Орындаған:

КМҚК «Құрылыс колледжі»

директордың тәрбие ісі

жөніндегі орынбасары

Хуанар А

ЭССЕ

Жас ұрпақ сіңіретін мәдени құндылықтардың әсерінен тұлға қалыптасады.

Қазақ салт-дәстүрінде рухты көтеретін, жас ұрпаққа құндылық дарытатын мәдени-тәрбиелік маңызы зор бірқатар заңдылықтар бары бәрімізге аян. Мәселен, бала туғығанда қарын шаш жіберіп, тұлым өсіріп, атқа мінер шағында тұлымын кесіп, атқа қондырған дала мәдениеті, баланың тақымы берік, тізгінді,намысты болуға жетелейді. Тұлға қалыптасу үшін, шаранада жатқан сәттен тәрбие берген жөн деп жатады. Ол да шындыққа жанасады. Себебі, бала ананың жатырында жатқанда қазақи құндылығы жоғары күй, терме сынды тәрбиелік қасиеті терең дүниелерді тыңдайтын болса, бала едәуір момын,сабырлы болатындай. Ойшыл бала қайдан шығады.Меніңше отбасында қазыналы қарты бар үйдің балалары ақылға зерек,еңбекке елгезек болатыны хақ. «Ата көрген оқ жөнар,ана көрген тон пішер»,- деген халық даналығында. Ата сөзі балалы, ана аузы дуалы, болған отбасында жас ұрпақ мәдени құндылықтарды өз бойына сіңіре отырып, қоғам баспалдағынан жоғары шығары сөзсіз.

Қазақ халқының салт-дәстүрінің ұрпақ тәрбиесіне қосар үлесі аса зор, мәні үлкен. Ендеше құрметті ата-аналар, ұстаздар оқушыларымызға білім беру барысында ұлттық салт-дәстүрлерді пайдалану олардың ұлттық рухты қалыптастыруға мол үлесін қоспақ. «Баланы жастан» демекші, мектеп оқушыларының санасына халқымыздың тәрбие негізі, асыл қазынасы – салт-дәстүрлерін дұрыс жеткізе білсек, ертеңгі күні олардан зор ұлтжанды қазақ азаматы шығатынына кәміл сенуге болады.

    Ұлттық тәрбие – біздің ұрпақтан-ұрпаққа жеткізетін асыл қазынамыз. Біздің ұлттық өнеріміздің, мәдениетіміз бен дәстүрлеріміздің алдыңғы қатарлы үлгілерін, тіліміздің орасан зор байлығын жас жеткіншектердің жан дүниесіне сіңіріп, сол арқылы әлемдік рухани өркениеттің өріне шығып, нәр алу – бүгінгі күн талаптарының маңыздысы. Ата-бабаларымыздың сан ғасырлар бойы ұрпағына азық болған ақыл-кеңес, өсиеттері, асыл мұрасы ұлттых рух, ұлттық мақтаныш, ұлттық намыс, ана тілі мен ұлттық мәдениетін қалыптастыру сезімін ояту – баршамыздың парызымыз. Сонда ғана ұлттық сана-сезімі толыққанды жетілген, туған тілін еркін білетін, ұлттық сипаты мен ұлттық рухын жоғалтпаған ұрпақ тәрбиелей аламыз.

Қазақ қашанда ұрпағының толыққанды тұлға болып қалыптасуына атсалысып жырлары, әпсаналары, ертегілері арқылы бала кезінен ұлттық тәрбиені бойына сіңіріп отырған. Адал, арлы азамат тәрбиелеу, яғни «Малым жанымның садағасы, жаным-арымның садағасы»- деп ата –бабамыз өсиет еткен. Тамырын тереңге жайған саналы ұрпақтарымыз көп болсын.