Жиынтық бағалау тапсырмалары

В бөлімі

«Қазақ тілі» пәнінен 7-сыныпқа арналған 4-тоқсан бойынша

Жиынтық бағалау тапсырмалары

4-ТОҚСАН БОЙЫНША ЖИЫНТЫҚ БАҒАЛАУ СПЕЦИФИКАЦИЯСЫ

Бөлімдер : «Жеңіс күні. Ұлы ерлікке тағзым»

«Ғылыми фантастика»

Жиынтық бағалауға шолу

Ұзақтығы: 40минут

Оқылым – 15минут

Жазылым – 25 минут

Тыңдалым мен айтылым бөлек тексеріледі.

Тапсырмалар түрлері

Көп таңдауы бар сұрақтар

Қысқа жауапты қажет ететін сұрақтар

Толық жауапты қажет ететін сұрақтар

Жиынтық бағалаудың құрылымы

Тоқсандық жиынтық бағалаудың нұсқасы 3 компоненттен тұрады: біріншісі – тыңдалым, айтылым және әдеби тіл нормаларын, екіншісі – оқылым және әдеби тіл нормаларын, үшіншісі – жазылымжәне әдеби тіл нормаларын тексеруге арналған.

Тоқсандық жиынтық бағалау тапсырмаларының сипаттамасы

«Қазақ тілі Т1» пәнінен IV тоқсан бойынша жиынтық бағалау тапсырмалары

Тыңдалым мен айтылым

Тапсырма

1. Мәтінді оқып шығыңыз. Проблемалық сұрақтарға тыңдалған мәтіннен деректер келтіре отырып, дәлелді жауап беріп, өзгенің жауабымен салыстырып, талқылап, мазмұндауда қолданып, көтерілген басты мәселені анықтаңыз. Өз көзқарасыңызды жан-жақты тұжырымдап, мысалдар арқылы дамытып, дәлелдеңіз.

2. Өз жұбыңызды мұқият тыңдауға тырысыңыз. Оның мәтіні бойынша маңызды деп санайтын екі сұрақ қойыңыз. Оның мәтінінің басты идеясын анықтауға белсенді қатысып, пікіріңізді білдіріңіз.

[10]

1-мәтін

1939 жылдың 1 қыркүйегінде фашистік Германия Польшаға шабуыл жасады. Кейін Англия жəне Франция бұл мемлекетке қарсы соғыс жариялаған соң, екінші дүниежүзілік соғыс басталды. Ал 1941 жылдың 22 маусымында фашист әскерлері Кеңес Одағына соғыс ашты. Оған әлемнің 72 мемлекеті қатысып, 62 миллион адам ажал құшты. 1941 жылдың 22 маусымында фашистік Германия КСРО-ға тиесілі Брест қамалына (Беларусь) шабуыл жасаған соң, Ұлы Отан соғысы басталды. КСРО-да жүргізілген 1939 жылғы халық санағы бойынша Қазақстанда 6,2 миллион адам тұрған. Соғыс жылдары кеңес әскері қатарына 1 миллион 200 мың қазақстандық шақырылды. Оның 601 мыңы туған жерге оралған жоқ. Қазақстаннан барған әскерлер майдан даласында ерлікпен шайқасты. 100 000-нан астам отандасымыз жауынгерлік ерліктері үшін медаль-ордендермен марапатталды. Қысқа уақыт ішінде Қазақстанның аумағына 142 кәсіпорын орналастырылып, қазақ жеріне 532 мың 506 адам көшірілді.

Ұлы Отан соғысы жылдары Қазақстанға көшірілген өзге ұлт өкілдері болды. 1941 жылы республикаға 300 мыңнан астам неміс жер аударылса, 1943 жылы күзінен 1944 жылға дейін Қазақстанға 507 480 адам күшпен көшірілді. Олардың ішінде 45 500 қарашай, 406 000 шешен мен ингуш, 21,150 балқар, 2 200 қалмақ, 4 500 қырым татарлары, 27 600 месхет түріктері және басқа да ұлт өкілдері болды. (150сөз)

https://sputniknews.kz/pobeda/20190509/9936819/9-mamyr-Uly-Otan-sogysy-qazaqstandyqtar-zheniske-qosqan-ulesi.html

2-мәтін

Соғыста ерен еңбегімен көзге түсіп, мерт болғаннан кейін одақтың ең жоғарғы атағы Кеңес Одағы Батыры атанған қаршадай қазақ қызы Әлия Молдағұлова Ақтөбе облысының Қобда ауданында 1925 жылдың 15-ші маусымында дүниеге келген. Жатсайнан анасынан айырылып, аз жылдар нағашысының қолында болып, кейін отбасы жағдайына байланысты балалар үйіне тапсырылып, соғысқа да сол жақтан аттанады.

