Кеңейтілген қазақ тілі курсының бағдарламасы "Тіл қазына" 2-сынып

Өскемен қаласы әкімдігінің «Оралхан Бөкей атындағы №44 лицейі» КММ

Бағыт: Бастауыш

«Тіл- қазына» кеңейтілген курсы бағдарламасы

2 - 3 сынып

Бағдарлама авторы: К.С.Садыкова

Г.Қ.Дырымбаева

Қаралды: Г.Б. Жаныбекова

Бастауыш сынып әдістемелік

кафедрасының меңгерушісі:

___________

«____»________2018 ж

Оқу ісінің меңгерушісі: Н.А.Садыкова

__________

«____»________2018 ж

Өскемен қаласы

2018-2019 оқу жылы

Түсінік хат

Бұл бағдарлама Қазақстан Республикасының Білім Заңы мен Қ.Р Білім Министрлігінің 375 бұйрығы және 2018-2019 жылғы оқу бағдарламасы негізінде жасалды. Тіл құдіреті мен әдебиет көші адамды рухани байытып, жанын сұлуландырып, ізгілікке, адамгершілікке баулиды. Әрине, бұл ретте пәндік сабақтарға ғана арқа сүйеп, тар аяда қалып қойюға болмайды. Олар бағдарлама бойынша негізгі түсінік берсе, кеңейтілген оқу бағдарламасында алған дәрісті дамыта түсіп, ойына ой қосады. Қазақ тілі оқушыларды өмірінде жаңа пайда болған «жетекші әрекет» – оқу әрекетіне бейімдеу болса, кеңейтілген бағдарлама зейінінің тұрақтануын, логикалық ойлауы мен білім алуға деген қызығушылығын қалыптастырып, ой-өрiсiн жетiлдiру, сөздік қорын молайтып, байланыстыра сөйлеуге үйрету міндеттерін жүзеге асырады. Бұл кеңейтілген бағдарлама – морфология, фонетика, синтаксистік талдау жасап, оның заңдарын біліп қана қоймай, сөз бедерін танып, астарына үңіліп, көркем шығармаларды түсініп оқуына ықпал етуді көздейді. Сонымен қатар сөйлеу әрекетінің тыңдалым, айтылым, оқылым және жазылым түрлерін дамыту арқылы басқа пәндерді меңгертуге негіз болады.Қазақ тілі мен әдебиеттік оқу пәнінде оқу және жазу жұмыстары өзара тығыз байланыста қатар жүреді: оқу дағдысы жақсы қалыптасқан оқушының сауатты жазу дағдысы да соған сай қалыптасады. Сондықтан бұл кеңейтілген бағдарлама соған қатысты ауызша, жазбаша орындалатын жұмыстарға тоқталады. Әр түрлі әңгімелер мен туындыларды оқу арқылы сөздің эмоциялық бояуын, кейіпкер бейнесін, адамдар арасындағы қарым-қатынасты тани отырып талау жұмыстарын жүргізуге үйренеді. Әрі айтар ойын нақты, жүйелі жеткізе білуге машықтандырады.

Бағдарламаының мақсаты:

Оқу және жазу дағдылары қалыптасқан, алған білімін әртүрлі жағдаяттарға сай қолдана білетін, ойын, пікірін толық, түсінікті, жүйелі жеткізе алатын, білім алуға ынталы жеке тұлғаның қалыптасуына мүмкіндік жасау. «Қазақ тілі» пәнінің кеңейтілген бағдарламасы арқылы оқушылар қазақ тілі мен әдеби мұрасын меңгеріп, ана тілі мен туған халқының мәдениетін құрметтеуге, оқу үдерісінде және күнделікті өмірде кездесетін жағдаяттарда тілдік қарым-қатынасқа еркін түсіп, өз пікірін білдіруге дағдыландыру

Бағдарламаның міндеті:

- оқушыларды оқу әрекетіне психофизиологиялық тұрғыдан дайындау;

- әріптен буын, буыннан сөз, сөзден сөйлем құрап оқуға және жазуға дағдыландыру;

- оқу дағдысы (дұрыс және түсініп оқу) мен жазу дағдысын (қатесіз, сауатты, таза, каллиграфия ережелерін сақтай отырып жазу) қалыптастырып, жетілдіру;

- кітап оқуға қызығушылығын арттыру;

