Көлік түрлерімен таныстыру

Күні: 04.03.2021ж.

Білім беру саласы: Әлеумет. Бөлімі: Қоршаған ортамен таныстыру. Өтпелі апталық тақырып: «Көліктер». Мақсаты: Көлік түрлері (жол, ауа, су, теміржол көліктері), бағдаршам белгілерімен таныстыру,

Көлік түрлерінің қолданысы туралы білімдерін қалыптастыру.

Әр көліктің пайдасын айта отырып, еңбекқорлыққа баулу.

Қолданылатын көрнекі құралдар: демонстрациялық суреттер мен тапсырмалар, үнтаспа.

Әдіс-тәсілдері: Сұрақ-жауап, көрсету, түсіндіру,бағдаршам

Сөздік жұмыс: көлік, бағдаршам.

Билингвалды компонент: көлік – транспорт – transport, бағдаршам – светофор – traffic lights.

Сәлеметсіздер ме-здравствуйте-hello.

КІРІСПЕ БӨЛІМ. Шаттық шеңбер:

-Аспанымыз ашық болсын!
-Деніміз сау болсын!
-Тамағымыз тәтті болсын!
-Сабағымыз сәтті болсын!
НЕГІЗГІ БӨЛІМ.

Ой қозғау: Балалар ерте заманда көлік түрлері болмаған кезде адамдар алыс жерлерге қалай барған? Ауыр жүктерді бір жерден екінші жерге қалай жеткізген?
Балаларға ерте заманғы көліктер туралы қысқаша түсінік беремін.
Балалар ерте заманда көлік түрлері болмаған кезде адамдар көлік ретінде және жүк тасу үшін үй жануарларын пайдаланған. Ат, түйеге арба жегіп адам, жүк тасымалдаған. Алыс жерлерге жету үшін айлап, жылдап жүріп барған.
Қазір көліктің түрлері өте көп, оларды бірнеше топқа бөлуге болады:

1. Жерде жүретін көліктер: машина, автобус, мотоцикл.

2. Әуеде ұшатын көліктер: ұшақ, тік ұшақ, зымыран.

3. Суда жүзетін көліктер: кеме, қайық, желкенді қайық.

4. Темір жол көліктері: поезд, трамвай, тралейбусс.

Бұл көліктердің бәрін арнайы маман иелері жүргізеді. Ұшақты – ұшқыш, машинаны – жүргізуші, кемелерді – кеме капитаны, поезды - машинист басқарады.

КEЙІПКЕР

Жол полициясының көлігінің дыбысы естіледі.

Балалармен амандасып топқа жол полиция қызметкері кіріп келеді.

Балалармен көңілді амандасып, өзін таныстырады

• Балалар, сендердің бүгінгі тақырыптарың көлік түрлері болғандықтан мен сендерге жолда жүру ережелері жайында түсінік беруге келдім.

Бағдаршам туралы, бағдаршамның көздерін түсіндіреді, жолда жүру тәртібін үйретеді.

• Балалар, сендерге бағдаршам ұнады ма және түсіндіңдер ме? Олай болса маған кім түсіндіріп береді?

Мысалы: Өз бағытымыздағы қызыл түсте тоқтаймыз, сары түсте жүруге дайындалып тұрамыз, ал жасыл түсте жүреміз.

• Өте жақсы балалар, сендердің бағдаршам туралы түсінгендеріңізге өте қуаныштымын. Қош сау болыңдар, жолда аман-есен жүріңдер.

• Сау болыңыз, жолыңыз болсын!

Билингвалды компонент: көлік – транспорт – transport, бағдаршам – светофор – traffic lights.

Сергіту сәтті:«Бағдаршам»- жолда жүру ережелерін үйренеміз, бізбен бірге қайталандар! атты әніне билету.

1 ТАПСЫРМА:«КӨЛІК ТҮРЛЕРІНІҢ ЖОЛДАРЫН ТАУЫП ОРНАЛАСТЫР». Ойынның шарты: Көлік түрлерінің жолдарын тауып, қорапқа салу керек.

2 ТАПСЫРМА «КӨЛІКТІҢ БӨЛІГІН ТАП» Ойынның шарты: Көліктін жартысын тауып сызып қорсету керек.

3 ТАПСЫРМА «ДЫБЫСТЫ ТАУЫП КӨЛІКТІ АТА» ойыны. Ойынның шарты: Үнтаспада көліктердің дыбысы шығыды, балалар қай көлік екенін атау керек.

ҚОРЫТЫНДЫ БӨЛІМ.

• Балалар біз бүгін не үйрендік? (Көліктер туралы үйрендік)

• Бізге қонаққа кім келді? (Жол полициясы)

• Балалар сендер бүгінгі оқу қызметіне өте жақсы қатыстыңыздар.

• Жарайсыңдар, балалар. Барлығыңыз жол ережесін сақтап, көліктермен аман-есен жүрейік. Осымен бүгінгі оқу іс-әрекетіміз аяқталды. Келген қонақтармен қоштасамыз. Қош сау болыңыздар!

КРИТЕРИЯЛЫҚ БАҒАЛАУ

• БАҒДАРШАМ түстерімен өз-өзін бағалау әдісі.

• ҚЫЗЫЛ – ОРТАША

• САРЫ – ЖАҚСЫ

• ЖЫСЫЛ – ӨТЕ ЖАҚСЫ

• Қызыл, сары, жасыл түстердің біреуін жоғары көтеру арқылы өз-өзін бағалау.

Тәрбиеші: Копежанова А.К.

Тексерілді: _____________