ЖАҢА ЗАМАН ҰСТАЗЫ Қазақстан Республикасының Президенті Н.Ә.Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» атты Қазақстан халқына Жолдауындағы жаңа әлем көшбасшыларының қатарына қосылу үшін ұсынған «Адами капитал- жаңғыру негізі» 7 міндетінде білім берудің жаңа сапасына қалай жетуді нақтылап берген. Онда Елбасы: «Білім беру бағдарламаларының негізгі басымдығы өзгерістерге үнемі бейім болу және жаңа білімді меңгеру қабілетін дамыту болуға тиіс», - деп бастап білім беру саласындағы дара даму, ерекше оқыту сапасы, білім бәсекелестігін арттыру жолындағы өзгерістер мен жаңартылған мазмұны туралы нақты қадамдарды анық жеткізген. Расында, бүгінгі әрбір күніміз өзгерістер мен жаңашылдықтарға толы, бүгінгі заман ұстазының алдында үлкен міндеттер тұр. Әрине, бұрынғы қазақ даласындағы ағартушылық қызмет балаға жазу- сызу, оқуды үйретуге ғана саятын болса, бүгінгі таңдағы білім беру мүлде басқаша. Бүгінгі ұстаз шәкіртіне ғылым негіздерінен мәлімет беріп қана қоймай, оны дүниежүзілік білім, ақпарат, экономика кеңістігіне шығуға, қатаң бәсеке жағжайында өмір сүруге тәрбиелеуі керек. Ол нағыз ұстаздың ғана қолынан келеді. Бүгінгі ұстаз өз кәсібінің майталманы, осы мақсатқа рухани күш – жігерін, парасат – қуатын салған тұлға екені белгілі. Бұл – әркімнің қолынан келе бермейтін, ерекше талантты қажет ететін, ішкі жан дүниесі керемет адамға тән қасиет. Десек те, бүгінгі ұстазға нормативтік – құқықтық актілерді өз еңбек өмірінде қолдана білуі қажет. Қазақстан Республикасы Білім және ғылым министірінің міндетін атқарушының 2016 жылғы 8 қаңтардағы №9 бұйрығымен бекітілген «Педагогикалық әдеп қағидаларында» нақтыланған педагогикалық әдептің негізгі қағидаттары және педагогикалық әдептің негізгі нормалары ұстаз тарапынан берілген кез – келген біліммен қоса ұштастырылып берілуін қажет етеді. Педагогикалық әдептің негізгі қағидаттары мыналар болып табылады:1.Алалдық: Педагог адалдығы олардың оқыту мен тәрбиелеу нәтижесіне, өз қызметіндегі түзетулерді жүзеге асыра білуіне, сынға және рефлексияға қабілетін дамытуға, оқушылардың, ата – аналардың, әріптестердің кез келген пікірі үшін ашықтығына жауапкершілігін білдіреді;2.Әділдік: Педагог әділдігі оның бағалау қызметінің ашықтығын, олардың құрған білім беру ортасының айқындылығын білдіреді. Әділдік педагогке оқушының, оның ата – анасының (заңды өкілдерінің), әріптестерінің құқығын бұзуға тыйым салады;3.Өзінің абыройын және қадір – қасиетін құрметтеу: Педагог өзінің кәсіби назарындағы обьектілер болып табылатын оқушының, ата-ананың, адамдардың абыройы мен қадір – қасиетін құрметтейді, олармен қарым – қатынас жасауда өнегелі. Ол баланың дамуын шынымен қалап, оған әрқашан көмектесуге дайын екендігін білдіріп, білім алушының жетістігін (жетіспеушілігін) бағалауда әдептілік танытады. Осы орайда қазақтың аса көрнекті ағартушы- педагогі, жазушы, қоғам қайраткері Ы.Алтынсариннің мағынасы терең жатқан сөзі қанша жыл бұрын айтылса да, өзектілігін бүгін де жоғалтпаған: «Адамның адамгершілігі жақсы ұстаздан болады»
Асия Кошкинбаева Қарасай ауданы Ж.Бәрібаев атындағы орта мектеп