім беру Бағдарламасының адамзаттық рухани-адамгершілік мұрасын оқытудың ерекшеліктері.

Цитаттар, ғұлама ұстаздардың адамзат туралы ойлары: Ф. Милетский, Сократ, Платон, Рене Декарт, әл-Фараби, Бұхар-жырау, Қалқаман-ұлы, Абай Кұнанбаев, Шәкәрім Құдайбердиев.

3.Сана арқылы оқыту. Сананың құрлымы. Сананы тазарту. Сананың жоғары деңгейлерін қарастыратын ізгілік психологиясы. Зерттеулер А.Маслоу, К.Г.Юнг, Ш.А.Амонашвили, әл-Фараби, Ш.Құдайбердиев.

Білім беру, ойлау және түсіну үдерісі-олардың бәрі сананың ішінде болады.Санаға бес сезім мүшесі басты әсер етеді: оның ішіндегі екеуі –көру мен есту ақпарат алудың маңызды жолдары болып табылады және білім беру үдерісінің маңызды бөлігін құрайды. Сыртқы әлемнен алынған ақпарат бес сезім мүшесі арқылы түпкі санаға келіп түседі де, онда психоэмоционалдық реңге ие болады. Сондай-ақ түпкі санаға келіп түскен ақпаратты біз қалай қорытамыз, солай біздің эмоциялық күйіміз байқалады. Эмоциямыз жақсы күйде ол жоғары санада, интуициямыз жақсы жұмыс істейді. Рухани деңгейге жетеді.

«Өзін рухани өмірге арнаған адам үшін ең қиыны- САНАны жоғары деңгейінде қол жеткізу ғана емес, оны ұстана білу». Омраам Микаэль. Айванхов (1900-1986)

Демек, біз үнемі санамызды тазарту үшін жақсы ойлар ойлап қана емес, соны іс жүзінде қолдана білуіміз қажет екен.

Сананы тазартуымыз керек. Стакан туралы айту. Сөз маржандарын оқу.



2.«Өзін-өзі тану» рухани-адамгершілік білім беру бағдарламасының аксиологиялық негіздері.

Мәңгілік жалпыадамзаттық құндылықтар.

(ақиқат, сүйіспеншілік, дұрыс әрекет, ішкі тыныштық, қиянат жасамау)

1.Абсолюттік яғни өзгермейтін жалпыадамзаттық құндылықтар.

Құндылықтар Т.И Петракова бойынша 3-ке бөлінеді: табиғи, жүре пайда болған, абсолюттік құндылықтар.

Жалпыадамзаттық құндылықтар.

Ақиқат

Сүйіспеншілік

Дұрыс әрекет

Ішкі тыныштық

Қиянат жасамау

Құндылық ағашы: адам ақиқатты танып, сүйіспеншілікпен дұрыс әрекет еткенде оның жан дүниесінде ішкі тыныштық пайда болады, ішкі тыныштығы бар адам ешкімге қиянат жасамайды.



Жалпыадамзаттық құндылықтардың адам өмірінде көрінуі. Ұлы Педагогтар Адамзатқа өздерінің зерттеулерін сөзбен ғана емес, іспен де көрсетті. Ойлау, сөз және іс әрекеттің бірлігін көрсету. Жалпыадамзаттық құндылықтарды түсіну және ұғыну барлық адамдардың бірігуі туралы ақиқатқа апарар жол. Жалпыадамзаттық құндылықтың және адам тұлғасының құрлымы.

Дұрыс әрекет – физикалық деңгей.

Ішкі тыныштық – эмоциялық деңгей.

Сүйіспеншілік – адамгершілік деңгей.

Ақиқат – интеллектуалдық деңгей.

Қиянат жасамау – рухани деңгей.


3.Ата-аналардың рөлі (қыз балалардың тәрбиесі, ұл балалардың тәрбиесі)

1. Отбасы – адамның жақсылық жасауға үйренетін ең бірінші әлеуметтік ортасы. Сухомлинский В.А. Білім беру арқылы жалпыадамзаттық құндылықтарды отбасында қарастыру. Баланы тәрбиелеудегі ата-ананың рөлі мен жауапкершілік болып табылады. Отбасындағы парыз риясыз сүйіспеншілік болып табылады. «Бәрінен бұрын баланы көруге, түсінуге және сүюге үйрету керек, сосын барып қана оны оқуға үйрету керек». Януш Корчак.

Отбасы – ұлттың, мемлекеттің, әлемнің, адамзаттың негізі болғандықтан отбасын үнемі. нығайтуымыз керек.

Отбасында тыныштық болса – үйде тыныштық болады;

Үйде тыныштық болса – мемлекетте тыныштық болады.

Мемлекетте тыныштық болса – әлемде тыныштық болады.

Балалардың мінез-құлқына кері әсер ететін ата-аналардың қарым-қатынас типтерін қарастырар болсақ.

Орынсыз қамқорлық (бала ата-анасының орынсыз қамқорлығына еті үйреніп, дағдыланғаны сондай, өз бетімен шешім қабылдай алмайды).

Орынсыз жұмсақтық (көнгіштік) (баланың мінез-құлқын бүлдіреді, басқаларға түсіністікпен қарамайды)

Орынсыз қорқыныш, үрей (баланы мазасыз етеді, тіпті психикалық ауруларға апарады).

Жоғары талаптар қою (балалар сасақалақ, жабырқаңқы, тұнжыраңқы болып, сенімсіздік сезімі басым болады)

Кемсіту, елемеу (мұндай сезіммен өскен балаларда агрессия, ашу-ыза басым, қызба болады.).

