Жаңаша білімге-жаңаша көзқарас эссе

Ақтөбе облысы Байғанин ауданы

С.Жиенбаев атындағы орта мектеп

бастауыш класс мұғалімі

guljan7472 @mail.ru

Жаңаша білімге –жаңаша көзқарас

Ұстаз жолы қиынырақ басқадан Сырлары мол әлі сыртқа шашпаған Шаршаса да осы жолдың бойында Қандай жақсы шын бақытын тапса адам

Қазақстан Республикасының 2010-2015 жылға дейінгі білім беруді дамытудың мемлекеттік бағдарламасында бастауыш сынып оқушыларын оқытуға ерекше мән берген.Онда бастауыш мектепте қажетті біліктер мен дағдыларды игеруге оқу,жазу,санау,шығармашылықпен ойлау қабілеттерін дамытатындай оқу әрекетін ұйымдастыру атап көрсетілген және оқушының жеке тұлға болып қалыптасуына мүмкіндігін ашу,білігін қалыптастыру көзделген.Ал аталған бағдарлама мұғалім оқушыға алдын-ала бәрін өзі дайындап бермеуі тиіс,оқушы өзі ізденеді.Ал мұғалім оқушының оқуын,ақыл-ой дамуын ұйымдастыруы,оған басшылық жасауы қажет..Ал бұл істің қайнар көзі білім ордасы-мектеп,ал мектептің жаны-мұғалім.Олай болса ел сенген мектеп мұғалімі: «Оқыту дегеніміз-екі есе оқу»деген қағидаға сәйкес болуы керек.Бұл тәсілді пайдаланғаннан бері сыныптағы үлгерімі төмен,ұяң оқушыларға тигізер ықпалының зор екенін байқадым.Осындай оқушылардан сабақ сұрағанда, «жауабым дұрыс болмай қала ма»деп тартыншақтайтынын,өздеріне сенімсіздіктерін байқайтынмын.Ал қазір « Сендерге бүгінгі сабақ ұнады ма?Сыныптастарың неге дабырласып жатыр?Олардың арасында болғың келе ме?,ал мәтіндегі оқиға желісіне орай: «Оқиға барысында әрі қарай не болар екен?Соңы қалай аяқталады деп ойлайсыңдар?Сен қалай аяқталғанын қалар едің?Неліктен солай ойладың?»деген сияқты ашық сұрақтар арқылы жетелеп білгенін айтуға ұмтылдырсам,топтық жұмыс арқылы бірлесе ынтымақтаса жұмыс жасауға үйретемін.Бұл тәсілдің тиімділігі сол-оқушының өзі өзденіп дәлелдеуі.Бұрын оқушы тек қана сабақты тыңдап,үйреткенді қайталап айтушы болса,енді ол ізденуші,ойланушы,тың жауап беруші және өз ойын дәлелдеуші.Ал мұғалім-осы әрекетке бағыт беруші,ұйымдастырушы.Қазіргі таңда 1класпен жұмыс жасап жатырмын.Әрине мектеп табалдырығын алғаш аттаған,жаңа сауаттанып жатқан балаларға бұл тәсіл түрлерін түгелдей қолдану қиындық туғызады,себебі әр баланың қабылдауы,есте сақтауын ескермегеннің өзінде отыру,тұру,тақтаны пайдалану,кітапты ұстау жалпы ережені меңгеру өз алдына бір жұмыс.Дегенмен бір жылдың өзінде топтық жұмыс,топпен жұмыс жасаудың ережелерін меңгеріп алды.Алдағы уақытта жұмыс нәтижесін береді деп есептеймін.Бала бақыты-білімде. «Білім - бір құрал.Білімі көп адам құралы сай ұста сықылды,не жасаса да келістіріп жасайды.»«Тоқсан ауыз сөздің тобықтай түйінін» айтар болсам,жеке тұлғаның дамуына жағдай туғызу,мектептен шыққан шәкіртті өмірге даярланған азамат ету ұстаздар алдындағы зор міндет

Мукамбетказина Г.Н