1943 жылдың қарашасында Әлия Холм түбінде немістерден «тіл» алу мақсатында жүргізілген барлау соғысына қатысқан. Осы соғыс барысында Әлия солдаттармен бірге немістердің траншеясына басып кіріп, 5 немісті тұтқындаған. Қаңтардың қақаған аязында Насва станциясы үшін қырғын шайқаста 19 жастағы өрімдей қыз жаңбырша жауған оқтың астында сиреп қалған қаруластарын 6 рет шайқасқа өзі бастап шыққан. Әлия атып тұрып: «Отан үшін алға!»деп, айқай салды. Оның соңында бүкіл рота көтеріліп, шабуылға шықты. Әлияның қолына минанаң сынығы тиді, бірақ ол автоматын тастамай, бір неміс офицерін атты. Офицер жауап беріп, Әлия екінші рет жарақаттанды. Соңғы рет Әлия атып, немісті өлтірді. Казачиха деревнясының бастысында, Смердель деген кішкентай өзеннің биік жағасында достары Әлияны жерледі.

Кеңес Социалистік Республикалар Одағы Жоғарғы Кеңесінің Жарлығымен 1944 жылдың 4-ші маусымында көрсеткен ерлігі үшін ефрейтор Әлия Нұрмұхаммедқызы Молдағұловаға Кеңес Одағының Батыры атағы берілді. (150сөз)

https://bigox.kz/aliya-manshuk-xiuaz/

Оқылым

Тапсырма

Мәтіндерді мұқият оқып, олардың тақырыбы мен сөз қолданыстарындағы ерекшеліктерге мысалдар келтіріңіз.

А мәтіні

Қиял- адамға тән қасиет. Қиял дегеніміз адамның қоршаған ортадағы заттар мен құбылыстардың бейнесін ойда қайта жаңғыртып, өңдеу, ойша өзгерту, шындыққа өз жанынан басқа бір жаңа ой қосып, көзге елестету. Қиял – тек адамға ғана тән қасиет. Адамда қиял пайда болған кезде ми қабығында бұрын жасалған уақытша байланыстар өзгеріске ұшырап, жаңа нәрселердің бейнесі туып отырады. Уақытша байланыстарды ойша қайта жасап, өңдеу кезінде адамның ішкі ойы шешуші рөл атқарады.

Әр адамның қиялы әртүрлі болады.Ол адамның жасына, өмірден көрген –білгеніне, мақсаты мен қызығушылығына байланысты. Қиял шындыққа жақын болса, ол шығармашылыққа оң әсер етеді. Ал, мүмкін емес нәрсені қиялдаған адамның ойы айналасындағылар үшін күлкілі болып көрінуі мүмкін. Бірақ қиял қалай да адамның ойын дамытып, оны алға жетелейтінін жоққа шығаруға болмайды.

Қиял адам бойындағы ерік-жігерді де тәрбиелейді. Қиялы мен арманы сай келген бала өскенде мықты, ортасында сыйлы азамат болады. Өйткені қиял арқылы алдағы ісінің нәтижесін , өмір жолын дұрыс болжап, көре алады.

(145 сөз)

https://infourok.ru/iyal-adama-tn-asiet-3670369.html

Ә мәтіні

Қазіргі әдебиеттегі фантастика жанрына берілген тұжырымдама біраз жайдан хабар жеткізгендей. «Фантастика – әдебиеттің өмір шындығын қиял тұрғысында әсірелеп бейнелейтін түрі». Демек, ғылымның дамуымен байланысты жұрт қиялынан туған көркем туындылар да дүниеге келе бастайды. Он сегіз мың ғаламның жұмбағы мен құпиясына жіті үңілген сайын адам қиялына да қанат біте түскені баршаға мәшһүр. Жалпы ғылыми-фантастикалық әде­биет ағылшын философы Ф.Бэконның «Жаңа Атлантида» кітабынан басталады. ХVІІ-ХVІІІ ғасырларда планетааралық сапар туралы, кейінірек келешек жайында ғылыми-фантастикалық шығармалар жазылғаны мәлім. Ал «миы – қиял қой­масы» атанған атақты француз жазушысы Жюль Верннің қиял-ғажайып романдары төрткүл дүниені шарлап кетті. Ұлы фантастың «Он бес жасар капитан», «Су астына 80 000 километр сапар», «Капитан Гранттың балалары» секілді кітаптарын қазақ оқырмандарының үлкен-кішісі бірдей жастанып оқығаны белгілі. Қазақ әдебиетіндегі таза фантас­тикалық тұңғыш көркем шығарма – көрнекті маркшейдер-ғалым, философ-қаламгер Ақжан Машановтың 1957 жылы жарық көрген «Жер астына саяхат» повесі. Бұл тосын да, ізашар туынды республикада ғылыми-фантастикалық жанрдың қарқынды қанат жаюына әсер етіп, қиялгерлердің үлкен шоғырын жасақтағаны аян. Қазақ қаламгерлерін де ғарыш әлеміне, жұлдыздар сырына, телегей-теңіз мұхиттар тұңғиығына, жеті қат жер қойнауына, табиғаттың құпия тылсымына ой көзімен барлауға ұмтылдырды.

