Жаңартылған білім беру мазмұны бойынша тиімді оқыту технологияларын тәжірибеде қолдану

Жеңсікбаева Асылзат Нұрлыбекқызы

«Көркем еңбек және дизайн» кафедрасының оқытушысы.

Қ.Жұбанов атындағы Ақтөбе өңірлік университеті.

Ақтөбе облысы, қ.Ақтөбе

asyl_sweet_94@mail.ru

Жаңартылған білім беру мазмұны бойынша тиімді оқыту технологияларын тәжірибеде қолдану

Қазақстан Республикасының Конституциясында айтылғандай еліміздің ең қымбат қазынасы – адам. Халқымыз өз ұрпағын тәрбиелеуге әрқашан үлкен мән берген. Мемлекетіміздің білім беру үдерісіне енген жаңартылған білім беру бағдарламасы-заман талабына сай келешек ұрпақтың сұранысын қанағаттандыратын бағдарлама. Білім беру жүйесі қоғамның әлеуметтік – экономикалық дамуында жетекші роль атқарады, сондай-ақ оны әрі қарай айқындай түседі. Елбасымыз Н.Ә.Назарбаев айтқандай: «Болашақта өркениетті дамыған елдердің қатарына ену үшін заман талабына сай білім қажет. Қазақстанды дамыған 50 елдің қатарына жеткізетін терезесін тең ететін-білім». Сондықтан,қазіргі даму кезеңі білім беру жүйесінің алдында оқыту үрдісінің технологияландыру мәселесін қойды. Қазіргі білім беру жүйесінің мақсаты – бәсекеге қабілетті маман дайындау. Кез келген мұғалімнің алдында бүгінгі ақпараттандыру, жаһандану заманында «Нені оқытамыз? Қалай оқытамыз?», «Бәсекеге қабілетті тұлғаны қалай дамытамыз?» деген сұрақтармен қоса, «Біз қоғамның талап етіп отырған нәтижелеріне қол жеткізіп отырмыз ба?» деген сұрақтардың туындары сөзсіз. Біреулер оқыту үдерісінің нәтижелілігін студенттердің білімдерінің стандартқа сай болуынан көрсе, енді біреулері олардың алған білімдерін өмірде өз қажеттеріне жарата алуымен өлшейді.

Мұғалімнің кәсіби білімін жетілдірудің ең бір тиімді әдісі бұл Lesson Study. Lesson Study - мұғалімдер тәжірибесі саласындағы білім жетілдіруге бағытталған ынтымақтастық педагогикалық тәсіл. Lesson Study – ге жоспарлау, оқыту, қадағалау, оқыту мен оқуды талдау, өз қорытындыларын тұжырымдап, құжаттарды бірлесіп жүзеге асыратын мұғалімдер тобы қатысады. Lesson Study -дің циклін өткізген соң мұғалімдер педагогикалық тәсілдерді түрлендіріп немесе жетілдіріп, кейіннен ашық Lesson study , таныстырылым өткізу, баспада жариялау арқылы әріптестеріне таратады.

Қазіргі заманның дамуы мұғалімдерден шығармашылығы жаңаша, ғылыми зерттеу жұмыстарын жүргізуді талап етуде. Білім мазмұнын жаңарту, жаңа әдістерді қарастыру, студенттерге арналған білім беру бағдарламасы оқу мен оқытудың тиімділігін арттыру,білім сапасын қамтамасыз ету, нақты проблемаларды жетілдіру арқылы қол жеткізеді.

Біліктілікті арттыру бағдарламасының негізгі мазмұны жеті модуль Жаңартылған білім берудің маңыздылығы – оқушы тұлғасының үйлесімді қолайлы білім беру ортасын құра отырып сын тұрғысынан ойлау, зерттеу жұмыстарын жүргізу, тәжірибе жасау, АКТ-ны қолдану, коммуникативті қарым- қатынасқа түсу, жеке, жұппен, топта жұмыс жасай білу дағдыларын қалыптастыру болып табылады.Бұл бағалау жүйесінің артықшылығы, баланың ойлау қабілетін дамытып, ғылыммен айналасуына мүмкіндіктер ашады. Бағалаудың өзі қалыптастырушы және жиынтық барлық пәндерде қолдану түрінде берілген. Келешек ұрпағымызды ынталы, сенімді,сыни тұрғыдан ойлау қабілеттері жоғары, өз көзқарастарын айта алатын тұлға етіп қалыптастыру міндеттелген. Болашақ мамандардың кәсіби шеберлігін жетілдіруде студенттерге бағдарлама арқылы оқытудың сан қырлы жолдарын үйретуге, теориялық және практикалық жақтарын, ЖОО тәжірибесінде табысты қолдануға тырыстым.

Курс барысында студенттердің шығармашылық ізденістері мен жеке тұлға болып қалыптасуына септігі мол. Осы орайда бұл курстың маңызы зор деп айта аламын.

Қорыта айтқанда, аталмыш бағдарламаның мәні, баланың функционалды сауаттылығын қалыптастыру. Білім алушы алған білімдерін өз өмірінде қолдана білуін қалыптастыру. Шын мәніндегі ұстаз өз мамандығын шексіз сүйетін, бала үшін ғұмырын құдіретті деп санайды, тек осындай зиялы азамат қана бұл бағдарламамен жұмыс істей алады.Үйренгеніміз де, үйренеріміз де көп.