"Жақсы деген немене,Жаман деген немене"

Сабақтың тақырыбы: Жақсы деген немене,

Жаман деген немене.

Сабақтың мақсаты:

а) Білімділік: Балаларға жақсы мен жаманды айыра білуге, жақсылық жасауға, жамандықтан қашуға үйрету.

ә) Дамытушылық: Балалардың дүниетанымын, ақыл-ойын, танымын, шығармашылығын арттыру. Жақсы мен жаманды салыстыра білу іскерліктерін дамыту.

б) Тәрбиелік: Балаларды еңбексүйгіштікке, жақсы істер мен әрекеттер жасауға, жаман қасиеттерден аулақ болуға тәрбиелеу.

Сабақтың түрі: жарыс сабақ

Сабақтың әдісі: түсіндіру, көрініс, өлең-тақпақтар оқу, топтастыру, ой қозғау.

Сабақтың көрнекілігі: сурет, топтастыру, сызба, кесте, үнтаспа, қанатты сөздер.

Сабақтың барысы:

І. Ұйымдастыру кезеңі. Тыныштық сәті.

ІІ. Жаңа сабақ

Сабақтың тақырыбын ертегі жұмбақ жасыру арқылы ашу.

«Жақсылық пен жамандық» ертегісін балаларға баяндап беру.

Бүгінгі жарыс сабағына 4 «А», 4 «Ә» сынып оқушылары қатысады. Оқушылар екі топқа бөлінеді.

4 «А» сынып «ӘДЕПТІЛІК» тобы

Топ басшысы: Бердібай Назерке

Топ ұраны: «Ата-анаңның ақылы –

Сайрап жатқан жолмен тең»

4 «Ә» сынып «СҮЙІСПЕНШІЛІК» тобы

Топ басшысы: Рахметқызы Манат

Топ ұраны: «Ақылдының ақылы –

Сарқылмайтын көлмен тең»

Сабақтың шарттарымен таныстыру:

1. Көркем сөз – көңіл кілті.

2. Адам болам десеңіз...

3. Мақал - сөздің мәйегі.

4. Түйінді ой жүректен орын алса...

5. Өнерлі болсаң, сынға түс.

Әділ – қазылар: бастауыш сынып мұғалімдері

1- сайыс: «Көркем сөз – көңіл кілті»

Мұғалім: Өмір таны, өнер қу,

Өнер табу – ол да оқу.

Талаптансаң, тартынба

Өз күшіңде жол табу.

«ӘДЕПТІЛІК» тобы «Үш ұл» атты ертегісіне көрініс көрсетеді.

Назерке – автор

Оразхан – қария

Бірінші ана – Зарина, баласы – Айда

Екінші ана – Айтолқын, баласы – Зияда

Үшінші ана – Ұлбала, баласы – Иманғали

«СҮЙІСПЕНШІЛІК» тобы «Сүйіспеншілік» мәтініне көрініс көрсетеді.

Манат – автор

Гүлмира - әйел

Қуат – отағасы

Шұғыла – баласы

Мұхит – байлық

Қажмұхан – сүйіспеншілік

Рамазан – сәттілік

2 - сайыс: «Адам болам десеңіз...»

Мұғалім: Ғылым таппай мақтанба,

Орын таппай баптанба.

Құмарланып шаттанба.

Ойнап босқа күлуге.

Бес нәрседен қашық бол,

Бес нәрсеге асық бол,

Адам болам десеңіз.

«ӘДЕПТІЛІК» тобы адамның бойындағы жақсы қасиеттер туралы өлең-шумақтарын оқиды.

«СҮЙІСПЕНШІЛІК» тобы адамның бойындағы жаман қасиеттер туралы өлең-шумақтарын оқиды.

3 - сайыс: «Мақал – сөздің мәйегі»

Мұғалім: Биязы мінез тіл алғаш,

Бал-бұл жанып жүретін

«Әдептілік»: Бауырмалдық сол - ?

(Жақсы)

Ұшып – қонып жүретін,

Шегірткедей жеңілтек,

Ұшқалақ болсаң сол - ?

(Жаман)

Ашу деген бәледен,

Алшақ жүріп жанаспай,

Ақылды болсаң сол - ?

( Жақсы)

Мұғалім: Беті-қолың кір-кір боп,

Берекесіз ыржақтап,

«Сүйіспеншілік»: Бейбастық өссең сол - ?

(Жаман)

Үйдің ішін тазалап,

Үстіңе де қарайлап,

Үлгере алсаң сол - ?

(Жақсы)

Ата-ананың ақылын,

Ала білмей кезінде,

Ақымақ болсаң сол - ?

(Жаман)

3 – сайыс бойынша «Әдептілік» және «Сүйіспеншілік» топтары жақсылық пен жамандық туралы мақал-мәтелдер мен қанатты сөздер айтып жарысады.

4 – сайыс: «Түйінді ой жүректен орын алса...»

Мүғалім: Ұқыпты болуға (болады)

Әдепсіз болуға (болмайды)

«Әдептілік» Мейірімді болуға (болады)

Ұқыпсыз болуға (болмайды)

Мұғалім: Білімді болуға (болады)

Жаман болуға (болмайды)

«Сүйіспеншілік» Дос болуға (болады)

Мейірімсіз болуға (болмайды)

4-сайыс бойынша «Әдептілік» және «Сүйіспеншілік» топтарына жақсы қасиеттер мен жаман қасиеттерді топтастыру стратегиясы беріледі. 4-5 минут уақыт бөлінеді. Оқушылар тапсырманы орындап болғанша әуен ойнап тұрады.

5 – сайыс «Өнерлі болсаң, сынға түс»

Мұғалім: Өнер сүйсең жиренбе,

Дамыта бер, үйрен де!

«Өнер алды кең»,- деп біл,

Қалсын үлгі кейінге!

Әр топ дайындап келген өнерлерін ортаға салады.

«ӘДЕПТІЛІК» тобы би билейді.

«Көңіл толқыны» күйіне бишілер – Назерке, Зияда, Айда, Айтолқын.

«СҮЙІСПЕНШІЛІК» тобы би билейді.

«Ұлытау» күйіне – бишілер Манат пен Шұғыла.

Сабақты қорытындылау:

Әділ-қазылар балалардың жинаған балын топтап, жеңімпаз топты анықтайды. Қорытынды сөз айту.

Мұғалім: Балалар, бүгінгі «Жақсы деген немене, Жаман деген немене» атты сабағымызда өз бойымызға қандай ұранды ұстандық.

Оқушылар: Жақсылықтан үйреніп,

Боламыз біз жақсы адам.

Жамандықтан жиреніп,

Үлгі аламыз жақсыдан.

Сабаққа белсене қатысқан оқушыларды мақтау, мадақтау, сабаққа деген қызығушылықтарын арттыру.