2.«Отбасылық әліппенің» алтын ережесі ретінде қарастырылатын мына дәйексөзде «Рухани мұғалім жәй мұғалімнен он есе маңызды, әке рухани мұғалімнен жүз есе маңызды, ал ана әкеден мың есе маңызды», деп айтылғандай бала тәрбиелеуде ата-аналардың тәрбиесі басты орынды иеленеді.

-Бала өміріндегі ананың рөлі. Бала өмірінің алғашқы бес жылында міндетті түрде анасымен болуы керек. Әйел сүйіспеншілік пен адалдыққа үйретеді, қарапайымдылық – өмірдің күші, ақиқатты басшылыққа алу-оның күнделікті парызы. . адалдық адамгершілік, – бұл әйел табиғатының мәні. Әйелдің маңызды рөлі – бұл аналық рөлі.

-Бала өміріндегі әкенің рөлі. Әке отбасында ең басты орынды иеленеді. .Дана, көреген болу – ер азаматтың қуаты, Ер азаматтың мінез-құлқы тәртіптілік пен даналыққа үйретеді. Ер азамат – отбасының сыртқы қуаты, сондықтан да ол баласын сыртқы әлеммен таныстырып, оны ақиқатқа және дұрыс әрекетке үйретеді.

Ата-аналардың бала тәрбиесіндегі ең негізгі міндеті болып, дұрыс мінез-құлқын қалыптастыру және бала тәрбиесінде барлық іс-әрекеттер өз шекарасынан шықпауы тиіс. Әркезеде сүйіспеншілік пен тәртіп болуы тиіс.

Қыз баланың тәрбиесі: Ұлтымызда қыз баланы тәрбиелеуде аса мұқият көңіл бөлген. Кішкентай кезінен бастап тазалыққа, адалдыққа, бауырмалдыққа, сүйіспеншілікке тәрбиелеп отырған. Сондай-ақ мына мақалдар: «Қызға қырық үйден тыйм»дегенде қыздың инабатты, тәрбиелі болуын қадағалаған. «Қыз бала -қонақ» деп оны төрге отырғызып құрметін көрсете білген.

Ұл баланың тәрбиесі: Ұл балаларды батылдық пен қайсар мінезді етіп өсіру мақсатында бала күнінен бастап, бір сөзді болуға тәрбиелеген. «Ерді намыс, қоянды қамыс өлтіреді» деген мақал ұл балалардың ережесі секілді қалыптасып келген. Сонымен бірге «Жігітке жеті өнерде аз» деген ұстаныммен ұлдарды өмірдің қандай болмасын сынағынан сүрінбеуді,өз қолынан келетін ісі арқылы отбасына, бүтіндей бір ауылға пайдасы тиетіндей етіп өнерге баулыған.

3.Бейнефильмнен үзінді көрсету.

«Соқыр ана»

Фильмді көріп болған соң, осы бейнебаяннан құндылықтарды ажырату. Мағынасын ашу.


Талдау

Алдын-ала берілген сауалнаманы жинап алу.

Топтық жұмыс: Отбасында қианат жасамауға байланысты 5 құндылыққа байланысты 5 ереже шығарту.

Топпен ән айту Р.Әлғожаның

Қос бәйтерегім 
Әкешім дана болған биік шыңым, 
Үйреткен мына өмірдің барлық сырын. 
Жер бетін кезгенменен, сендердің көздеріңнен, 
Төгілген жылылықты ешкімнен сезбедім мен. 2рет 

Анашым ақ сүт беріп мәпелеген, 
Кешірген көп кетсе де қате менен. 
Анамның алақаны, әкемнің қарағаны, 
Ұқтырды біз екенін бақытқа балағаны. 2рет 

Сендердің арқаларың жүргеніміз 
Алаңсыз бұл өмірде күлгеніміз 
Менің қос бәйтерегім сендерсіз қайтер едім 
Әрқашан бірге болсақ түгел ғой бар керегім.2рет .

Үй тапсырмасы

Балаңызды жақсы көретінізді күнделікті әрекетпен және сөзбен жеткізуге тырысыңыз. Оқудағы жетістігіне бірге қуануды ұмытпаңыз. Келесі біздің жиналысымызға бүгінгі күннен бастап балаңызға деген қарым-қатынасыңыздан қандай өзгерістерді байқадыңыз, соны жазып келу тапсырылады.


Жиналыстың қорытынды сәті: Баяу ән қосылады.

-көзімізді жұмып, тыныштықта бүгінгі жиналысымызды есімізге түсірейік: Ақиқат, Сүйіспеншілік, Ішкі тыныштық, Дұрыс әрекет және Қиянат жасамау құндылықтарын жүрегімізге жеткізіп, оны сақтайық.

Жайлап көздеріңізді ашуға болады.

Семинардың соңында сауалнамаға жауап берулеріңізді өтінемін.

Семинарға белсенді ат салысқандарыңыз үшін алғыс айтамыз. Рақмет!





Мектеп директоры: Елеусизов Н.А.


Мұғалім: Каржасова А.Е.






Материал жариялап тегін сертификат алыңыз!
Бұл сертификат «Ustaz tilegi» Республикалық ғылыми – әдістемелік журналының желілік басылымына өз авторлық жұмысын жарияланғанын растайды. Журнал Қазақстан Республикасы Ақпарат және Қоғамдық даму министрлігінің №KZ09VPY00029937 куәлігін алған. Сондықтан аттестацияға жарамды
Ресми байқаулар тізімі
Республикалық байқауларға қатысып жарамды дипломдар алып санатыңызды көтеріңіз!