- қарапайым талдау жасау тәсілдерін меңгерту арқылы салыстыру, топтастыру, жүйелеу біліктерін қалыптастыру;

- сөйлеу және қарым-қатынас жасау мәдениеті нормаларын сақтауға дағдыландыру;

- сөздік қорын байыту және, байланыстыра сөйлеу тілін дамыту;

- қатысымдық дағдыларын (диалог барысында басқа адамның сөзін ести және тыңдай білуін, диалогке/сұхбатқа қатысуға дайын болуын, әркімнің өз көзқарасы мен пікірі болатынын түсінуін; өз пікірін айқын да дұрыс және толық жеткізе білуін) қалыптастыру;

Күтілетін нәтиже:

1. Сөйлемді дұрыс құрап, байланыстырып сөйлеуге үйренеді.

2. Дыбыс, буын, сөз туралы білімдері кеңейіп, сөздерге толық дыбыстық талдау, сөз құрамына талдау жасауға үйренеді.

3. Өзі оқыған мектебі туралы толық мәлімет алады.

4. Сөздік диктант түрлерін жаздыру арқылы жазу сауаттылығы мен колиграфиясы қалыптасады.

5. Оқудың бірнеше түрін үйренеді: Іштей оқу, сыбырлып оқу,дауыстап оқу, теріп оқу, боліктерге бөліп оқу,жалғастырып оқу.

6. Түсінгенін мазмұндауға, өзгені тыңдай білуге,өз пікірін түсінікті жеткізе білуге, өз бетімен шағын әңгіме, мәтін құрап жазуға үйренеді.

Педагогикалық әдіс, тәсілдер:

1) жеке және саралай оқыту тәсілін қолдану;

2)  проблемаларды және оларды шешу стратегияларын құрастыру;

3) оқушылардың жетістіктерін бағалау арқылы олардың оқуына қолдау жасау;

4) оқушылардың зерттеу іс-әрекеттерінің негізінде белсенді оқуға ынталандыру;

5) оқушылардың сын тұрғысынан ойлау дағдыларын дамыту.

6) мұқият таңдап алынған тапсырмалар мен іс-әрекет түрлері арқылы оқушыларды ынталандыра және дамыта оқыту;

7) оқушылардың өзіндік іс-әрекетін ұйымдастыру: жеке және топтық жұмыс;

8) бірін-бірі оқыту;

9) түрлі дерек көздерінен ақпарат іздеуді талап ететін есептерді шығаруға көмектесу, АКТ ның мүмкіндіктерін пайдалану;

11) оқушыларды өз жұмысын талдауға және түзетуге ынталандыру (рефлексия).

Оқу жетістіктерін бағалау тәсілдері

 1.«казак тілі» пәнін меңгеру нәтижелері критериалды бағалауды  қолдану арқылы жүзеге асырылады.

2.Критериалды бағалау оқыту, оқу және бағалаудың өзара тығыз байланысында негізделген. Критериалды бағалау нәтижелері білім беру процессін тиімді жоспарлау және ұйымдастыру мақсатында пайдаланылады.

3.Критериалды бағалау қалыптастырушы және жиынтық бағалаудан тұрады.

Тақырыптық күнтізбелік жоспары

«Тіл -қазына» қазақ тілінен кеңейтілген курс

2-сынып

Аптасына 1 сағаттан 34 сағат

2- сынып

Қазақ тілі бағдарлама бойынша аптасына 4 сағат, жылына 136сағат

Кеңейтілген бағдарлама бойынша аптасына 1 сағат, жылына 34 сағат

Пайдаланған әдебиеттер:

Оқушылар үшін

1. Балаларға арналған энциклопедия 2012ж

2.Қазақ балалар әдебиетінің хрестоматиясы

3.Әдебиеттік оқуға арналған хрестомаития

4. Балаларға арналған журналдар:

Балдырған, Айгөлек,Балбұлақ, Балаби, Ақ желкен, Жыл он екі ай

5. Қазақ халқының салт-дәсүрі жинақ Алматыкітап

6.Қазақ халқының ертегілері

Мұғалімдер үшін

1. 45 минут жураналы 2016-2017 ж

2. Бастауыш мектеп журналы 2016-2017ж

3. «Мектебім –Мақтанышым» кітабы

4. Бастауыш сыныпта оқыту әдістемесі

5. Білім берудегі иновациялар журналы