Авторы: Казыбаева Камшат Сатыбалдиевна

Жобаның атауы: Жылдам оқытуды үйрету арқылы білім сапасын арттыру

Бағыты: «Шығармашыл толқын» (бастауыш сынып және мектепке дейінгі білім беру ұйымдарының педагогтері)

Білім беру ұйымы: «Абай атындағы №4 жалпы білім беретін мектеп мектеп-гимназия» коммуналдық мемлекеттік мекемесі

Автордың мекенжайы: Түркістан облысы, Жетісай ауданы, Жетісай қаласы

Электронды адрес: vip.namus@mail.ru

Жылдам оқытуды үйрету арқылы білім сапасын арттыру

Мектепке алғаш келгенімде менде үш сұрақ болды: балаларды қалай қызықтыруға болады, сабақты қалай нәтижелі өткізуге болады және аптаның барлық сабақтарын қалай тиімді дайындауға болады. Бір жыл жұмыс істегеннен кейін менде жақсы идеялар пайда болды және сол идеялар өз жемісін берді. Қазірдің өзінде мен жүзеге асыруға оңай идеяларды ұсына аламын. Олар көп күш жұмсамайды және бірнеше сабақта оқу процесін жеңілдетеді.

Оқу – мектептегі бастауыш сыныптың басты проблемалардың бірі болып саналады. Оқушыны оқыту және түсінуі мына отырған әріптестердің барлығы жақсы біледі. Кейінгі кезде мектеп оқушыларының оқу сауаттылығы, өкінішке орай, төмендеп барады. Жақсы оқу үшін адамға түсініп оқу, жақсы оқу техникасы және әрине кітапқа деген қызығушылық қажет. Бұл баяндамада мен бастауыш мектептің әртүрлі кезеңдерінде мәселені әртүрлі қырынан шешуге көмектесетін оқуды үйретудің қызықты және стандартты емес әдістерінің таңдауын ұсынамын.

Оқушыны қалай жылдам оқытуға үйретуге болады? Тек қана жылдам оқытып емес, сол оқыған тексті түсініп оқуы да маңызды болуы керек.

Мен оқулықтағы текст емес басқа кітаптан тексттерді таңдап алдым. Тексттегі сөйлемдер сыныпқа, жас ерекшеліктеріне қарай таңдалады. Сол текстті мен оқушылар санына қарай(20 оқушыға 20 парақ) шығарып алдым. Әрине, сол текст бойынша көрнекіліктер(ертегі, әңгіме, баяндау т.б.) дайындадым. Сыныптағы әр-бір текст жазылған парақтарды оқушыларға тараттым. Алдын ала текстпен танысу үшін уақыт бердім. Жылдам оқытуды үйрету ережесін таныстырдым. Ереже бойынша бір оқушы дауыстап оқып бастайды. Кез-келген кезде оқушыны ауыстырып отырамын. Текст оқып жатқан оқушы тоқтайды, аты аталған оқушы оқуды жалғастырады. Барлық оқушы текстті саусағымен қадағалап отырады. Осылай текст біткенше жалғаса береді. Сосын келесі текстке өтуге болады.

Бұл әдісте оқушылар зейіні жинақталады, оқушының ойы бөлінбейді, текстпен танысқанда оқылатын текстті түсінеді. Мектеп оқулығындағы текстердің орнына басқа кітаптардан алсаңыз, бейтаныс жаңа текст оқушының қызығұшылығын оятады.

Осы әдісті қолдануымның арқасында сыныптағы оқушылардың оқу жылдамдығы артты, текстті түсініп алуына, білім сапасына тікелей әсер етті.

Барлық адам ғаламторға үңілген мына заманда кітап оқу, кітапханаға бару қалып баражатыр. Осы әдісті қолдану арқылы оқушыларым кітапханаға барып, кітаптарды оқуға деген құштарлғы артты.

Жетістіктерімде жоқ емес. Оқушыларым бірнеше оқу байқауларына қатысып жүлделі орындарды иеленіп келеді.

Міне осы әдіс бастауыштағы әріптестеріме жақсы көмекші болады деп сенмін.

Бұл техникамен жұмыс істеу кезінде бірнеше факторларды ескеру маңызды: Кішігірім мәтіндерден бастаңыз - балалар сөйлемдерді есте сақтап, оларды жалғастырып кетуді үйренуі керек. Алдымен текстті ауызша айтуға болады, осылайша сыныптағы әрбір оқушы қай белгіге не қатысты екенін түсінеді.