Жаңа бағыттағы жаратылыстану пәндері үшін цифрландырудың тиімділігі

KON-03

1.А.А.Ыбраева математика информатика пәні оқытушысы

2.Г. Жақсығалиқызы химия пәні оқытушысы

«Ақтөбе құрылыс-монтаж колледжі» ЖК

Жаңа бағыттағы жаратылыстану пәндері үшін цифрландырудың тиімділігі

Аннотация. Мақалада қазіргі таңдағы Қазақстандағы жаңартылған білім беру бағдарламасы бойынша оқушылардың дағдыларын қалыптастырудың теориялық негізі көрсетілген. Жаңартылған білім беру бағдарламасы бойынша бағалаудың түрлері мен сабақты жүргізудің әдіс-тәсілдері келтірілген. Сонымен қатар сабақта қарастырылып жатқан тақырып бойынша сұрақтарды талдау жұмысы, топтарға бөлініп жұмыс жасау, АКТ-ның пайдалы тұстары және Блум таксономиясы бойынша критериалды бағалау қарастырылған.

Аннотация.В статье рассмотрена теоретическая основа формирования навыков учащихся по обновленной образовательной программе в современном Казахстане. Приведены виды оценивания и методы проведения занятий по обновленной образовательной программе.Также на уроке рассмотрена работа по анализу вопросов по рассматриваемой теме, работа с разбивкой по группам, полезные моменты ИКТ критериальное оценивание по таксономии Блума.

Annotation. The article considers the theoretical basis for the formation of students skills according to the updated educational program in modern Kazakhstan. The types of assessment and methods of conducting classes according to the updated educational program are given. Also in the lesson, the work on the analysis of questions on the topic under consideration, work with a breakdown by group, useful points of ICT a criterion assessment based on Bloom's taxonomy are considered.

Әр ұстаздың мақсаты – оқушыны оқытып қана қоймай, тиімді жолды таңдай отырып, жаңа заман тұлғасын қалыптастыру.

Бүгінгі білім берудегі жаңа негізгі бағыт –цифрландыру.

Қазіргі оқытушыны компьютерсіз, интерактивті тақтасыз және басқа компьютерлік техникасыз елестету мүмкін емес. Цифрландыру –оқу үдерісін жаңғыртудың маңызды бағыттарының бірі. Бұл үрдіс білім деңгейін көтеруге ғана емес, ақпараттық құзыреттілігін дамытуға, жеке тұлғаның интеллектуалдық әлеуетін ашуға мүмкіндік береді.

Қазіргі заманға сай оқу құралы мен электрондық қолданбалар, компьютерлер өз кезегінде білім алушының өз бетінше білім алуына жағдай жасап отыр. Оқытушының міндеті –білім алушының шығармашылық дербестігін дамытуға көмек беру, ең тиімді жолдар арқылы келесі тапсырмаға өтетіндігіне ынталандыру бағасын ұсыну [1].

Жаңартылған білім беру әдістерін сабақ жоспарларын құруда барысында білім алушылардың деңгейлері ескеріледі . Сабақ өткізу барысында әдіс-тәсілдерді тиімді пайдалана отырып, білім алушылардың пәнге деген қызығушылығын арттыруда әр саламен ұштастырып функционалдық сауаттылыққа үнемі тапсырмалар әзірленеді. АКТ қолданып құрастырылған тапсырмалар барлық білім алушылардың қызығушылығын тудырып, уақытты тиімді пайдалануға мүмкіндік береді. Төменде осы стратегияларды пайдаланып жазылған жаратылыстану бағытындағы пәндер үшін әзірленген белсенді оқыту әдістері мен платформалардың тиімділігі көрсетілген :

Белсенді оқыту әдістері мен платформалардың тиімділігі

АКТ әдістерін пәндерді оқытуда төмендегідей бағыттарда қолдануға болады:

• Талдау жасау үшін компьютер немесе интерактивті тақта арқылы тақырып бойынша көрнекілік ретінде суреттер, диграмма мен бейнероликтерді кеңінен пайдаланады

• Білім алушылардың есту, көру қабілеттерін дамыту үшін табиғаттағы заңдылықтар мен үрдістерді анимация арқылы қолдану тиімді.

• Мультимедиялық оқулықтар көмегімен күрделілігі жөнінен түрлі деңгейдегі тапсырмаларды орындауға болады.

• Алған білімдерін тексеріп, бекіту өте тиімді. Қазіргі кезде оқытудың жаңа үрдісіне сай мектепте барлық пәндерден тест әдісі кеңінен қолданылады. Тақырыпты ашуда, қорытып қайталауда тест тапсырмаларын білім алушылар қызыға орындайды.Оқытушының дайындаған wordwall, plickers,canva, kahoot.it, learningApps.org интерактивті оқу әдістемелік қосымшалардағы арнайы платформаларда тапсырмалар орындап жаңа білімді меңгереді. Әрбір білім алушы ұсынылған тақырып бойынша ақпаратты іздейді, сабақ барысында дұрыс қолдануды, жеке, жұппен, топпен жұмыс жасаудыоның тиімді тұстарын жүзеге асыруды, өзін-өзі және өзгелерді бағалауды үйренеді.

• Сонымен қатар виртуалды зертханалық жұмыстар жүргізуде де пайдасы өте зор.

Көрсетілген педагогикалық әдіс-тәсілдердің негізгі жетістігі- ынталы білім алушылардың санын көбейту және тиімді оқыту мүмкіндігі. Қорытындылай келе, жаңартылған білім беру мазмұны бойынша шығармашылық ойлаудың әдістері мен құралдарын қолдануға негізделген білім беру нәтижелері жүйесін меңгеру ретінде білім алушы өзінің оқу іс-әрекеті мен шығармашылық қабілеттерін дамыту мақсаттары мен тұлғалық мәнін түсінуі маңызды рөл атқарады. Білім алушылардың зердесін ашуда зор мүмкіндіктерге ие болады.Оқытушылардың шығармашылық ізденісі мен шеберлігі артады, цифрлық технологиялардың білім беру жүйесіндегі маңызы көрінеді. Дайындығы әртүрлі деңгейдегі білім алушының әлеуеті жетіліп, дамыта оқытуға көптеген артықшылықтар береді

Кілт сөздер : платформа, цифрландыру, технология, интерактивті, мобильді қосымшалар,

Ключевые слова: платформа, технология, интерактивный, мобильные приложения

Keywords : platform, technology, interactive, mobile applications

ӘДЕБИЕТТЕР ТІЗІМІ:

1.Мұғалімге арналған нұсқаулық. Үшінші базалық деңгей. ІІІ басылым. «Назарбаев Зияткерлік мектебі» ДББҰ, 2012.

2. Шоханова Р. Сын тұрғысынан ойлау // Ж.: Химия мектепте, 2016. – №5(83).– 9-10 б.

3.Білім мазмұнын жаңарту аясында «химия» оқу пәнін оқыту бойынша (7-9-сыныптар) әдістемелік ұсынымдар. Әдістемелік ұсынымдар // Астана: Ы. Алтынсарин атындағы Ұлттық білім академиясы, 2018. – 136 б.

4.Жетебаева ГЦифрландыру бүгінгі білім берудегі жаңа бағыт https://multiurok.ru/files/tsifrlandyru-bugingi-bilim-berudegi-zhana-bagyt.html

5.https://daryn.online/article

6.З.Р.Мурзабекова «АКТ -ныоқу-тәрбие процесінде пайдалану»