(160 сөз)
https://egemen.kz/article/31799-uaqyttan-ozghan-qiyalgerler

[10]

Жазылым

Тапсырма

Екі ұсынылған тақырыптың бірін таңдап, тиісті құрылым мен стильді (ресми, бейресми) қолданып, жалғаулар мен шылаулардың ерекшелігін ескере отырып, орфографиялық нормаларды сақтап, жазба жұмысын (мақала, әңгіме) орындаңыз. (180-200 сөз көлемінде)

[10]

1. Ұлы Отан соғысы талай адамның өмірін әкетті... Әр жауынгер елін, жерін, Отанын қорғау - әр адамның міндеті деп білді. Әрине, Жеңіс оңайлықпен келген жоқ. Ата, әкелеріміздің қайтпас қайсарлықтарының,табандылықтарының, еліне деген сүйіспеншіліктерінің арқасында Жеңіске жеттік. Жеңіс туы мәңгілікке желбіреді! Қазіргі жастардың міндеті – елі үшін жанпида болған аталарымыздың арман, өсиеттерін орындап, елін, жерін, намысын қорғау.

Ардақты ардагерлерімізге арнап «Батырларға мың тағзым» тақырыбына мақала жазыңыз. (180-200 сөз көлемінде)

2. Қазақ фантастикалық әдебиетінің теориясы мен тарихын жазушы , фантастика жанрының алғашқы туындыгерлерінің бірі – А. Мархабаев: «Фантастиканың басты міндеттерінің бірі ғылымды насихаттау екен. Демек, бұл жанрдың басқа әдеби түрлерден ерекшеленіп тұратын оқшау қасиеті болуы тиіс» деген екен.

Осы ойды өрбітіп, қызықты фантастикалық әңгіме құрастырып жазыңыз. (180-200 сөз көлемінде)

Балл қою кестесі

Тыңдалым және айтылым

Оқылым

9-10	Mәтiнде көтеpілгeн мәсeлeнi, стилі мен тiлінің сипаттық eрeкшелiктерін өте жақсы түсiнiп талдайды
7-8	Mәтінде көтерілгeн мәсeлені, стилі мен тілінің сипаттық eрeкшеліктерін жақсы түсiнiп талдайды
5-6	Mәтінде көтepілгeн мәсeлені, стилі мен тілінің сипaттық eрекшеліктерін қанaғаттанарлық деңгeйде түсiнiп тaлдайды
3-4	Mәтінде көтepілгeн мәсeлені, стилі мен тілінің сипaттық epeкшеліктерін шектеулі түсiнеді, талдауға талпыныс жасайды.
1-2	Mәтінде көтeрілгeн мәсeлені, стилі мен тілінің сипaттық epeкшеліктерін өте шектеулі деңгейде түсiнеді.
578тг - Сатып алу Материал ұнаса әріптестеріңізбен бөлісіңіз Ватсапта бөлісу Телеграммда бөлісу Фейсбукта бөлісу Сілтемені көшіру Материал жариялап тегін сертификат алыңыз! Бұл сертификат «Ustaz tilegi» Республикалық ғылыми – әдістемелік журналының желілік басылымына өз авторлық жұмысын жарияланғанын растайды. Журнал Қазақстан Республикасы Ақпарат және Қоғамдық даму министрлігінің №KZ09VPY00029937 куәлігін алған. Сондықтан аттестацияға жарамды Материал жариялау Сертификатты жүктеу Ресми байқаулар тізімі Республикалық байқауларға қатысып жарамды дипломдар алып санатыңызды көтеріңіз! Тізімді көру Материал іздеу Сіз үшін 400 000 ұстаздардың еңбегі мен тәжірибесін біріктіріп, ең үлкен материалдар базасын жасадық. Төменде пәніңізді белгілеп, керек материалды алып сабағыңызға қолдана аласыз Барлығы 663 959 материал жиналған Пән Бағыт Сынып Іздеу Ұқсас материалдар Дайын ҚМЖ. Барлық пәндерден 2022-2023 оқу жылына, жаңа бұйрыққа сай жасалған Сертификатталған тренер жасаған 01.01.2023 17 863 13 694 ҚР Білім және Ғылым министірлігінің стандарты бойынша жасалған. 2022-2023 оқу жылына арналған Барлық пәндер Барлық материалдар Барлық сыныптар Қазақ тілі пәні бойынша барлық материалдарды көру Іс-шаралар кестесі Педагогтардың біліктілігін арттыру курстары Сайт Peaksoft веб-студиясында жасалған - Peaksoft.kz