Желілік қоғамдастық-кәсіби өсу негізі

Желілік қоғамдастық-кәсіби өсу негізі

Мұғалімдер –өзгеріс енгізу тетігі.

Басшылар мұғалім жұмысының тиімділігін бақылап, мониторинг және бағамдау жүргізу үшін жаңа педагогикалық тәсілдерді игеруі қажет. Оқытудағы көшбасшы ретінде мектеп басшылары тиімді тәжірибе қоғамдастығын құрып, онда үздіксіз кәсіби дамудың жоғары деңгейге көтеріліп, мектептегі жұмыстың ажырамас бөлігіне айналуына ықпал ете алады. Осы орайда Сарқан ауданның 7 мектебі желілік қоғамдастыққа біріктіріп, жұмысты циклды түрде ұйымдастыруды жөн көрдік. Ол сауалнама жүргізу арқылы қажеттілікті анықтаудан басталды. Жаңа деректерге сәйкес, қазіргі ақпараттық қоғамда табысты болу үшін балалар мен жастар түсінік пен тәуелсіздікті арттыратын белсенді сындарлы оқудың тиімді тәсілдеріне тартылуы тиіс.

Желілік қоғамдастықтың мақсаты: бірыңғай ақпараттық кеңістікті құру, тәжірибе алмасу, қолдау, ынтымақтастық орнату, табысты педагогикалық практикаларды тарату, кәсіби тақырыпқа формалды және формалды емес байланысты ұйымдастыру, жаңа білім бастамаларын қолдау. Осы мақсаттарды басшылыққа ала отырып 2020 жылдың 28 ақпан күні Беисова Назгүл Ахметовна басқарып отырған Екіаша орта мектебінде «Жаңартылған білім беру мазмұны бойынша оқытудағы жаңа әдіс-тәсілдер» атты тақырыбында жетекші мектептің тірек мектептерге арналған семинары ұйымдастырылды. Аманбөктер, Теректі, Бірлік, Тасарық, Жетісу, Қараултөбе, Көкөзек орта мектептерінің қоғамдық-гуманитарлық пәндері мұғалімдерінің басын қосып «Жаңартылған оқу бағдарламасы бойынша қоғамдық-гуманитарлық бағыттағы пәндерінің оқу мақсатына жетудің тиімді жолдарын дамыту» мақсатында ашық сабақтарын назарларына ұсынды. Жұмыс кезеңдері екіге бөлінді: бірінші кезеңі «Тәжірибе алмасу алаңы» және екінші кезеңі «Флеш алаңы».

Бірінші алаңда ашық сабақтар көрсетілді. Онда қазақ тілі сабағын 7 «А» сыныбында «Ас-адамның арқауы» тақырыбы бойынша Н.Калкеева, Л.Габдулина, Ж.Шарова; орыс тілінен 8 «А» сыныбында «Национальная еда» - С.Жаксылыкова, Б.Нусупов, Б.Сыдыкова; ағылшын тілінен 6 «А» сыныбында «Yong writers» - Т.Догоманова, М.Каирбекова, Н.Рымбаева; тарих пәнінен 9 «А» сыныбында «ХХ ғасырдың екінші жартысындағы білім беру жүйесімен ғылымның дамуы» К.Жаксылыкова, Ч.Каирбеков, З.Баликенова өз тәжірибелерімен бөлісті. «Үштік» әдісі арқылы үш пән мұғалімі бірігіп сабақ өткізді. Дайындық кезеңінде бірлесіп отырып сабақ жоспарын құру барысында әр кезеңдерін ойластырып, онда сабақ мақсаттарының қолжетімділігі, оның орындалуы, тиімді жолдары, мұғалімнің сабақтың әр кезеңінде уақытты тиімді пайдалануы, мұғалімнің рефлексиялық әрекеттерді жүзеге асыруы, сабақтағы топтық жұмыс, мұғалімнің сабақ барысында критериалды бағалау жүйесін пайдалана білуіне көп назар аударылды. Бірге жасаған жұмыс та жемісті болғаны анық болды.

Қалыптастырушы бағалау тәсілдерін білу, осы тәсілдердің тиімділігін түсіну және іс-тәжірибесіне енгізу мақсатында «Критериалды бағалаудың тиімділігі» тақырыбында мектептің көшбасшылары З.Рымбаева, Г.Ескендирова және А.Акимжанова коучинг өткізді. Критериалды бағалаудың басты ерекшеліктеріне тоқталды: алдын-ала ұсынылған бағалау шәкілі, балдардың әділдігі және өзін бағалауға мүмкіндіктің берулуі. Мұғалімдердің ойларын қорытып, рефлексия барысында алған әсерлерімен бөлісті.

«Флеш» алаңында мектептің педагогтары Б.Калкеева, К.Молдахметова семинарда өткен сабақтары бойынша мұғалімдерімен «SWOT» талдау жүргізілді. Нәтижесінде: негізінде өздерін оқушы ретінде көретін мұғалімдер мол табысқа жетеді, себебі олар өздері де білім алады. Жұмыстың жаңа жолдарын және жаңа идеяларды оқыту туралы ойланудың нәтижесінде алған тәжірибесі ол мұғалімдердің жұмыс стилін дамытуға ықпал етеді. Желі көшбасшысы өзгеріз енгізіп, эксперимент жүргізуге арналған негіз ретінде сенім қалыптастыра отырып, желі мүшелерінің арасында делдал болып, бұл қарым-қатынастарға қолдау мүмкіндігі дағдысы қалыптасты.

Ибраева Асель Ертулеувна

«Екіаша орта мектебінің» КММ

әдістеме жөніндегі орынбасары